பூங்குன்றன்

ஒருநாள் பூவாய் மலர்வேனோ;

2010-11-25T12:25:00.000+03:00

சிலந்தி கூட்டுக்குள்
சிறைபட்ட சிறுவண்டாய்

சிக்கிக்கொண்டும் மனது
சிரிக்கிறதே என் கண்மணி;

கொட்டும்போது கூட
வலிக்கவில்லை,இனிக்குதடி;

வருடக்காதல் உன்னொரு சொல்லில்
வருடுமா மெல்லிய இறகாய்;

வளைந்த பாதை திரும்பாது
வாடிய மலரும் அரும்பாது

எத்தனை பெண்களை பார்த்தாலும்
அத்தனை முகங்கள் நீயாகி

மனதெனும் பெரும் காட்டில்
எரிகிறாய் அணையா தீயாகி!

வர்ணம் போன பட்டாம்பூச்சி
வேகம் இல்லா நீர்வீழ்ச்சி

நான்கூட இவைதானோ-பெண்ணே
உன்நிழல் இன்றி போவேனோ;

உன்பார்வை எனும் பூங்காவில்
ஒருநாள் பூவாய் மலர்வேனோ;

I LOVE YOU ALL !!!

2010-01-06T01:42:00.001+03:00

வேற்று மாநிலம், வேற்று மொழி கடந்து, இப்போது கடல் கடந்து திரவியம் தேடி வேற்று நாடு, வேற்று மக்கள் பழகி இன்னும் மூன்று நாட்களில் என் சொந்த மண்ணுக்கு வரப்போகிறேன். இரண்டு ஆண்டுகள் முடியப்போகிறது இங்கு வந்து. மூன்று முறை என் இந்தியாவிற்கு விடுமுறைக்காக வந்து சென்றிந்தாலும் இப்பொழுது எட்டு மாதங்கள் கழிந்தநிலையில் என் ஆருயிர் மனைவி, அன்பான அப்பா, அம்மா, இரண்டு தம்பிகள், நண்பர்கள், உறவினர்களை பார்க்க வரப்போகும் இந்த மகிழ்ச்சி ஏற்கனவே வந்து சென்றிருந்த அந்த மூன்று விடுமுறைக்காலத்தை விட சிறந்ததாய் கருதுகிறேன்.

என் நெருங்கிய நண்பர்களுக்கும், என் பழைய இடுகையை படித்துணர்ந்த சக பதிவுலக நண்பர்களுக்கும் தெரியும் இம்மற்றற்ற மகிழ்ச்சிக்கு காரணம்.

கிட்டதட்ட மறுப்பிறவியெடுத்த மனநிலையில்தான் நான் வருகிற சனவரி ஒன்பதாம் தேதி அதிகாலை ஈராக் தலைநகர் பாக்தாத்திலிருந்து சென்னைக்கு வரப்போகிறேன்.

அந்த சம்பவத்தை நான் பெரிதுபடுத்தி சொல்வது போலிருக்கலாம் அல்லது உங்களுக்கு மிக சாதாரணமாக தோன்றலாம். எப்படியிருந்தாலும் எனக்கு அந்த சம்பவம் ரொம்ப புதிதும், அனுபவித்துணர்ந்ததும்.

எனக்கு மூன்று வாரமே விடுமுறை கிடைத்திருந்தாலும் அதை ஒவ்வொரு கணங்களாய் அனுபவிக்கப்போகிறேன். முடிந்தால் பதிவுலக நண்பர்களை பார்க்க முயற்சிக்கிறேன்.

இந்த விடுமுறைக்காக என் சம்மந்தப்பட்ட அலுவலக வேலைகளை முடித்துக்கொடுக்க வேண்டியிருந்ததால் கடந்த பல நாட்களாக என்னால் இடுகை இட முடியவில்லை; உங்களின் இடுகைகளையும் படித்து கருத்தும் சொல்ல முடியவில்லை. விடுமுறை காலங்களிலும் வலைப்பூவிற்கு வரக்கூடிய நேரம் அமையுமா என்று தெரியாது.

காலம்/அனுபவம் தரும் பாடங்களை எந்த கல்லூரியும் கற்றுக்கொடுப்பதில்லை. பொதுவாக கல்விக்கூடங்களில் பல மாணவர்களுக்கு ஒரு ஆசிரியர்தான் பாடம் சொல்லித்தருவார். ஆனால் நம் வலைப்பூ எனும் அழகிய கல்விக்கூடத்தில் ஒரு மாணவனாக என்னையும், எனக்கு பாடம் சொல்லித்தரும் அன்பு ஆசிரியர்களாக உங்கள் அனைவரையும் பார்க்கிறேன்.

நான் துவண்டு, சோர்வுறும் நேரங்களில் ஆறுதலாய் அரவணைத்து கனிவு சொற்களால் என்னை புதுப்பித்துக்கொண்டே வரும் என் மனைவி, குடும்பம், நண்பர்களுக்கு 'நன்றி' சொல்ல மாட்டேன், மாறாக 'I love you all' என்று சொல்ல விரும்புகிறேன்..தவறில்லையே !!!

இனிய புத்தாண்டு நல்வாழ்த்துகள்.

2009-12-31T19:07:00.000+03:00

என் இனிய சக நண்ப நெஞ்சங்களுக்கு,

உங்களுக்கும்,உங்கள் குடும்பத்திற்கும் உங்கள் அன்பு நண்பன் பூங்குன்றனின் இனிய ஆங்கில புத்தாண்டு நல்வாழ்த்துகள்.

இந்த ஆண்டு முதல் நம் எல்லோருக்கும் மகிழ்ச்சி பூத்துக்குலுங்க இயற்கை கடவுளை வேண்டுகிறேன்.

அலுவலக பணிச்சுமை காரணமாக உங்களை கடந்த ஒரு வாரமாக சந்திக்க முடியாமல் இருந்தாலும், இன்னும் ஓரிரு வாரங்களில் சந்திக்க இருக்கிறேன் புத்தும் புது ஆண்டில்....

நட்புடனும்,அன்புடனும்,
உங்கள் பூங்குன்றன்.வே

காதல் ஞானி !!!

2009-12-22T07:51:00.000+03:00

நெடுவானத்தில் நீண்ட
கொடிமரத்து நுனியில்
அமர்ந்திருக்கும் பறவை
அறிய வாய்ப்பில்லை;

புகைகக்கி போகும்
புகைவண்டி சப்தத்தில்
மிச்சமிருக்கும் அதிர்வு
அறிய வாய்ப்பில்லை;

பதுங்கி மெதுவாய்
பகலை தின்றமயக்கத்தில்
படுத்திருக்கும் இரவு
அறிய வாய்ப்பில்லை;

பெண்மீது கொண்டகாதல்
பித்தனாக்கி சித்தனாக்கி
பாதைமாற்றி போதைஏற்றி
பின்பு ஞானியாக்கும் என்று!!!

எஞ்சாமி எங்க போச்சு ?

2009-12-20T08:03:00.000+03:00

பகல் உழைச்சு இரவு தூங்க
நோவுக்கு தைலம் தேச்சி
காத்தால எந்திரிச்சா
கடன்கொடுத்தவன் கண்ணெதிர;
ஆயிரம் பொய் சொல்லி
அன்னிக்கும் வேலைக்கு போயி
ஐஞ்சு பத்து கூலிக்கு
இடுப்பொடிந்து வேலைசெஞ்சு
ஊட்டுக்கு சுருக்கா வந்து
உப்புபோடாம கஞ்சி குடிச்சி
உலக்கைய தலையில் வைச்சு
பாதிவுறக்க அசதியில
படுத்துக்கினு இருக்கறப்ப
மாராப்பு வெலக்கி இடுப்பை நெருக்கினவனை
பதறிபோய் பார்த்தா
'கம்முன்னு கிடந்தா கடனை அடைசிரலாம்'
கடன்கொடுத்த ராசா சொல்லுறப்ப
சுருக்குன்னு கோவம் தலைக்கேறி
பிஞ்சுபோன செருப்பாலடிச்சி
துரத்திவிட்டு நினைச்சுக்கிட்டேன்
எஞ்சாமி எங்க போச்சு;
கல்லாவே மாறி போச்சு !!!

ஒரு காதல் கதையும், சம்மந்தமில்லா ஒரு கவிதையும்.....

2009-12-18T07:50:00.000+03:00

அது ஒரு அக்டோபர் மாதம்,வருடம் 1998.

கிராமத்தில் பிறந்த அந்த இளைஞன்,பட்டயப்படிப்பு முடித்ததும் வேலை தேடி அப்பாவின் மாணவர் ஒருவரின் வற்புறுத்தலினபேரில் பெங்களூர் நோக்கி பயணமாகிறான். கனவுகளும்,ஆசைகளும் நிறைந்த பயணம் அது.எதையோ சாதிக்க போகிறோம் என்கிற திமிர் அவன் கண்களில் தெரிந்தது.பெங்களூர் சென்ட்ரலில் வந்து இறங்கி தந்தை கொடுத்த முகவரியில் அந்த அண்ணா இருந்தார்.

என்ன சூர்யா?(இது நிச்சயம் இந்த கதையின் நாயகன் பெயராகத்தான் இருக்கும்). ஸ்டேஷன்ல இறங்கி ஒரு போன் பண்ணியிருந்தா நானே வந்து கூப்பிட்டு வந்திருப்பேனே?இல்லைண்ணா, பரவாயில்ல, உங்களுக்கு எதுக்கு சிரமமும் என்று நானே வந்துட்டேன்.

இன்னும் நீ மாறவில்லையா சூர்யா?மத்தவங்களுக்கு அதிகம் சிரமம் கொடுக்கமாட்டேன் என்னும் அந்த நினைப்பு சின்ன வயசில உங்கிட்ட பார்த்தது. இன்னும் நீ மாறல போல. சரி,கைகால் அலம்பிட்டு வா,சாப்பிடலாம் என்றார்.அவன் எப்பவும் இப்படித்தான். மற்றவர்கள் என்ன நினைப்பார்களோ என்பது கூச்ச சுபாவம் என்றாலும் சூர்யாவை பொறுத்தவரை அது மற்றவர்களுக்கு நாம் தரும் சிரமம் என்று நினைக்கிற ரகம். தேவையானதை வீட்டில் கூட வாய்திறந்து கேட்ட மாட்டான்,நண்பர்கள் தவிர பிறரிடம் ரொம்ப சாதுவாக இருப்பான்;அதிகம் பேசமால் எதையோ எழுதிக்கொண்டு, படித்துக் கொண்டு இருக்கும் ரகம்;தம்பிகள் எதாச்சும் வலிய வந்து செல்ல சண்டை போட்டாலும் சிரித்துக்கொண்டே அவர்களின் வெற்றியின் மீது அதிக கவனம் வைக்கும் ரகம்;நீங்கள் எவனுக்கு எதிர்மாறாக இருந்தால் அது சூர்யாவின் தவறல்ல.ஒருவேளை நீங்கள் அவனைப்போலவே இருக்கும் ரகம் என்றாலும் அது சூர்யாவிற்கு மகிழ்ச்சி அல்ல.

நாளைக்கு என்கூட ஆபிஸ் வா.அங்கே எனக்கு தெரிந்த சில கஸ்டமர்ஸ் வருவாங்க, அவர்களிடம் எற்கனவே உன் வேலைய பத்தி பேசிட்டேன்,நாளைக்கு வரும் போது பேசலாம்ன்னு சொன்னாங்க.சரியா சூர்யா?
சரிண்ணா.நாளைக்கு நானும் உங்ககூட வரேன்..

மறுநாள் காலை அவருடன் அலுவலகம் சென்றதும் அங்கே இருந்தவர்களை அறிமுகப் படுத்தினார் ராமன்.கடைசியில் அவளிடம் வந்தார், மீனா, இவர் என்னோட தம்பி சூர்யா. ஊர்ல இருந்து வேலைக்காக வந்திருக்கான்..சூர்யா..இவங்க பெயர் மீனா, தமிழ்நாடு தான் பூர்விகம், நல்லா தமிழ் பேசுவாங்க.. சரி.. நீங்க பேசிட்டு இருங்க,நான் போய் என் வேலையை கவனிக்கிறேன்..

ஹாய் சூர்யா,எந்த ஊர் நீங்க?என்ன வேலை தேடுறீங்க?என்ன படிச்சிருக்கீங்க? உட்காருங்க,ஏன் நின்னுட்டே இருக்கீங்க?

படபடவென பேசிக்கொண்டே இருந்த மீனாவை எந்த பதிலும் பேசாமல் பார்த்துக்கொண்டே இருந்தான் சூர்யா.

தலைவா,உங்க கிட்டதான் பேசிட்டிருக்கேன்,என்ன ஆச்சு?

ஹாங்..ஒண்ணுமில்லை மேடம்..

மேடமா, ஹல்லோ, கண்டிப்பா நான் உங்களைவிட சின்னபொண்ணுதான்னு நினைக்கிறேன், அப்படியே ஒருவேளை ஒண்ணு,ரெண்டு வயசு கூட என்றாலும் இந்த ஊர்ல மேடம்ன்னு கூப்பிட்டா...உதைப்பாங்க..தெரியுமா?

ஓஹோ..தெரியாதே மேடம்...சாரி...மீனா..

ஓகே..எனக்கு கொஞ்சம் வேலை இருக்கு..நான் இன்னும் ஐந்து நிமிடத்தில் உங்ககிட்ட பேசுறேன்..நீங்க இந்த பேப்பரை பாருங்க.

'டைம்ஸ் ஆப இந்தியா'வை என் கைகளில் திணித்த அவளை ஒரு முறை பார்த்துவிட்டு சேரில் அமர்ந்து செய்திகளில் மூழ்கிவிட்டேன்...

ஹல்லோ...சூர்யா..இங்க வாங்க..இந்த மெய்ல பாருங்க..ஒரு லூசுப்பையன் ஆங்கிலத்தை எப்படி கொலை பண்ணி அனுப்பிருக்கான்?

சரிங்க..

என்ன சிரிக்கமாட்டீங்களா? இல்ல..பயமா இருக்கா? நான் ஒண்ணும் உங்களை கடிச்சுட மாட்டேன்..

இல்லங்க..அப்படில்ல..நான் அண்ணனை பார்த்துட்டு வரேன்..

ஓகே சூர்யா..

அப்பாடா தப்பித்தோம் என்று ராமன் அறைக்கு சென்றான்.

ஸாரி சூர்யா..கொஞ்சம் பிஸிப்பா..எதாச்சும் வேணுமா?மீனா என்ன சொல்றாங்க?

எதுவும் வேணாம்...ஜஸ்ட் நீங்க பண்ற வேலைய பார்க்கலாம்ன்னு இங்க வந்தேன்..தப்பா?

ச்சே.. ச்சே.. நீ உட்காரு.. இன்னும் ஒரு மணி நேரத்தில் ஒரு விஷயமா நான் சொன்ன கஸ்டமர்ஸ் வந்துடுவாங்க... ரெசூமும், சர்ட்டிபிகேட்ஸ் கைல இருக்குல்ல..

ரெடியா இருக்கு அண்ணே.

ஒரு மணி நேரம் கழித்து வந்த கஸ்டமர்ஸ் அவங்க வேலையை முடித்ததும், அவர்களிடம் என்னை அறிமுகப்படுத்தினார்.

அரை மணி நேர நேர்முக தேர்வு மாதிரி முடிந்ததும்..நீங்க எப்ப ஜாயின் பண்றீங்க மிஸ்டர்.சூர்யா?

நாளைக்கே ஸார்.

குட்.இதான் நம்ம கம்பெனி அட்ரஸ்.நாளைக்கு ஷார்ப் ஒன்பது மணிக்கு வந்துடுங்க.

தேங்க்ஸ் ஸார்.

அந்த கம்பனியில் சேர்ந்து இரண்டு மாதத்தில்,மீனாவிடம் இருந்து குறைந்தபட்சம் ஒரு இருபது கால்ஸ் வந்திருக்கும்..நிறைய பேசினோம்..இல்லை..என்னை பேச வைத்தாள்.

மொத்த பெங்களூரையும் சுற்றி காட்டினாள்;குறிப்பாக கப்பன் பார்க்,பன் வேர்ல்ட்(Fun world) இரு இடங்களும் எங்களை நன்கு அறிந்தவை; கப்பன் பார்க்கில் உள்ள பூக்கள் வாரம் இருமுறை பூக்காது. காரணம் மீனா அந்த நேரத்தில் என்னுடன் பூங்காவில் இருப்பாள். பேச்சு.. பேச்சு.. எப்போதும் எதைப்பற்றியாவது பேசிக்கொண்ட இருக்கும் வகை அவள்; கேட்டுக்கொண்டே ரசிக்கும் ரகம் நான்;இப்படியே தொடர்ந்து மூன்று மாதங்கள் கடந்தது.

ஒரு சாயங்கால சனிக்கிழமை,ஹெப்பாலா சாலை ஓரம் நடந்துக்கொண்டு வழக்கம் போல பேசிக்கொண்டே வந்தவள் பேச்சையும், நடையையும் நிறுத்தி என் கண்களை சில வினாடிகள் பார்த்தாள்.

என்ன மீனா?என்ன ஆச்சு?

ஹ்ம்ம்..ஒண்ணுமில்லை....பார்க்கனும்ன்னு தோணிச்சு.

என்ன திடீர்னு இப்படி?

ஏன் நான் பாக்கக்கூடதா சூர்யா?

ச்சே..ச்சே..அப்படில்ல.என்னவோ நீ பண்றது புதுசா இருந்துச்சு..அதான் கேட்டேன்.
.......
.......
என்ன மீனா..பேசாம வர?

ஒண்ணுமில்லை..

சில அடிகள் நடந்ததும் அவன் கைகளை மீனா கோர்த்ததும் சூர்யா அதிர்ந்து விரல்களை பிரிக்க முயல்கையில் மீனா இன்னும் அழுத்தம் காட்டி கெட்டியாக கோர்த்துக்கொண்டாள்.

என்ன மீனா இது?

சூர்யா..என்னால வாய்திறந்து சொல்ல பயமா இருக்குப்பா.உன் கைப்பிடித்த காரணம் இப்போ புரியும்ன்னு நினைக்கிறேன் என்றவள் மறுபடியும் என் கண்களை பார்த்தாள்.அந்த பார்வை ஆயிரம் கதைகளை சொல்லியது..

புரியுது மீனா.இது எப்போலேர்ந்து?

தெரியல..ஆனா ரெண்டு மூணு நாளாவே உங்கிட்ட எப்படியாவது சொல்லனும்ன்னு ட்ரை பண்ணேன்.பட் வார்த்தை வரல.உனக்கு என்னை பிடிச்சிருக்கா சூர்யா?

என்ன சொல்றதுன்னு தெரியல மீனா.

நீ எதுவும் சொல்லவேணாம்டா.இப்படியே ஆயுசு முழுக்க உன் கைய பிடித்துக்கொண்டே இருந்தா போதும் சூர்யா..

ஹ்ம்ம்..சரி..மீனா.

(இதற்குமேல் கதையை எப்படி முடிப்பது என்று நன்றாக தெரியும்; உண்மையில் இந்த காதல் ஜோடிகள் காலமாற்றத்தால்,சூழ்நிலையால் பிரிந்துவிட்டனர்.தற்போது மீனாவுக்கும்,சூர்யாவுக்கும் இடையில் எந்த தொடர்பும் இல்லை;என்றேனும் ஒருநாள் பார்க்கையில் இருவரும் பேசலாம்,அழலாம் அல்லது பார்த்தும் பேச பிடிக்காமல் தங்கள் பாதை நோக்கி போகலாம்; இது உண்மைக்கதையும், இருவரும் தங்களுக்குள் அவரவர் காதலெனும் உயிர்ப்பூவை இன்றளவும் பாதுகாத்துக்கொண்டே வரும் உண்மையும்;)

ஆனால் இந்த சூர்யா,மீனா காதலை பிரிக்க இந்த கதையை எழுதிய நான் விரும்ப வில்லை..என்னைப்பொருத்தவரை சூர்யாவின் கைகளை கோர்த்த மீனா இன்னும் பிடித்துக்கொண்டே இருக்கிறாள்.சூர்யாவும் மீனாவின் கையை அழுத்தமாக இன்னும் அழுத்தமாக பிடித்துக்கொண்டே இருக்கிறான்.. பாவம்,அப்படியே அவர்கள் காதலித்துக்கொண்டே இருக்கட்டுமே...

கவிதை எழுதாம மனசும்,கையும் சும்மா இருக்கமாட்டேங்குங்க.

நினைப்பின் ஊடே
நீண்ட தூர அலைகடலில்
நீந்தி கரையேற துடிக்கிறேன்;

மங்கிய நிலவொளியில்
தொலைத்த உன் இதயத்தை
கிடைக்காதென தெரிந்தும் தேடுகிறேன்;

பனிவிழும் பூங்காவில்
கால்தடம் தேடி காதலித்த
கணங்களை காண காத்திருக்கிறேன்;

வரமாட்டாய் என தெரிந்தும்
மனசு கேட்காமல்
வீறிட்டு அழுகிறேன்;

கலியுக பூசாரி !!!

2009-12-16T07:54:00.000+03:00

(இந்த கவிதை எந்த சம்பவத்தை அடிப்படையாக கொண்டு எழுதப்பட்டது என்று தலைப்பையும்,கவிதையின் கடைசி வரியையும் படித்தாலே தெரியும்..)

காதல் நீரோடையில்
தேங்கிய காமத்தை
எடுத்து பருக
நெருங்கி வந்து
நெற்றி பொட்டில்
முத்தம் பதித்து
முன்னுரை எழுதா
முதல் இரண்டு
பாகத்தை தொட்டுதிறக்கையில்
பதுங்கிய உன்வெட்கம்
பாய்ந்து விலக
கண்கள் சொருக
அனல்மேல் துடித்து
அழுந்திய உடல்கள்
அமிர்தம் குடிக்க
அகிலமும் மறந்து
சகலமும் துறந்து
தரையில் சாய்கையில்
தலையில் முட்டியது
கோவில் மூலஸ்தானம்;

கவிதைகள்: ஒரு ஸ்வீட்; ஒரு சோகம்;

2009-12-14T08:46:00.003+03:00

ஸ்வீட் :
கல்லூரி தேவதையாமே நீ;
கனவு கன்னியாமே நீ;
உன் ஒருபார்வை பொருட்டு
தவம்கூட கிடக்கிறார்களாமே;
நண்பர்கள் என்னிடம் சொல்கையில்
நகைப்புக்கு அளவே இல்லை;
என்றோ பூத்த நம் காதலை
எப்படி சொன்னால் நம்புவார்கள்!!!

சோகம்:
ஒற்றை மேகத்தில்
ஒளிந்திருக்குமோ;
திசைமறந்த கிழிந்த காகிதமாய்
தெருவோரம் அலைபாயுமோ;
வெட்டிய மின்னளிடுக்கில்
வேகமாய் மறைந்திருக்குமோ;
சொல்ல பயந்த என் காதல்;

காதல் வலியது !!!

2009-12-13T07:52:00.000+03:00

உன்மீதான என்காதலை
என்னுள் பத்திரப்படுத்தி வைத்திருக்கிறேன்;
என்றேனும் ஒரு நாள்
எதிர்பாரா சந்திப்பில்
நிராகரிப்பின் வலியினை
நீயும் அறியக்கூடும்
கொண்ட காதலை திருப்பி தருகையில்...

நம் முன்னொரு காதல் காலங்களில்
நீ கொடுத்த காதல் கடிதங்கள்,பரிசுகள்;
இன்றொருநாள் கோபத்தில் எரிக்கையில்
தீ ஏனோ வான் முட்ட எரிகிறது;
திருஷ்டி பட்டிருக்குமோ ?

உயிரின் ஆணிவேர் மனைவியானால்...

2009-12-12T07:43:00.000+03:00

ஐ.எஸ்.டி கால் போட்டு
அப்பா,அம்மா,அண்ணன்,தம்பி,அக்கா,தங்கை....
பேசி முடித்து
பில் பார்த்து பதறி
வைக்க போறேன்னு சொல்லும் சமயம்
'உடம்பை பத்திரமா பார்த்துக்குங்க'
ஒற்றை வரியில் என் உயிரின் ஆணிவேரை
ஒரு நொடி அசைத்துப்பார்க்கும்
மனைவிக்கு
மறுஜென்மம் நான் தாயாக வேண்டும்;

"LOVE YOU DADDY"- குட்டி கதை.

2009-12-11T09:09:00.002+03:00

இப்போ நான் உங்களுக்கு ஒரு சிந்தனையை தூண்டும் ஒரு கதை(பாடம்) சொல்ல போறேன். கவனமா படிங்க.

ஒரு காலை வேளையில் அலுவலகம் செல்வதற்காக ஒரு அப்பா தன்னுடைய புது காரை மிகுந்த பக்குவத்துடன் துடைத்து கழுவிக்கொண்டிருந்தார்.அப்பாவுடன் அந்த நான்கு வயது நிறைந்த மகனும் இருந்தான்.

அப்பா துடைத்துக்கொண்டிருப்பதை பார்த்த அந்த மகன் ஒரு சிறிய கல்லை எடுத்து காரில் என்னவோ கிறுக்கி கொண்டிருந்தான்.
இதை கண்ட அப்பா கடும்கோபம் கொண்டு சற்றும் யோசிக்காமல் கையில் கிடைத்த ஒரு இரும்பு கம்பி என்பதை உணராமல்(கோபம் கண்ணை மறைக்குமே)தன் மகனின் கைகளில் ஓங்கி அடித்துவிட்டார்.வலியில் அந்த சிறுவன் கதற துவங்க,அம்மாவும் உள்ளிருந்த ஓடிவர,அடித்த அப்பாவும் தன் மகன் கதறுவதை பார்த்ததும் உடனே அவனை வாரியெடுத்து காரில் போட்டு மருத்துவமனைக்கு சென்றார்.

சிறுவனை சோதித்த மருத்துவர்கள் அடி பலமாகபட்டிருப்பதால் இரண்டு விரல்களை எடுத்தே ஆக வேண்டுமென்று சொல்ல,அப்பா அதிர்ந்தே போனார்.எவ்வளவோ முயன்றும் மருத்துவர்கள் சொன்னபடி இருவிரலை எடுத்தும் விட்டார்கள்.

சற்று நேரம் கழித்து அந்த சிறுவன் அப்பாவிடம் "எப்பப்பா எனக்கு இந்த ரெண்டு விரல் வளரும்?"வினவ,அப்பா அழுதுகொண்டே வேகமாக வெளியில் ஓடிவந்து தன் காரை காலால் எட்டி உதைத்தான்.அப்போதுதான் தன் குழந்தை கிறுக்கிய வாசகம் கண்ணில்
பட்டது."LOVE YOU DADDY".

கோபமும்,அன்பும் எல்லை அற்றது(NO LIMITS).எந்த உணர்ச்சிகளையும் நாம் அளவாக கையாண்டால் வாழ்க்கை சிறப்பாக இருக்கும்.தெளிந்த நீரோடை போல அழகாக இருக்கும்.முன்பு:"பொருட்கள் என்றால் உபயோகப்படுத்துவதற்காக"-"மக்கள் என்றால் அன்பு காட்டுவதற்காக"...இன்றோ:"பொருட்கள் என்றால் அன்பு காட்டுவதற்காக"-"மக்கள் என்றால் உபயோகப்படுத்துவதற்காக"....

சிந்திப்போம்.மகிழ்ச்சியாக இருப்போம்.

ஒரு சொல்லில் நான்கு மழலை கவிதைகள் !!!

2009-12-10T08:02:00.000+03:00

ஒண்ணு
ரெண்டு
மூணு
ஏழு
எட்டு
ஐந்து...
ரசித்தேன்
குட்டவில்லை;

தூண்
துரும்பு
கல்
கோவில்;
தெய்வம்
சிலசமயம்
கருவிலும்...

அப்பா
அம்மா
யார்பிடிக்கும்?
கேர்ள்பிரண்ட்
என்றது
மழலை;

எருமை
பன்னி
நாய்
எதுபிடிக்கும்?
அப்பா
என்றது;
அதுசரி
அம்மாவை
அச்செடுத்த
அழகுமழலை;

அன்பு தோழியின் அழகு கவிதைகள்- சிறு அறிமுகம்.

2009-12-09T07:25:00.002+03:00

என்னை வலை உலகிற்கு அறிமுகப்படுத்திய என் அன்பு தோழி கல்யாணி பாஸ்கரின் கவிதைகள் இங்கே உங்கள் பார்வைக்கு..
என் தோழி நிறைய கவிதைகள் எழுதியிருந்தாலும் எனக்கு பிடித்தமான கவிதைகள் இவை.
தற்சமயம் அவர் நேர பற்றாக்குறையால் தொடர்ந்து எழுத முடியாவிட்டாலும் கூடிய விரைவில் புதுப்பொலிவுடன் தன் வலைப்பூவை தொடர்வார்.(கல்யாணி...கம் அகைன்)
(எழுத்துக்கள் தெளிவாக தெரிய படங்கள் மீது கிளிக் பண்ணுங்கள்.)

நான்கு மெழுவர்த்திகள் நமக்கு கற்று தரும் நம்பிக்கை !!!

2009-12-08T09:15:00.000+03:00

ஓர் இருட்டு அறையில் நான்கு மெழுகுவர்த்திகள் ரம்மியமான அழகோடு ஒளிவீசி கொண்டிருந்தன. சற்று நேரம் சென்றதும் அந்த நான்கில் மூன்று பேச ஆரம்பித்தன.

முதல் மெழுகுவர்த்தி "அமைதி" :
இவ்வுலகில் அமைதி என்கிற நான் இல்லை. எங்கு பார்த்தாலும் சண்டை,வன்முறை, தீவிரவாதம்,கடன் என இருக்கின்றன.அப்படிப்பட்ட உலகில் நான் வசிக்க விரும்பவில்லை என்றவாறு அணைந்துபோனது.

இரண்டாவது மெழுகுவத்தி "உண்மை":
இவ்வுலகில் உண்மை என்கிற நான் இல்லை. எங்கு பார்த்தாலும் பொய்,குழு சண்டை,தேர்தல் வாக்குறுதி, இலவசம் என்றே இருக்கின்றன.அதனால் இங்கு வசிக்க விரும்பவில்லை என்றவாறு அணைந்துபோனது.

மூன்றாவது மெழுகுவத்தி "அன்பு":
இவ்வுலகில் அன்பு என்கிற நான் இல்லை. எங்கு பார்த்தாலும் என்றே பணம்,சுயநலம்,அடிதடி என்பதே பிரதானமாக இருக்கின்றன.நீங்கள் இருவர் மட்டுமின்றி நானும் அணைந்து போனால்தான் இம்மக்களுக்கு புத்தி வரும்,அறியாமை என்கிற இருளில் கஷ்டபடட்டும் என்றபடி தன்னை அணைத்துக்கொண்டது.

இந்த மூன்றும் அணைந்த நிலையில் ஒரு மழலை அந்த அறைக்கு வந்து,அணைந்திருந்த அந்த மூன்று மெழுகுவர்த்திகளை பார்த்தபடி எரிந்து கொண்டிருந்த நான்காவது திரியிடம் சென்றது.மூவரும் ஏன் இப்படி அணைந்தனர் என வினவியது.

நான்காவது மெழுவர்த்தி "நம்பிக்கை":
கவலைப்படாதே! நம்பிக்கை என்கிற நான் விடாமுயற்சியுடன் எரிந்து கொண்டிருக்கிறேன்.அணைய மாட்டேன்.அணைந்து போன அமைதி,உண்மை,அன்பு இவற்றை நம்பிக்கை என்கிற என்னை கொண்டு நீ மறுபடியும் ஏற்ற முடியும்.நீ செய்வாயா என்றது.

இதை கேட்ட அந்த மழலை தன் பிஞ்சு கரங்களால் நம்பிக்கை ஒளி கொண்டு மற்ற மூன்றையும் ஏற்ற ஆரம்பித்தது. அறை முழுதும் பிரகாசமானது.

அமைதி,உண்மை,அன்பு மூன்றும் பெரிதுதான் என்றாலும் நம்பிக்கை என்ற ஒளி கொண்டு தான் அடைய முடியும் என்பதை அந்த மழலை உணர்ந்தது. நாம் எப்போது உணர போகிறோம்?

கடவுள் ஏன் கல்லானான்?

2009-12-07T08:35:00.000+03:00

குருதி ஆற்றில் கால் நனைத்து
குழு பிணங்களின் வாசனையில்
காயமுற்றவனின் முதுகின் மீதேறி
கனவுகளையும்,மண்ணையும் விட்டு
திக்கற்று திசையற்று
கண்கெட்டும் தூரம் வரை
கால்கள் நோக நடக்கிறோம்
கடவுளென பூஜைகள் செய்த
அந்த கல்லையும் தாண்டி......

இன்னமும் அங்கேயே அவர்கள்...

2009-12-06T09:23:00.000+03:00

காலை எழுந்து அலுவலகம் செல்ல
காலுறை அணியும்போது
வந்து தொலைக்கிறது எவனோ
ஒருவனின் செருப்பில்லாத கால்கள்.

நீண்ட வருடங்கள் தவம் செய்து
பெற்றெடுத்த பிள்ளை அவளை
முதியோர் இல்லத்தில் சேர்க்கையில்
பெற்றவளின் மனசு குளிருமோ ?

பெய்யும் மழைக்கு ஹீட்டர் போட்டு
பெரிய எல்.சி.டியில் புதுப்பட டி.வி.டி
இலவச டிவியில் ஒன்றும் வராமல்
தவிப்பானோ முக்காடிட்ட குடிசைவாசி?

மொபைல் லேப்டாப் வீடு தங்கம்
கார் வாங்க லோன் போடணும்
வேர்வை நாற்றமின்றி இன்றொரு நாள்
புணர்ச்சி செய்யணும் மல்லிகைப்பூ கடன்வாங்கி..

உன் பேர் சொல்ல ஆசைதான்.....

2009-12-05T10:09:00.000+03:00

குவைத் ஏர்போர்ட் வாசல் வரை வந்த சதீஷ்,என்னை டிராப் செய்ததும் கிளம்ப தயாரானான்.

சூர்யா..ஊருக்கு போயிட்டு எல்லோரையும் கேட்டதா சொல்லு.நான் வரேண்டா.

டிராப் பண்ணதுக்கு தேங்க்ஸ் மச்சி.நீயும் ஊரை சுத்தாம வேலைய மட்டும் பாரு.நான் கிளம்பறேன்.. ப்ளைட்டுக்கு நேரம் ஆச்சு.

ஏர்போர்ட்டில் நுழைந்து, சென்னை செல்லும் விமானத்தில் லக்கேஜ் அனைத்தையும் போட்டு,போர்டிங் பாஸ் வாங்கி,செக்-இன் முடிந்து வெய்டிங் ஹாலுக்குள் நுழைந்து இருக்கையில் அமர்ந்து மணி பார்க்கையில் ஏழு காட்டியது.விமானம் புறப்பட இன்னும் ஒரு மணிநேரம் இருக்கிறது.இரவு நேரம் என்பதால் குளிர் கொஞ்சம் அதிகமாக இருந்தது. ஏ.ஸியை கொஞ்சம் குறைத்து வைத்து இருக்கலாமோ?

ஆப்பிளில் பிடித்த பாடல்கள் என் காதுகளை ரீங்காரமிட்டு கொண்டு இருந்தது.கண்களை மூடி என் முன்னாள் காதலியை பற்றிய நினைவுகளை அசை போட்டுக்கொண்டே இருக்கையில் மொபைல் ஒலித்தது.ஒய்ப் பெயர் திரையில் காட்டியது.

என்னம்மா...

எங்க இருக்கீங்க? ப்ளைட் ஏறிட்டீங்களா?

இல்லம்மா.இன்னும் ஒரு மணி நேரம் இருக்கு.பாப்பா என்ன பண்றா?

அவ தூங்கிட்டா.சரிங்க..பார்த்து வாங்க.ப்ளைட் உள்ள போன உடன் ஒரு போன் பண்ணிடுங்க..சரியா?

சரிப்பா பண்றேன்.வைச்சுடுறேன்.

போனை வைக்கவும் ப்ளைட்க்கு வரசொல்லி அழைப்பு வர வரிசையில் நிற்க ஆரம்பித்தேன்.

ஹே..ஹே..சூர்யா..ஓடாத..ஓடினா...அம்மா அடிப்பேன்.

தன் பேராக இருக்கிறதே என்று ஒரு கணம் ஆச்சர்யமாக திரும்பி பார்க்கையில் அங்கே மீனா ஒரு சிறு பையனை பிடிக்க ஓடிக்கொண்டு இருந்தாள்.

ஒரு நிமிடம் உலகை மறந்து சூர்யா நின்று விட்டான்.இவளை வாழ்நாளில் சந்திக்கவே கூடாது என்றல்லவா இருந்தோம்.இவள் இங்கே எப்படி?

அங்கே..இங்கே ஓடிய அந்த சூர்யா என்னிடம் வந்து என் கைகளை பற்றி இழுத்தான். என்னுடைய பேன்ட் பாக்கெட்டில் அவன் கைகளை நுழைக்க முயன்று கொண்டு இருக்கும்போதே மூச்சிரைக்க ஓடி வந்த மீனா 'ஸாரி ஸார்' என்றபடியே என்னை பார்த்து திடுக்கிட்டாள். சூர்யா..நீங்க..இங்க..எப்படி இருக்கீங்க?

நல்லாயிருக்கேன். நீ….நீங்க எப்படி இருக்கீங்க?

ஹ்ம்ம்.நல்லாயிருக்கேன்.அவன் என் பையன் தான்.பேரு சூர்யா.

ஓ..ஐ ஸீ. நைஸ் நேம்.

நானும் இதே ப்ளைட்ல தான் வரேன்.

அப்படியா..சந்தோஷம்..நான் கிளம்புறேன் மீனா.

சரி சூர்யா.இருவரும் பேசுவதையே பார்த்துகொண்டு இருந்த குட்டி சூர்யாவை கைப்பிடித்து
கொண்டு நடக்க ஆரம்பித்தாள்.

விமானத்துக்குள் நுழைந்து சீட் பார்த்து உட்கார்ந்தான் சூர்யா.மனசு என்னவோ கொஞ்சம் பாரமாக இருப்பதுபோல் தோன்றவே கண்களை மூடினான்.

மனைவி போன் பண்ண சொன்னது ஞாபகம் வர,மொபைலை எடுத்து மனைவி பெயரை அழுத்தினான்.

டாடி..எங்க இருக்கீங்க? எப்ப வருவீங்க?

ஹை செல்ல பொண்ணு..நான் வீட்டுக்கு தான் வந்துகிட்டே இருக்கேன்.அம்மா எங்கே ?

அம்மா..டாடி கூப்பிடுறாங்க.வாங்க.

என்னங்க.ப்ளைட் ஏறிட்டீங்களா? நம்ம மீனா ரொம்ப சமத்துங்க.இப்பலாம் போன் வந்தா அவளே ஆன் பண்ணி பேசுறா.சரி.நீங்க சீக்கிரமா வாங்க.நான் வைச்சுடுறேன்.

போனை வைத்துவிட்டு ப்ளைட்டில் மீனாவை தேடினேன்...அவள் தன் பையன் சூர்யாவுடன்
ஏதோ பேசிக்கொண்டு இருந்தாள்.

ப்ளைட்டிலும் ஏஸி காற்று கொஞ்சம் அதிகமாக இருந்தது.

கவிதை மலரெடுத்து உனக்கு சூட்டுவேனடி ..

2009-12-04T09:53:00.000+03:00

அந்தி மாலை நேரம்.மொட்டை மாடி.முழு நிலவாய் என் தலைவி.என் கண்கள் பார்த்து ஏதோதோ கதை அளாவிக்கொண்டு இருந்தவள் சட்டென ஒரு புள்ளி வைத்து என்னிடம் கேட்டாள்,மாமா,எனக்கு இப்போதே பூ ஒன்று வேண்டும் தலையில் சூட.சரி வாங்கி வருகிறேன்,என்கிறேன்.இல்லையில்லை எனக்கு இப்போதே வேண்டும் வேண்டும் என்கிறாள்.நம்மிடம் என்ன பூந்தோட்டமா இருக்கிறது உடனே பறித்துகொடுக்க,சற்று பொறு,கடைக்கு சென்று வாங்கிவருகிறேன் என்கிறேன்.நீங்கள் எனக்கு எல்லா பூவையும் வாங்கி கொடுத்துவிட்டீர்கள்.யாரும் வாங்கித்தாராத பூவொன்று இங்கயே வேண்டும் என பிடிவாதம் பிடிக்க,மனம் அன்பு தலைவிக்காக யோசித்தது.சற்று நேரம் சென்றதும், 'சரிம்மா,நீ கேட்ட அப்படி ஒரு பூ இருக்கிறது' என்றேன்.அப்படியா? என்ன பூ என என் தலைவி கேட்ட,நான் சொல்ல ஆரம்பிக்கிறேன்.

கொஞ்சம் காதல்
கொஞ்சம் காமம்
கொஞ்சம் ஊடல்
கொஞ்சம் தேடல்
இவை கலந்து
நிறைய முத்த நீரூற்றி
மன செடியில் பதிய வைத்து
மேகத்தில் ஒளிய வைத்த
கவிதை மலரெடுத்து
கண்மணி உனக்கு சூட்டுவேன் இதோ !!!

எனக்கு கடைசியில் கவிதைப்பூவையே தலையில் சூட்டுகிறீர்களா? கில்லாடி தான் நீங்கள்,இப்போதே சூட்டுங்கள் என்றவள் அருகில் வந்து கைகளை இறுகப்பற்றுகிறாள்;அந்த இறுக்கத்தில் உலகம் உள்ளவரை உன்னுடன் இருப்பேன் என்கிற அர்த்தம் புரிந்தது.எனக்கோ அந்த உலகமே என் உள்ளங்கையில் அடங்கியது போலிருந்ததது.வானத்து விண்மீன் எங்களை பார்த்து வெட்கத்தில் கண்சிமிட்டி விட்டு மறைந்தது.

என் முதல் ஆங்கில கவிதையும், கடவுளிடம் கேட்க இருக்கும் வரங்களும்.

2009-12-03T13:58:00.000+03:00

என் முதல் ஆங்கில கவிதை.

HARSH BULL

Generally my heart is gold
if Challenge comes i will become lion
always i tell you the truth
always i do lot good

i get success and success
come we dance,sing and celebrate
we seek pleasure all the time
come we dance,sing and celebrate

one bull is staring at me
one more bull is coming back at me
i can win these two bulls
i don't have fear in my heart
i don't bother about anybody
will success come to me ??????

டிஸ்கி 1 : கண்டிப்பாக இது தலைவரின் 'பொதுவாக என் மனசு தங்கம்' பாடலின் ஆங்கில மொழியாக்கம் இல்லை.ஹி ஹி ஹி...

டிஸ்கி 2 : உனக்கு தமிழ்லயே ஒழுங்கா கவிதை எழுத வராது..இதுல இங்கிலீஷ்ல கவிதையா என்று துப்புவது சரியில்லை பாஸ்.வேணும்னா அடுத்தமுறை
ஹிந்தில கவிதை எழுதட்டுமா :)

**********************
கடவுளிடம் கேட்ட வேண்டிய வரங்கள்:

கடவுள் என் முன்தோன்றினால் என்ன வரம் கேட்பது என்று யோசித்தேன்..கடவுளை நேர்ல நாம பார்ப்பதே ஒரு வரம்.
அவர் நம்மகிட்ட ஒரு பதிவோ,பின்னூட்டமோ போடாம தீடிரென வந்து கேட்டால் நான் மறந்து விட மாட்டேனா...
அதான் ஒரு லிஸ்ட் போட்டு இருக்கேன்.

1) அமெரிக்க சம்பளம்
2) இங்கிலாந்து வீடு
3) இந்திய மனைவி
4) ஜப்பான் கார்
5) சைனீஸ் உணவு
6) பின்லாந்து மொபைல்
7) சுவிச்சர்லாந்து பணம்
8) ஆப்பிரிக்கா வைரம்
9) சிங்கப்பூர் விமானம்
10) தமிழ்மண விருது & தமிளிஷ் வோட்டு (ஹி ஹி ஹி)

டிஸ்கி : முதல்ல உருப்படியான பதிவை போடணும்ன்னு வேண்டிக்க எருமை :)

துணை வேண்டி...(உரையாடல் கவிதைப் போட்டிக்காக)

2009-12-02T10:34:00.000+03:00

துணை வேண்டி....

கடல் கடந்து உறவுகள் பிரிந்து
ஓர் அறையில் ஒற்றையில் காலம் போகையில்...

வந்த புதிதில் வந்த
பறவை,பூனை,பல்லி,எறும்பு,ஈ
இவைகள் யாவும்
இப்போது என்னுடன் இல்லை;

என்னை போல கடன் சுமை
காரணமாகி கடல் கடந்து போனதுவோ?
காதல் கொண்டு பின்பு கைவிட்ட
காதலி நினைவாய் ஏக்கமாய் திரிகிறதோ?

எங்கேனும் பார்த்தால்
என் வீட்டுப்பக்கம்
வர சொல்லுங்கள்
சற்று நேரம் ஆறுதலாக பேச....

இனிப்பு; காரம்; கொஞ்சம் தேநீர் : கவிதைகள்

2009-12-01T09:02:00.000+03:00

     இனிப்பு
நீ சிரிக்கையில்
புதிதாய் பூத்த மலராய்
உன் புன்னகை;
நீ பிரிகையில்
மழைக்காக ஏங்கிக்கிடக்கும்
நிலமாய் மனது!!!

         காரம்
யாரோ தூக்கி எறிந்த
உபயோகிக்கமுடியாத
தெருவோர மிதிவண்டியை
நினைவுபடுத்துகிறது
நம் காதல் நாட்கள்!!!

      கொஞ்சம் தேநீர்
இப்பொழுதெல்லாம் கவிதை எழுத
அதிகம் சிந்திப்பதில்லை
காதலில் தோல்வி !!!

பள்ளியறை

2009-11-30T08:42:00.000+03:00

பள்ளியறை
*****************

உன்னை தீராத தாகத்துடன்
தின்று தீர்த்து முடித்து
சோம்பல் முறித்து
படுக்கையில் புரண்டு
ஆடைகள் அணியும்முன்பே
சட்டென எதற்காக
ஒரு துளி கண்ணீர் எட்டிப்பார்க்கிறது ?

பண பற்றாக்குறை-காரணம் என்ன?

2009-11-29T08:01:00.000+03:00

பண பற்றாக்குறை !!!

நான்

1000 ரூபாய் சம்பளம் வாங்கும்போது பற்றாக்குறை தான்;

5000 ரூபாய் சம்பளம் வாங்கும்போது பற்றாக்குறை தான்;

10000 ரூபாய் சம்பளம் வாங்கும்போது பற்றாக்குறை தான்;

இப்போது 100000 (1லட்சம்) ரூபாய் சம்பளம் வாங்குகிறேன்.

ஆனாலும் அதே பற்றாக்குறை. என்ன நடக்குது இங்கே???

அப்போது தான் எனக்கு ஒன்று தெளிவாக புரிந்தது ,

பற்றாக்குறை சம்பளத்தில் இல்லை.நமது மனதில்தான் திட்டமிடல் இல்லாமை என்கிற பற்றாக்குறை இருக்கிறது என்று.

போதுமென்ற மனம் இல்லாத பற்றாக்குறை:நான் சென்னை வரும் முன்பு, தூத்துக்குடி பேருந்தில் பயணம் செய்யும் போது, ஒரு சென்னை நண்பரிடம் கேட்டேன்,சென்னையில் விலைவாசி அதிகம் என்று கூறுகிறார்கள், நான் சென்னையில் குடியேற நினைக்கிறேன்..சமாளிக்க முடியுமா என்று, அவர் சொன்ன பதில் என்னை வியப்பில் ஆழ்த்தியது.சென்னையில் ரூ1000 வைத்து குடும்பம் நடத்த முடியும்..ரூ100000(1 லட்சம்) வைத்தும் குடும்பம் நடத்த முடியும்.அந்த திட்டமிடல் உன் கையில் தான் இருக்கிறது என்றார்.

அவருடைய வார்த்தைகளை அப்போது கேட்டிருந்தால் இன்று நான் எவ்வளவோ சேமித்திருக்கமுடியும். என்ன செய்வது...சென்னை வந்த பிறகு உற்றார்,நண்பர்கள் எல்லாம் தவறாக நினைப்பார்களோ என்று வாடகை வீட்டையும் அல்லவா அழகு படுத்தினேன்.வீட்டுக்கு வரவங்க நம்மை மதிக்க வேண்டும் என்று தேவை இல்லாவிட்டாலும் ஆடம்பர பொருட்களை வாங்கி குவித்தேன்.பணம் எல்லாம் இப்படி தேவையற்ற விஷயங்களில் முடங்கி போனது.மருத்துவ அவசரம் என்றாலோ, குழந்தைகளின் கல்விக்கான கட்டணம் கட்டவேண்டி வந்தாலோ திணற வேண்டியிருக்கிறது.இதையே நான் வங்கியில் சேமித்து இருந்தால் அவசர தேவைக்கு தடுமாற்றம் இன்றி சமாளித்திருக்க முடியும்.

" நம் வீட்டு வாசலை மட்டும் பார்க்கவேண்டும் ,

பக்கத்து வீட்டு வாசலை பார்த்து போட்டியிட்டால்,

மேலே சொன்ன பற்றாக்குறை நம் வாழ்வில் வரும்”

எளிமையான வாழ்க்கையில் தான் உண்மையான மனமகிழ்ச்சி இருக்கிறது என்பதை தாமதமாக உணர்வது மனிதனின் குறைபாடு.பணத்தை சேமித்த பின்பு வாங்கி மகிழலாம் என்கிற பிடிவாதம்,கடன் வாங்கியாவது இதை வாங்கியே தீருவேன் என்கிற பிடிவாதத்தை விட சால சிறந்தது.

மனிதன் விசித்திரமானவன்.எப்போதுமே 'அடுத்தவன் நம்மை எப்படி நினைப்பானோ' என்றுதான் யோசிப்பானே தவிர தன் சுய திருப்தியை பற்றியோ அல்லது தன் வருமானத்திற்கு உகந்த வாழ்க்கை பற்றியோ
சிந்திக்க மாட்டான்.

அங்குதான் பண தடுமாற்றத்தின் முதல் சிக்கல் தொடங்குகிறது. இதை நாம் முதலிலேயே சரி செய்துவிட்டால் நம் வாழ்க்கையில் என்றுமே கொண்டாட்டம்தான் !!!

கருத்து : மரியா அண்ணா.
எழுத்து வடிவம் : அடியேன் நானே.

(இந்த பதிவை படித்து கல் எறிந்தால் மரியா அண்ணனுக்கு, பூங்கொத்து கிடைத்தால் எனக்கு!!!)

விகடனுக்கு நன்றிகள் !!!

2009-11-28T13:47:00.000+03:00

என்னுடைய ஐம்பதாவது பதிவை (பெருமையுடன் வழங்கும் ஐம்பதாவது இடுகை :) சிறந்த பதிவாக யூத்புல் விகடன் அங்கீகரித்து என்னை மகிழ்ச்சியில் ஆழ்த்தியிருக்கிறது.

சிறந்த பதிவாக தேர்ந்தெடுத்த யூத்புல் விகடனுக்கும்,அந்த பதிவிற்கு பின்னூட்டம் இட்டு வாழ்த்தை தெரிவித்த அத்தனை நண்பர்களுக்கும், தமிழிளிஷில் வாக்களித்த நண்பர்களுக்கும் என் நெஞ்சார்ந்த நன்றியினை தெரிவித்து கொள்கிறேன்.

மூன்று கவிதைகள் !!!

2009-11-28T07:51:00.000+03:00

நட்பு
சிநேகிதங்கள்
சிந்திக்கொண்டிருக்கிறது
சிறு சிறு மழைத்துளிகளாய்
நான் முற்றும் துறந்து மணற்பரப்பில்
நெஞ்சுடைந்து கிடைக்கையில்....

காதல்
கண்கள் பார்த்து
காது குளிர வார்த்தைகள்;
கைகள் பிடித்து
கால்நோக நடக்கலாம்;
மனசு முழுக்க
மருதாணி வாசம்;
மழைக்காலம் வரை
நீ என்னில் தீயாய்
இதயம் தீபம் அணையும் வரை
இதே காதலோடு...

வாழ்க்கை
நீ,நான்,நாம்,அவன்,அவள்,அவர்கள்
அனைவரும் முகமூடியில்..
காதல்,காமம்,நட்பு,சிரிப்பு
கண் எட்டும்வரை காற்றாடியில்..
தொலைதூரம்,வெகுநெருக்கம்,பிரிவு,இணைவு
தொலைந்து போகும் மிகவிரைவில்...
பணம்,மனம்,பாசம்,உறவு,துறவு
பறந்து போகும் பத்து வினாடியில்...
ஆனாலும் வாழ்க்கை வாழ்வதற்கே.

தமிழன் மாவீரனை போற்றுவோம் !!!

2009-11-27T08:10:00.000+03:00

மறைந்த தோழர்கள் புகழ் பாட
மாவீரர் தினம்;
தலைவன் உரைகேட்ட
தமிழ் இனமே தவம் கிடக்கும்;
இன்றோ எம் தலைவன் புகழ் பாட
இந்த தரணியே எழுச்சியாய்;

மக்களின் விடுதலைக்காக
மரணத்தை முத்தமிட்டாய்;
பல்லாண்டுகள் போராடி இன்றோ
புது புரட்சிக்கு வித்திட்டாய்;

மரணம் என்பது உன் உடலுக்கு மட்டுமே
மரணமில்லா உன் கனவுகளும்,லட்சியமும்
வென்று விரைவில் வெற்றி கிட்டுமே;
தாரணி எங்கும் தமிழர் புகழ் எட்டுமே!

இன்னுயிர் ஈந்த தோழர்களே
இனி தமிழர்க்கு விடியல்தான்;
இமைகளை சற்று மூடுங்கள்
இனி ஒரு விதிசெய்வோம் கூறுங்கள்;

தூங்காத விழிகள் !!!

2009-11-25T10:23:00.000+03:00

தூங்காத விழிகள் !!!

பின்னிரவில் எழுந்து
உறக்கம் கலைந்து
படுக்கையில் புரண்டு
பலமணிநேரம் மறந்து
மனம் யோசித்தது;
எதற்காக பிறந்தோம்?
எதற்காக வளர்ந்தோம்?
எதற்காக காதலித்தோம்?
எதற்காக பிரிந்தோம்?
எதற்காக நட்பானோம்?
எதற்காக பகையானோம்..............

மறுநாள் காலையில்
மிச்சமிருந்தது நேற்றைய
சிகரட் துண்டும், தூங்கா விழிகளின் வலியும் !!!

உன் நினைவில் நான் !!!

2009-11-24T15:45:00.000+03:00

என்னை காதலிக்கிறேன் என்றாய்
வேண்டாமென மறுத்து விட்டேன்;
இன்றோ நான் உன்னை விரும்புகிறேன்
நீயோ வேறு ஒருவருடன் மணமேடையில் !!!

விசித்தரமான இந்த வாழ்க்கையில்
வேண்டுதல் நேரத்தில் கிடைப்பதில்லை;
வேண்டாமை வலிய வருகையில்
நூலறுந்த பட்டமாய் அலைபாய்கிறேன் உன் நினைவாய்...

(இந்த கவிதை என் நண்பன் ரமேஷ் ஞானபிரகாசம் என்கிற ரமியின் எண்ணங்களில் உதித்தது..நான் அனுமதியுடன் வெளியிடுகிறேன்)

மாவீரர் தினத்தன்று ஒரு நாள் முழுக்க பதிவர்களின் ஈழ படைப்புக்கள்.

2009-11-24T06:47:00.000+03:00

நம் சகோதர செல்வங்கள்-இன்றைய எந்திர உலகிலும் எவ்வித வசதிகளும் இன்றி முகாமில் தனித்து வாழும் நம் அன்பு இன மக்கள்-தமிழ் ஈழ மக்கள் !!!

இவர்களுக்காக போராடிய ஒரு விடுதலை படை இன்று சற்று பின்வாங்கியுள்ள சூழ்நிலையில் 'மாவீரர் தினம்' கொண்டாடப்படுமா அல்லது கொண்டாடாதா என்றெல்லாம் இருக்கிற குழப்பமான இந்த நேரத்தில் தமிழ் இனத்தை சேர்ந்த
நாம்,தமிழை சுவாசிக்கிற நாம்,தமிழை எழுதிக்கொண்டு இருக்கிற நாம் நம் இன சகோதர்களுக்காக அன்றைய தினத்தில் என்ன செய்ய போகிறோம்?

நாம் கையில் துப்பாக்கி ஏந்த வேண்டாம்; அதைவிட கூர்மையான ஆயுதமான நம் பதிவர்களின் எழுத்து இருக்கிறது;

நாம் அணுகுண்டை போட வேண்டாம்; அதைவிட வலிமை வாய்ந்த நம் பதிவர்களின் ஒற்றுமை இருக்கிறது;

நாம் எந்த மேடைக்கும் சென்று உரை ஆற்ற வேண்டாம்; நமக்கென இங்கே பல இணையதளங்கள் இருக்கிறது;

இன்னமும் எனக்கு புலிகளின் வரலாறு முழுதாக தெரியாது;ஆனால் தமிழனின் வரலாறு தெரியும்.தமிழனும்,புலிகளும் வெவ்வேறு இல்லை;நம்மூர் அரசியல்வாதிகள்
(அண்ணன் உண்மைத்தமிழனின் பார்வையில் அரசியல்வியாதிகள்) அங்கே செத்துக்கொண்டே இருக்கும் நம் இனத்திற்காக போராடுகிறார்களா அல்லது நாடகம் ஆடுகிறார்களா என்பது இப்போதைக்கு முக்கியமில்லை.நமக்கு இப்போது அரசியல் பற்றி பேச வேண்டாம்.அதைவிட முக்கியமான வேலை ஒன்று இருக்கிறது;

அது வருகின்ற நவம்பர் 27 ஆம் தேதி நம் இனத்திற்காக போராடிய-உயிர் துறந்த தோழர்களுக்காக நடைபெறும் "மாவீரர் தினம்".அன்று நம் பதிவர்கள் அனைவரும் படைக்கின்ற படைப்புகள் அனைத்தும்(கதை,கவிதை,சிந்தனை,
செய்திகள்,வீடியோ,அனுபவம்,பொது,விமர்சனம்) இப்படி எதுவாக
இருந்தாலும் அது நம் இலங்கை முகாமில் வாடும் நம் தமிழினத்தை பற்றியதாக மட்டுமே இருக்க வேண்டும் என்பது இந்த சிறுவனின் அவா.

அன்று மீண்டும் நம் பதிவர்களின் ஒற்றுமை இந்த உலகிற்கு தெரியட்டும்;நமக்கு அரசியல்வாதிகளை விட சமூக பங்களிப்பு உள்ளது என்பதை எடுத்துக்காட்டுவோம். மாவீரர் தினம் அன்று நம் இனத்திற்கு நாம் செய்யும் ஒரு சிறு உதவியாய்/நாங்கள் உங்களுக்காக இருக்கிறோம் என்பதின் அடையாளமாய் நம்படைப்புகள் இருக்கட்டும்.

மாவீரர் தினம் அன்று தமிழினத்தை பற்றி எழுத/பேச நான் அல்லது நாம் விடுதலைபுலிகளாக இருக்கவேண்டும் என்பதில்லை.தமிழனை பற்றி பேச-எழுத-போராட நாம் ஒரு தமிழனாக இருந்தால் மட்டுமே போதும்.நான் தமிழன்.

என் மறுபிறப்பின் கதை ..முற்றும்

2009-11-23T07:44:00.000+03:00

நானும் நடந்ததை சொல்லியபிறகு திரு.ரானா(Assistant consular Officer,Embassy of India,Baghdad,Iraq) கனிவாக என்னென்ன ஆவணங்கள் வேண்டும் என்பதை தெளிவாக விளக்கிசொன்னார்.

மரியா அண்ணா அவர்கள் வேலை செய்யும் துறை மூலம் ஈராக் நாட்டு பிரஜையான மர்வான்,அலி,அதீர்,ஹுசாம் மற்றும் எங்கள் லீகல் வக்கீல் தாமார் மூலம் பாக்தாத்தில் உள்ள நம் இந்திய தூதரகம் சென்று எனக்கு புது பாஸ்போர்ட் கிடைக்க தேவையான ஆவணங்களை தயார் செய்து கொடுத்துவிட்டு வந்து விட்டார்.

சம்பவம் நடந்த தேதி : 29-september-2009
ஆவணங்கள் ஏற்றுக்கொள்ளப்பட்ட தேதி : 14-October-2009

நேற்று காலை நேரம் சரியாக பத்து மணிக்கு மரியா தன் துறைக்கு வருமாறு தொலைபேசியில் அழைத்தார்.

உள்ளே நுழைந்தவுடன் ரமேஷ்,மரியா ஓடி வந்து என்னை கட்டிபிடித்து வாழ்த்து சொல்கிறார்கள்.உடன் இருந்த மர்வான்,அலி,அதீர்,ஹுசாம்,தாமார் ஆகியோரும் கைகுலுக்கி தன் சந்தோஷத்தை சொல்கிறார்கள்.பணி காரணமாக பக்கத்துக்கு ஊர் பாஸ்ராவில் இருந்து நண்பர்கள் ராஜ்,சிவா,வினய் தொலைபேசியில் வாழ்த்தை சொல்கிறார்கள்.ஏனெனில் இன்று சரியாக பத்து மணிக்கு மரியா எனது புது பாஸ்போர்ட்டை என்னிடத்தில் ஒப்படைத்தார்.

சரியாக 52 நாட்கள் நான் ஈராக்கில் பாஸ்போர்ட் இல்லாமல் இருந்து இன்று காலை என் புது பாஸ்போர்ட்டை பெற்றேன்.இந்த கடந்த 52 நாட்களும் எனக்கு இரவினில் நிம்மதியான தூக்கம் இல்லை,கண்களை மூடினால் தீயின் இன்னொரு கோரதாண்டவம் தான் தெரிகிறது.எனக்கு சிறிது காலம் ஆகும் இந்த சம்பவத்தை மறக்க.

இந்த சம்பவத்தை மிக சாதாரணமாக ஒரு பத்தியில் சொல்லி முடித்துவிடலாம்.ஆனால் நம்மை சுற்றி எத்தனை நல்ல உள்ளங்கள் இருக்கிறது என்ற உண்மை எனக்கு மட்டுமே தெரிந்து இருக்கும்.அவர்களுக்கு நான் என்ன கைமாறு செய்ய போகிறேன்?பல விதங்களில் எனக்கு உதவிகள் பல புரிந்த இந்த ஈராக் நண்பர்களுக்கு என்ன பெரிதாக செய்து விட போகிறேன்? நம்மை சுற்றியும் நல்ல விஷயங்கள் நடந்து கொண்டுதான் இருக்கின்றன.கவனிப்பதும்,அதை கொண்டாடுவதும் நம் கையில்தான் இருக்கிறது. முடிந்தவரையில் நாமும் மற்றவர்களுக்குதோள் கொடுப்போம்.

இந்த மகிழ்ச்சியான நேரத்தில் எனக்கு பெரும் உதவிகள் புரிந்த இந்த கட்டுரையில் பெயர் குறிப்பிட்டுள்ள அனைவருக்கும்,என் அலுவலக சக தோழர்களுக்கும், பாக்தாத்தில் உள்ள இந்திய தூதரக அதிகாரி திரு.ரானா அவர்களுக்கும், அவருடைய ஊழியர்களுக்கும் என் நெஞ்சம் கனிந்த நன்றியினை தெரிவிப்பதில் பெரும்மகிழ்ச்சி அடைகிறேன்.

வருகின்ற சனவரி மாதம் முதல் வாரம் சென்னையில் உள்ள என் குடும்பத்தை சந்திக்க போகிறேன் என் புது பாஸ்போர்ட் துணை கொண்டு. புது ஆண்டு நிச்சயம் எனக்கு புது தெம்பையும், புது மலர்ச்சியையும் கொடுக்கும் என்பதில் எவ்வித ஐயமும் இல்லை.

இந்த கட்டுரையின் நோக்கம்:

வெளிநாட்டில் வாழும் என் அன்பு நண்பர்களே!

1)உங்கள் பாஸ்போர்ட்டை மிக பத்திரமாக வைத்திருங்கள்.

2)உங்கள் பாஸ்போர்ட் நகல்,நீங்கள் வேலை செய்யும் நிறுவனத்தின் ஐடி கார்ட்,கல்வி சான்றிதழ்கள்,குடும்ப அட்டை,இந்திய ஓட்டுனர் உரிமம்,வாக்காளர் அட்டை, விசா இவற்றின் நகல்களை எப்போதும் உங்கள் கையில் வைத்திருங்கள் அல்லது உங்கள் மெயில் ஐடிக்கு ஸ்கான் செய்து வையுங்கள்.

3)அப்படியும் ஏதேனும் பாஸ்போர்ட்டை தொலைக்க நேர்ந்தால் பதட்டபடாமல் உங்கள் நகரத்தில் உள்ள இந்திய தூதரகத்தை உடனடியாக தொடர்பு கொண்டு உங்கள்
நிலையை விளக்கி தேவையான ஆவணங்களை சமர்ப்பியுங்கள்.

4)பல நாடுகளில் உள்ள நம் தூதரகங்கள் தற்காலிக சான்றிதழ் கூட வழங்கும்.இது நாட்டுக்கு நாடு மாறுபடும்.

5)உங்கள் பாஸ்போர்ட் தொலைந்து போனால் உடனடியாக பக்கத்தில் உள்ள காவல் நிலையத்தில் இருந்து ஒரு முதல் தவகல் அறிக்கை(FIR) வாங்கி,தேவையான ஆவணங்களுடன் இந்தியதூதரகத்தில் தர வேண்டும்.

6) உங்கள் பாஸ்போர்ட் எரிந்து போனால் உடனடியாக பக்கத்தில் உள்ள 'தீ அணைப்பு துறையில்' இருந்து ஒரு அறிக்கையும், காவல் நிலையத்தில் இருந்து ஒரு 'முதல் தவகல் அறிக்கை(FIR)' வாங்கி,தேவையான ஆவணங்களுடன் இந்திய தூதரகத்தில் தர வேண்டும்.

7) இதைவிட செய்ய வேண்டிய மிக முக்கிய வேலை என்னவென்றால் உங்களை தொலைத்தாலும் உங்கள் பாஸ்போர்ட்டை மட்டும் தொலைக்காதீர்கள் :)

********************************கட்டுரை முற்றும்*****************************

என் மறுபிறப்பின் கதை ..பாகம் - 3

2009-11-22T08:04:00.003+03:00

பாகம் -3

என் பாஸ்போர்ட்டை எங்கே என்று எல்லோரிடமும் கேட்டாயிற்று.

பதிலாக என் பாஸ்போர்ட்டின் எறிந்த பக்கங்கள் மட்டும் என் கையில் யாரோ திணித்தார்கள்.அதை பார்த்த அடுத்த வினாடி உடைந்து அழுதேன்.வெளிநாட்டில் வாழும் நமக்கு உயிருக்கு அடுத்தபடி பாதுகாக்கவேண்டிய விஷயம் இந்த பாஸ்போர்ட்.அது இல்லையென்றால் நாம் எப்படி இந்தியாவிற்கு செல்ல முடியும்?

ரமேஷ்,மரியா மற்றும் வினய் எல்லோரும் என்னை தேற்றினார்கள்..விடு மாப்ள.பாஸ்போர்ட்,எரிந்து போன மத்த பொருட்கள் வேற வாங்கிக்கலாம்.நீ உயிர் பிழைச்சதே பெரிய விஷயம்.கடவுள் தான் உன்னை காப்பாத்தி இருக்கார் என்றெல்லாம் சொன்னாலும் மனம் மட்டும் அதையே நினைத்து வருத்தத்தில் ஆழ்ந்தது.

சிறிது நேரம் கழித்து முகாம் மேலாளர் எனக்கு வேறு ஒரு புதிய அறையை ஒதுக்கி இருப்பதாகவும்,நாளை அடிப்படை தேவைகளுக்கு சோப்பு,டவல்,பிரஷ் வேண்டிய பொருட்களை கொடுத்துவிட்டு சென்றுவிட்டார். மற்ற அனைவரும் எனக்கு ஆறுதல் சொல்லிவிட்டு கிளம்பிவிட்டார்கள்.

எனக்கு மறுபடியும் தனியாக படுக்க விருப்பம் இல்லை, என் நண்பர்களும் அதை விரும்பவில்லை. மூன்று பேரும் தங்கள் அறைகளுக்கு வருமாறு அன்பு கட்டளை இட்டாலும்...என் கண்கள் மட்டும் எரிந்து போன என் அறையை ஒரு முறை பார்த்தது.

சிறிது நேரம் மன குழப்பத்திற்கு பின், வினய் ரூமுக்கு சென்றோம்.எனக்காக மரியா அண்ணா அந்த நேரத்திலும் பிரார்த்தனை செய்தபோது மனசு நெகிழ்ந்தது.

இரவு 2 மணிவரை எனக்கு ஆறுதலாக பேசிவிட்டு ரமேஷ்,மரியா இருவரும் படுக்க சென்றார்கள். என் வேண்டுகோளின்படி வினய்யும் தூங்கிவிட்டான்.எனக்கு கண்கள் மூடினால் நெருப்பு கோரசிரிப்புகாட்டுகிறது.

விடிந்தபின் எல்லோரும் அலுவலகம் செல்ல தயார் ஆனார்கள், நானும் தயார் ஆனேன்.நண்பர்கள் என்னை ஓய்வு எடுக்க சொல்லி வற்புறுத்தியும் எனக்கு முகாமில் இருக்க பிடிக்காமல் நண்பர்கள் கொடுத்த சட்டை,பேன்ட்,ஷு போட்டுக்கொண்டு அலுவலகம் வந்த சிறிது நேரத்தில்,குவைத்தில் இருந்து என் அன்பு அண்ணன்,எங்கள் கணினிதுறை மேலாளர் அப்துல் ரஷீத்தும்,அண்ணியும் எனக்கு தொலைபேசியில் ஆறுதல் சொன்னார்கள்.

என்னுடன் பணிபுரிபவர்கள் புதிய பொருட்கள் வாங்க தேவையான பணத்தை அவர்களே ஒவ்வொரு துறைவாரியாக சென்று மொத்தமாய் என் கையில் தருகையில் நான் மறுத்தேன்.மிகபெரிய போராட்டத்திற்கு பின் வாங்கியே ஆகவேண்டிய கட்டாயத்தில் வாங்கினேன்.அன்றே ஒரு நண்பர் உடன் வந்து கடைக்கு சென்று புதியதாய் தேவையான பொருட்களை வாங்கவும்உதவி செய்தார்.

அலுவலகம் முடிந்து சாயங்காலம் முகாம் சென்று என் எரிந்து போன அறையையும்,பொருட்களையும் பார்த்தேன்..எரிந்து போனவை அனைத்தும் எனக்கு கனவுகளாய் தோன்றியது.

மறுநாள் காலை மரியா அண்ணா அவர்கள் பாக்தாத்தில் உள்ள இந்திய தூதரக அதிகாரி திரு.ராணாவுக்கு என்னை பேச செய்தார்.

என் மறுபிறப்பின் கதை ..

2009-11-21T07:48:00.001+03:00

பாகம் - 2

தூங்கிக்கொண்டே இருந்த வேளையில் கண்ணுக்கு நேராக கடும் அனலை உணர்ந்தேன்.

சட்டென முழிப்பு தட்டி படுக்கையில் இருந்து எழுந்து பார்க்கையில் என்னை சுற்றி ஒரே தீயாய் எரிந்து கொண்டிருக்கிறது.ஒரு நிமிடம் இது கனவா இல்ல நிஜமா என்றே புரியவில்லை எனக்கு.அந்த அனலில் உடம்பு தகிக்கிறது.

நிஜம் என்று புரிந்த அடுத்த வினாடி தீ இல்லாத இடம் எது என்று கண்கள் தேடியது உயிரை காப்பாற்றி கொள்ள. கதவு வழி பக்கம் மட்டும் ஒரு ஆள் போகும் அளவு தீ சற்று இல்லாமல் இருப்பது போல் தோன்றவே கொஞ்சமும் தாமதிக்காமல் வெளியே ஓடினேன்.

வெளியில் ஓடி வந்த அடுத்த நிமிடம் 'தீ அணைப்பு தெளிப்பானை(Fire Extingusher)' தேடினேன். அடடா..அது தீயினில் அல்லவா உடன் சேர்ந்து எரிந்து கொண்டிருக்கிறது! தண்ணீரும் கைகிட்டும் தூரத்தில் எதுவும் தட்டுபடவில்லை.

கொஞ்சம் தாமதித்தாலும் தீ வேகமாக மற்ற இடங்களுக்கு பரவக்கூடிய அபாயம் இருந்தபடியால் நேராக பாதுகாப்பு அலுவலகம் நோக்கி ஓடினேன்.

பணியில் இருந்த பாதுகாவலருக்கு நான் விளக்க வேண்டிய கட்டாயம் ஏற்படவில்லை, ஏனெனில் தீ விண்ணை நோக்கி எரிந்து கொண்டு இருப்பதை அவரும் கவனித்து விட்டார்.உடனே ரேடியோவில் (நம்மூர் டிராபிக் போலீஸ் வைத்து இருப்பார்களே)

'அவசர தகவல்' என்று சொல்லிபடியே முகாமில் உள்ள அபாய சங்கை அழுத்தினார்.

அடுத்த சில நிமிடங்களில் முகாமில் உறங்கிக்கொண்டு இருந்த அனைவரும் வெளியே ஓடி வந்தனர். என் அறைக்கு வந்தவர்கள் அனைவரும் தீயின் உக்கிரத்தை பார்த்து பயந்தாலும் சுதாரித்து கொண்டு அணைக்கவேண்டிய முயற்சிகளில் இறங்கினார்கள்.

எல்லோரும் அங்கும் இங்கும் ஓடுகிறார்கள். தண்ணீர் ஊற்றப்பட்டது,தீ அணைப்பு கருவிகள் மூலம் சிலர் முயன்று கொண்டிருக்கிறார்கள்.இருபது நிமிடங்கள் கழித்து தீ அணைப்பு வண்டிகள் வந்தன.அவற்றின் மூலம் தான் தீயை சற்று சமாதனப்படுத்த முடிந்தது.

என் அறை மொத்தமாக எரிந்து முடிகையில் சரியாக மணி 11.30 காட்டியது. இந்த தீயை அணைக்கும் களேபரத்தில் எல்லோரும் என்னை மறந்து போயிருந்தனர்.

செப்டம்பர் மாதம் என்பதால் இரவின் குளிரும்,கண்ணீரின் கதகதப்பும் என்னை ஏதோ ஒரு நிலைக்கு தள்ளியிருந்தது.

பாதுகாப்பு அலுவலகம் நோக்கி கண்,மண் தெரியாமல் வேகமாக ஓடுகையில் கால்தடுக்கி விழுந்ததில் இடது காலின் சுண்டுவிரல் நகம் முழுதுமாய் நசுங்கி இருந்தது,
அடிப்பாதத்தில் சிறிது சதையும் கிழிந்து ரத்தம் வடிந்து கொண்டிருந்தது.அந்த வலியாலும்,சட்டை போடமால் இருந்ததினால் குளிராலும்,உயிர் பிழைத்த அதிர்ச்சியாலும் என் உடம்பு நடுங்கி கொண்டிருந்தது.ஒரு ஓரம் நடக்க முடியாமல் உட்கார்ந்திருந்தேன்.

எல்லாம் முடிந்து இருக்கையில், 'பூங்குன்றன் எங்கே?' என்று என் நண்பர்கள் ரமேஷ்,வினய்,மரியா அண்ணா மற்றும் உடன் பணிபுரிவோர் என்னை தேடி அங்கே,இங்கே அலைந்து கொண்டிருந்ததை பார்த்தாலும் என்னால் குரல் எழுப்ப முடியாத அதிர்ச்சி என்னை ஆட்கொண்டிருந்தது.

ரமேஷ் என்னை பார்த்துவிட்டு அருகில் ஓடி வந்தான்.'மச்சான் என்ன ஆச்சு? உனக்கு ஒண்ணுமில்லையே?'.அதற்குள் மரியாவும்,வினய்யும்,மற்றவர்களும் என்னை நோக்கி ஓடிவருகின்றனர்.

'வாட் தி ஹெல் இஸ் கோயிங் இயர்', 'பூங்குன்றன் இஸ் அலைவ்', 'ஆர் யு ஆல்ரைட்', 'வாட் ஆபன்ட்' இப்படி அவரவர் பேசிக்கொண்டும்,என்னை கேள்வி கேட்டுக்கொண்டும் இருக்கிறார்கள்.

ரமேஷ் : மச்சான் எப்படி ஆச்சு? உனக்கு எதுவும் அடிபடலியே?
நான்: இல்லடா.எனக்கு எதுவும் இல்ல.நான் நல்லா தான் இருக்கேன்.
ரமேஷ்/மரயா/வினய் : தீ எப்படி வந்தது?
நான்: தெரியலடா.தூங்கிட்டு இருந்தேன்.என்னவோ சூடா இருக்குன்னு கண்ணை திறந்து பார்த்தா என்னை சுத்தி தீ .
ரமேஷ்: சரி..சரி..விடு.வா.என் ரூமுக்கு வந்து முதல்ல தண்ணி குடி,ரெஸ்ட் எடு.
நான்: எல்லாம் தீயில கருகி போச்சுடா.ஆமா..என்னோட பாஸ்போர்ட் எங்கே?

என் மறுபிறப்பின் கதை ..

2009-11-20T08:19:00.000+03:00

பாகம் - 1

செப்டம்பர் மாதம் 2009 ஆம் ஆண்டு 29 ஆம் நாள் இரவை என்னால் சாகும்வரை மறக்க முடியாது.

நான் தற்போது இருப்பது ஈராக் தலைநகரம் பாக்தாத்தில்.இங்கு உள்ள ஒரு அமெரிக்க விமான தனியார் நிறுவனத்தில் கடந்த 2008 சனவரி மாதம் முதல் வேலை செய்து வருகிறேன்..கிட்டதட்ட இரண்டு வருடம் ஆகப்போகிறது.

நல்ல நிறுவனம்.நல்ல தலைமையின் கீழ் நிறுவனம் சிறப்பான முறையில் செயல்பட்டு வருகிறது.என்னுடன் பணிபுரியும் நம் தமிழ் நண்பர்கள் மட்டும் பத்து பேர் இருக்கிறார்கள்.அண்ணன்கள் அப்துல் ரஷீத்,மரியா ஆண்டனி,நண்பர்கள் ரமேஷ்,சிவா,ராஜ்,வினய்,ராக்ஸி செல்வன்......

மற்ற உடன் பணிபுரிபவர்கள் எல்லோருமே அமெரிக்கா,இங்கிலாந்து,தென் ஆப்ரிக்கா,பிஜி,பாகிஸ்தான்,ஸ்ரீலங்கா,பிலிப்பைன்ஸ்,ரஷ்யா,சீனா போன்ற நாடுகளில் இருந்து வந்து என்னுடன் வேலை பார்ப்பவர்கள். இதை தவிர நூறு ஈராக் நாட்டினரும் உடன் பணிபுரிகிறார்கள்.

நானும்,இவர்கள் அனைவரும் தங்க ஒரு அருமையான இடம் உண்டு.அதை முகாம்(CAMP) என்போம்.செங்கல்,சுண்ணாம்பு இவற்றால் கட்டப்படாத ஆனால் உறுதியான ஸ்டீல் கொண்டு செய்யப்பட்ட ட்ரைலரில்(TRAILERS) தங்குவோம். ட்ரைலர் என்றால் சாதாரணமாக நினைக்க வேண்டாம்.அதன் உள்ளே எல்லா வசதியும் இருக்கும்.அதாவது நம்ம கேரவன் வேனில் இருப்பது போன்று.இது மட்டும் இன்றி எங்கள் முகாம் உள்ளேயே உணவு விடுதி,பார்,ஜிம் போன்ற வசதிகளும் உண்டு.

அலுவலகத்திலும்,முகாமிலும் நவீன ரக துப்பாக்கிகள் ஏந்திய பாதுகாப்பு இருக்கும் எந்நேரமும்.உள்ளூர் எதிரிகளிடம் இருந்து எங்களை பாதுகாக்கவே இப்படி பந்தோபஸ்து.

இதில் உங்கள் மறுபிறப்பு எங்கே வந்தது என்று நீங்கள் கேட்பது புரிகிறது.

சொல்கிறேன்..மேற்சொன்ன செப்டம்பர் 29,2009 அன்று வழக்கம் போல பணிமுடித்து விட்டு எல்லோரும் முகாமுக்கு சென்றோம்.தினமும் முகாமில் என் நண்பன் ரமேஷ் அறையில் நான்,மரியா அண்ணா,வினய் எல்லோரும் இரவு உணவு சாப்பிடும்வரை பேசிவிட்டு பின்பு தத்தம் அறைகளுக்கு செல்வது வழக்கம்.அன்றும் இரவு பேசி இருந்துவிட்டு என் அறைக்கு வந்து ஸ்கைப்பில்(SKYPE) என் மனைவியுடன் பேசிவிட்டு படுக்கைக்கு செல்லும்போது நேரம் 9.15 மணி.

அடுத்து ஒரு மணி நேரத்தில் நிகழ போகும் பெரும் ஆபத்தை உணராமல் தூங்கிவிட்டேன்.

உயிர் பூவே !!!

2009-11-18T07:37:00.000+03:00

உயிர் பூவே !!!

நீ வரும்வழியில்
பூக்கள் தூவ மாட்டேன்.
அந்த பூக்களின் மரணத்தில்
உன் உயிர்ப்பூ வருந்துமே !!!

காதல் மோசடி !!!

காதலை சொன்னேன்
ஏற்று கொண்டாய்;
முத்தம் கேட்டேன்
மறுக்காமல் இதழில் பதித்தாய்;
கட்டிப்பிடி என்றேன்
இறுக அணைத்தாய்;
நான் கேட்ட அனைத்தும் செய்தாய்
ஆனால் என்னை கேட்காமலேயே
வேறு ஒருவனை மணந்து
வாழ்த்து கேட்கிறாயே?
தரவா? மறவா?

பெருமையுடன் வழங்கும் ஐம்பதாவது இடுகை :)

2009-11-17T08:38:00.001+03:00

பெருமையுடன் வழங்கும் ஐம்பதாவது இடுகை- நன்றி நன்றி நன்றி !!!

(எத்தனையோ பேர் நூறு, ஐநூறு என்று பதிவுகள் எழுதி அமைதியாக இருக்கும்போது 'நேற்று மழையில் இன்று முளைத்த காளானாய்' ஐம்பதுக்கே பெருமையா என்று நீங்கள் கேட்பது புரியுது சாமி-ஆனால் எனக்கெல்லாம் இந்த ஐம்பதாவது இடுகையே பெரிய சாமாசாரம்ங்க)

நான் அப்படி என்னதான் எழுதி விட்டேன்? இல்லை இன்னும் அப்படி புதிதாய் என்ன எழுத போறேன்னு பார்த்தா எழுதியவரைக்கும் நிச்சயம் ஒன்றுமில்லை. ஆனால் என் எழுத்துக்கள் நிச்சயம் ஒருநாள் என் தமிழ் மக்களை கவரும் என்பதில் மிகுந்த நம்பிக்கை இருக்கிறது.

நாம் கடுமையாக உழைப்பின் எந்த கனவும் ஒருநாள் நனவாகும்.என் கனவும் நனவாக உழைத்து கொண்டிருக்கிறேன்.

சரளமாய் பெய்யும் மழையில்,மின்சாரம் இல்லாத ஓர் இரவில்...சட்டென எங்கோ தோன்றும் வெளிச்சம் போல என் கவிதைகள் இருக்கவேண்டும் என்பதே என் ஆசை.

என் கவிதைகள் மகாகவிகள் பாரதி/பாரதிதாசன் கவிதைகள் போல சமூகத்தில் பெரிய தாக்கத்தை ஏற்படுத்தும் என்றெல்லாம் நினைக்கவில்லை.ஆனால் இன்றைய வேகமான எந்திர சூழலில் ஒரு நிமிடம் என் கவிதைகளை படித்து சிறு மகிழ்ச்சி கிடைத்தால் அதுவே எனக்கு சிறப்பு.

தமிழ் ஒரு அழகான மொழி. தமிழில் நான் எழுதுகிறேன் என்பதே எனக்கு கிடைத்த பேரின்பம்.தமிழனாய் பிறந்ததே ஒரு தவம்.என்னால் முடிந்ததை நானும் எழுதுகிறேன் என்ற அளவில் மிக்க பெருமை எனக்கு.

முகம் தெரியாத பல நல்ல உள்ளங்கள் என் ஒவ்வொரு படைப்பிற்கும் தொடர்ந்து கருத்துகள்,ஆலோசனைகள்,அறிவுரைகள் வழங்கி வருவதை நினைக்கையில் உள்ளம் நெகிழ்கிறது.அவர்களுக்கும்,என் உடன் பணிபுரியும் நண்பர்கள் அனைவருக்கும் என் நன்றியினை தெரிவிப்பதில் பெருமை அடைகிறேன்.

நன்றியுடன்,

பூங்குன்றன்.

2009-11-15T15:37:00.000+03:00

காதல் வழி யாது?

சன்னமாய் கதவு வழி வந்த காதல்
சலிக்கும்வரை விளையாடியது என்னிடம்.
வேண்டாம் என்று ஒதுக்காமல்
வேண்டுமென்றே சேர்ந்தே நானும் விளையாடினேன்;

சித்தாந்தம்,வேதாந்தம்,கடவுள்,மதம்
சிறிதளவும் வேறுபாடு காட்டாமல்
சிரிக்க சிரிக்க மனம்
சிறைப்பட்டு கிடந்தது அதன் காதலில்;

வாழ்க்கை சூழலில் வேகமாய் போகையில்
வர்ண வானவில்போல காதலும்;
ஒருநிமிடம் நின்று ரசித்தபின்பு
ஓராயிரம் கடமைகள் மனக்கண்ணில்...

வானவில் மறைந்தாலும்
வர்ணம் மட்டும் இதயத்தில் வாசமாய்;
காதல் சுகம்தான் என்றாலும்
சுமையாய் சுருங்கிப்போனது கானல்நீராய்;

இப்போது கதவு வழி வந்த காதல்
விடைசொல்லி வேர் அறுத்து
வேதனையில் உருக வைத்தபடி
சாளரம் வழியில் போகிறது வேறு பாதை நோக்கி !!!

பித்தனா? காதல் சித்தனா?

2009-11-13T07:36:00.000+03:00

வளைகரங்களால் நீ வாசலில் தானே கோலமிடுகிறாய்
ஏன் என் மனதும் வளைந்து வளைந்து வர்ணமாகிறது ?

அலைகடலில் நீ உன் கால்களை தானே நனைக்கிறாய்
அதற்கேன் என் மனது கிடந்து அலைபாய்கிறது ?

தொலைதூர ஊருக்கு நீ விடுமுறையில் தானே செல்கிறாய்
இதயம் ஏன் பொம்மையை தொலைத்த குழந்தையாகிறது ?

சிலைபோல தானே அழகாக இருக்கிறாய்
ஆனால் உன்னை மீண்டும் உதட்டால் செதுக்கிட ஏன் தோன்றுகிறது?

நடமாடும் தேர்போல தானே இருக்கிறாய்
மனமோ நிலை இன்றி உன்னை தேடி தேடி அலைகிறது ?

விடை தேடி அலையும்போது தெரு பித்தன் சொன்னான்.
முட்டாளே இதற்கு பெயர்தான் காதல் என்று.

மிக்க நன்றி பித்தனே.நீயேன் இப்படி ஆனாய் என்றேன்.
"உனக்கு நான் மூத்தவன்.நீயும் என் வழியில் தொடர்கிறாய் என்றான்."

காதல் சிறை

2009-11-12T08:00:00.000+03:00

காதல் சிறை !!!

நீ என் கண்களை பார்த்து
பேசுகையில்
காலடியில் உலகம் நழுவுகிறது;

நீ என் கைகளை பற்றி
கதை பேசுகையில்
என் மனத்தோட்ட மலர்கள் எல்லாம் பூக்கிறது;

உன் கொலுசு சப்தம்
கேட்கையில்
இதயம் நூறுமுறை படபடக்கிறது;

இப்படியாய் என் காதல்
தினம் தினம்
வளர்பிறையாய் வளர்கிறது - ஆகவே

தேவதை வந்து வரம் கேட்டால்
வேணாம் என்பேன்.
நீயே எனக்கு தேவதையாக இருப்பதால்...

கண்களால் உன்னை சிறையிலிட்டு
என் மனதிற்குள்
முத்த சங்கிலியால் கட்டி,

வேண்டுமென்றே விடுதலை செய்து
லஞ்சமாய்
மொத்தமாய் உன்னை பெறுவேன் !!!

சூழ்நிலை புகைப்படம்

2009-11-11T11:14:00.002+03:00

சூழ்நிலை புகைப்படம் (Situation Photo என்பதன் தமிழ் ஆக்கம்-சரியா?)

இதை பற்றி எழுத ஒன்றும் இல்லை.
நம்ம சிங்கார சென்னையில் உள்ள ஒரு தெருதான் இது.கங்கை மாதிரி இருக்கா?

ரியல் ஹீரோ 2009

2009-11-11T08:44:00.000+03:00

ரியல் ஹீரோ 2009

வறுமையில் வாடும் சமுதாயத்தை சேர்ந்த திறமையான மாணவர்களை தேர்ந்தெடுத்து, அவர்களை முன்னேற்றமடைய வைக்கும் திட்டத்தின் பெயர் தான் "சூப்பர் -30'. இந்த திட்டத்தை உருவாக்கியவர், கணித வல்லுனர் ஆனந்த் குமார்.

பீகாரை சேர்ந்த இவர், தன் சூப்பர்-30 திட்டத்தின் மூலம் கடந்த ஏழு ஆண்டுகளில், துப்புரவு தொழிலாளி, ரிக்ஷா ஓட்டுபவர், நிலமற்ற தொழிலாளி உட்பட பலரின் பிள்ளைகளை, இந்தியாவின் முதன் மையான கல்வி மையங்களில் படிக்க வைத்து, சிறந்த தகவல் தொழில்நுட்ப வல்லுனர்களாக உருவாக்கி வருகிறார்.ஒவ்வொரு ஆண்டும் திறமை வாய்ந்த 30 மாணவர்களை தேர்ந் தெடுத்து பயிற்சி கொடுப்பதாலேயே இந்த திட்டத்திற்கு சூப்பர் -30 என பெயரிடப்பட்டுள்ளது. இவர், இத்திட்டத்தை துவங்கிய போது, 30 மாணவர்களின் தேவை யை பூர்த்தி செய்வது என்பது சிறிது கடினமானதாக இருந்தது. ஆனால், அவரது குடும்பத்தினர் ஆதரவு கரம் நீட்டினர். ஆனந்த் குமார், மற்ற பள்ளிகளை சேர்ந்த மாணவர்களுக்கு டியூஷன் எடுப்பது போன்ற வேலைகளை செய்து பணம் ஈட்டினார். அவரின் தாயார் ஜெயந்தி தேவி, மாணவர்களுக்கான உணவுகளை தயார் செய்து கொடுத்தார்.

"சூப்பர்-30' திட்டத்தின் கீழ் தேர்ந்தெடுக்கப்பட்ட மாணவர்களுக்கு கொடுக்கப்பட்ட ஒரே இலக்கு கடுமையாக படிக்க வேண் டும் என்பதே . மாணவர்களுக்கு கடும் பயிற்சி அளிக்கப்பட்டது. அதன் பலன் முதலாம் ஆண்டே கிடைத்தது. தன் குழுவில் அர்ப்பணிப்புடன் செயல்படும் ஆசிரியர்களுடன் இணைந்து, ஆனந்த் கடுமையாக உழைத்தார். கடந்த ஏழு ஆண்டுகளில், இவரிடம் பயிற்சி பெற்ற 182 மாணவர்கள், நாட்டின் பல்வேறு ஐ.ஐ.டி., மையங்களில் இடம் பெற் றுள்ளனர். கடந்த 2003ம் ஆண்டு "சூப்பர்-30' திட்டம் துவங்கப் பட்டது. அப்போது 30 மாணவர்களில், 18 பேர் ஐ.ஐ.டி.,களில் படிக்க தேர்ந்தெடுக்கப்பட்டனர். அடுத் தாண்டு 22 பேரும், 2005ம் ஆண்டு, 26 பேரும், கடந்த 2006 மற்றும் 2007ம் ஆண்டுகளில், தலா 28 பேர் தேர்ச்சி பெற்றனர்.

கடந் தாண்டு மற்றும் இந்தாண்டும் "சூப்பர்-30' மூலம் பயற்சி பெற்ற 30 மாணவர்களும், தேர்ந்தெடுக் கப்பட்டுள்ளனர்.இதுகுறித்து, ஆனந்த் குமார் கூறுகையில், "அடுத்தாண்டு முதல், இந்த திட்டத்தில் சேர்க்கப்படும் மாணவர்களின் எண்ணிக்கையை 60 ஆக அதிகரிக்க உள்ளேன். அப்போது, தான் பிற மாநிலங்களை சேர்ந்த மாணவர்களும் வாய்ப்பு பெறுவர்' என்றார்.ஆனந்த் குமார் மாணவ பருவத்தில் மிகவும் கஷ்டப்பட்டவர். தபால் துறை ஊழியராக இருந்த அவரது தந்தை இறந்த பின், ஆனந்த் குமாருக்கு, கருணை அடிப் படையில், கிளார்க் வேலை வழங்கப்பட்டது.

ஆனால், ஆனந்த் குமார் அதை ஏற்க மறுத்து, தன் படிப்பை தொடர்ந்தார். அப்போது பல தடைகளை எதிர்கொண்டார்.அவரது தாய் அப்பளங்கள் மற்றும் பிற உணவுப் பொருட் களை தயாரித்து ஆனந்த் பெயரில் விற்றார். ஆனந்த் குமாரும் அந்த பொருட்களை, வீடு வீடாக சென்று விற்று வருவார். அப்போது அவர் அனுபவித்த துன்பங்கள் தான், அவரை போன்ற மற்றவர்களின் துன்பத்தை உணர வைத்தன. அது தான் "ராமானுஜம் கணக்கு பள்ளி' மற்றும் "சூப்பர் -30' ஆகியவை துவங்க வழி வகுத்தன. இவை இரண்டும் பிரபலமடைய துவங்கிய போது, இவற்றை நிறுத்த கோரி, பல்வேறு தரப்பினரின் மிரட் டல்களை சந்திக்க வேண்டிய சூழல் ஆனந்திற்கு ஏற்பட்டது. கடந்த 2004ம் ஆண்டு, ஆனந்த் கொலை தாக்குதலில் இருந்து தப்பி உள்ளார். இவரது பயிற்சி மையத்தையும், சிலர் தாக்கினர். ஆனால், இதற்கெல்லாம் அஞ்சாமல், ஆனந்த் தன் குறிக்கோளை வெற்றிகரமாக செயல்படுத்தி வருகிறார்.

நன்றி: தினமலர்
தேதி: 10-Nov-2009

உங்களுக்கு இன்னிக்கு விடுமுறை..ரெஸ்ட் எடுங்க !!!

2009-11-10T11:07:00.000+03:00

இப்போதைக்கு ரெஸ்ட் எடுத்துக்க.எழுதி எழுதி ரொம்ப களைச்சு போய்ட்ட.

(ஹலோ..நான் என்னை சொன்னேங்க.ஹி ஹி ஹி)

அதனால ஒரு அழகான தமிழ் பாடல் வரிகளும், அதற்கான ஒலி/ஒளி இணைப்பும் இங்கே..

http://www.youtube.com/watch?v=22tZ-4GSzEI&feature=related

அன்பே என் அன்பே உன் விழி பார்க்க
இத்தனை நாளாய் தவித்தேன்

கனவே கனவே கண் உறங்காமல்
உலகம் முழுதாய் மறந்தேன்

கண்ணில் சுடும் வெயில் காலம்
உன் நெஞ்சில் குளிர் பனி காலம்
அன்பில் அடை மழை காலம்
இனி அருகினில் வசப்படும் சுகம் சுகம்

நீ நீ ஒரு நதி அலை ஆனாய்
நான் நான் அதில் விழும் நிலை ஆனேன்

உந்தன் மடியினில் மிதந்திடுவெனோ
உந்தன் கரை தொட பிளைத்திடுவெனோ

அலையினலே பிறக்கும் நதி கடலினிலே கலக்கும்
மனதிலே இருப்பதெல்லாம் முனதிலே கலக்கும்

அன்பே என் அன்பே உன் விழி பார்க்க
இத்தனை நாளாய் தவித்தேன்

கனவே கனவே கண் உறங்காமல்
உலகம் முழுதாய் மறந்தேன்

கண்ணில் சுடும் வெயில் காலம்
உன் நெஞ்சில் குளிர் பனி காலம்
அன்பில் அடை மழை காலம்
இனி அருகினில் வசப்படும் சுகம் சுகம்

நீ நீ புது கட்டளைகள் விதிக்க
நான் நான் உடன் கட்டுப்பட்டு நடக்க
இந்த உலகத்தை ஜெயித்திடுவனே
அன்பு தேவதைக்கு பரிசளிப்பேன்

எதை கொடுத்தோம் எதை எடுத்தோம்
தெரியவில்லை கணக்கு
எங்கு தொலைத்தோம் எங்கு கிடைத்தோம்
புரியவில்லை நமக்கு

அன்பே என் அன்பே உன் விழி பார்க்க...

கனவே கனவே கண் உறங்காமல்....

கண்ணில் சுடும் வெயில் காலம்
உன் நெஞ்சில் குளிர் பனி காலம்
அன்பில் அடை மழை காலம்
இனி அருகினில் வசப்படும் சுகம் சுகம்

------------------------------------------------------------------

காதல் போர்க்களம்

2009-11-10T08:47:00.000+03:00

காதல் போர்க்களம் ...

இரவு பூக்களாய் உன்
கனவுகள்
சுகந்த மலராக மலர்கிறது;

நிலவின் ஒளியாய் உன்
நினைவுகள்
சூர்ய வெளிச்சமாய் மிளிர்கிறது;

அம்பென பாயும் உன்
பார்வையோ
பூவிதழாய் இனிக்கிறது;

வாழ்வியல் இலக்கணமின்றி நம்
உடல்கள்
காமனின் போர்க்களத்தில் குதிக்கிறது;

எல்லாம் முடிந்து எழுகையில்
ஏனோ இதயம்
பெருங்குரலெடுத்து அழுகிறது !!!

இறுதி கவிதை!!!

2009-11-09T11:43:00.000+03:00

சமர்ப்பணம்

சிறுக சிறுக சேர்த்து வைத்திருந்த
உன் நினைவுகளை மொத்தமாய்
காகிதமாய் செய்து கப்பல் இட முயல்கிறேன்;

வண்ண வண்ண பூக்கள் போல்
பூத்திருந்த நம் ஞாபகங்கள்
காய்ந்த சிறகுகளாய் உதிர்வதை உணர்கிறேன்;

காதலிக்கும் காலங்களில் நீ பேசிய
வார்த்தைகள் ஒவ்வொன்றும்
தேன் ஆறாய்;
நீ மறந்து சென்ற பின் யாவும் எனக்கு
கானல் நீராய்;

சேகரித்த உன் சிரிப்புகளை
செலவு செய்ய மனமில்லை;
உன்னை காதலித்த பாவத்திற்காக
இறுதி கவிதையை சமர்ப்பிக்கிறேன்;

பதிவுலக விழாக்கால சலுகைகள் ! பரிசுகள் !!!!

2009-11-09T07:57:00.004+03:00

முந்துங்கள் !!! பதிவுலக விழாக்கால

சலுகைகள் ! பரிசுகள் !!!!

1) என் ஒவ்வொரு பதிவுக்கும் பின்னூட்டம் இடும் அனைவருக்கும் வருகிற ஏப்ரல் மாதம் முப்பத்து ஒன்றாம் தேதி,வருடம் 2010 அன்று அழகிய கைகடிகாரம் பரிசு அளிக்கப்படும்.

2) அதே நாள் குலுக்கல் முறையில் தேர்ந்தடுக்கப்படும் 3 அதிர்ஷ்டசாலிகளுக்கு மடிக்கணினி பரிசு தரப்படும்.

3) என் ப்ளாக்கில் அதிக பின்னூட்டங்கள் இடும் முதல் இரண்டு பேர்கள் விஷேச பரிசாக துபாய் சரவண பவனில் ஒரு நாள் முழுக்க உணவு இலவசமாக
சாப்பிடலாம்.ஒட்டக பாலில் போட்ட டீயும் இலவசம்.

( விதிமுறைகள் :துபாய் பதிவர்கள் இந்த போட்டியில் பங்கேற்கக்கூடாது.போட்டியில் வெல்லும் அந்த இரண்டு பேர்களும் இந்தியாவில் இருந்து துபாய்க்கு சொந்த செலவில் வர வேண்டும் )

4) அதிக பின்னூட்டங்கள் இடும்(என் ப்ளாக்கிற்கு மட்டும்) சிங்கப்பூர்,துபாய் பதிவர்களை குலுக்கல் முறையில் தேர்ந்தெடுத்து வெற்றி பெரும் ஒரு அதிர்ஷ்டசாலிக்கு புத்தம் புதிய டாட்டா நானோ கார் பரிசளிக்கப்படும்.

(விதிமுறை: முன்பணமாக மூன்று லட்சம் மட்டுமே செலுத்த வேண்டும். முன்பணம் திருப்பிதர மாட்டாது)

பதிவர்களே....முந்துங்கள்.அதிக பின்னூட்டங்கள் இடுங்கள்.பரிசுகளை தட்டி செல்லுங்கள் !!!

பேசும் நிலா

2009-11-08T15:03:00.001+03:00

பெய்யன பெய்யும் மழைக்கு
நீ ரசிகை என்கிறாய்;
உன் அழகின் ரசிகன் நான் சிரிக்கிறேன்!

மாலை நேர சூரியன் அழகு
மிக பிடிக்கும் என்கிறாய்;
எனக்கோ நீ ஒரு பேசும் நிலா !

இசை கேட்டபடி பூங்காவில் நடப்பது
இனிமையான தருணம் என்கிறாய்;
எனக்கு நீதானே காதல் மெல்லிசை !!!

சட்டென தோன்றும் வானவில்
அதை சித்திரம் வரைந்து தா என்கிறாய்;
என் பார்வையில் நீ உயிர் ஓவியமாய் !!!

மழைசாரலில் மல்லிப்பூ !!!

2009-11-07T22:13:00.003+03:00

என்னை மயக்கிய அழகிய பிசாசே
உன்னை மனச்சிறையில் தள்ளவா
இல்லை அடக்கி அல்லவா?

எங்கயோ பிறந்தாய்; என்னுள் நுழைந்தாய்;
எங்கேயோ இருக்கிறாய்;உயிரில் மிதக்கிறாய்;
மழையாக வருகிறாய்; சாரலாக போகிறாய்;
மெதுவாக கிசுகிசுத்து மின்னலாக மறைகிறாய்;
பூவாக மணக்கிறாய்; புயலாக பாய்கிறாய்;

தென்றலாக வந்து தீமூட்டி போகிறாய்;
தேடி தேடி அலைகிறேன்
முகவரிதான் கிடைக்கவில்லை
முகத்தையும் காட்டவில்லை.

மல்லிப்பூ வாசனையில்
மனதையே கிறங்கடித்தாய்;
வாட்டியது போதுமடி
வந்தென்னை சேர்ந்துவிடு !!!

காதல் பரிசு !!!

2009-11-07T13:53:00.001+03:00

என் காதல் மனைவிக்கு சிறு பரிசாய் இந்த கவிதையை சமர்பிக்கிறேன்............

என் காதல் மனைவி
என்னை கேட்டாள்
முதன்முதலாய்
என் மீது எப்போது
காதல் கொண்டீர்கள்?

கேள்வி கேட்பது எளிது
பதில் சொல்வது கடினம் என்றேன் நான்.

சாதுர்யமாக பேசுவதாக நினைப்போ?
எனக்கு இப்போதே பதில் வேண்டும் என்றாள்;

கண்கள்மூடி பின்னோக்கி சென்றேன்.
காதலை சொன்ன முதல் நாள் எது?
                      ------------------
நீ பிறந்தபோதே உன்மீது காதல் கொண்டேனா?
அத்தைமகள் என்பதால் அதீத அன்பு காதலானதோ

உன் சிரிப்பினில் என் இதயம் சிதறியதோ?
சிறு சிறு சிணுங்களில் மனம் தொலைந்ததோ?

மழை பெய்யும் நேரங்களில் நீ நீரை வாரி என்மேல்
அடித்த கணங்களில் காதல் பூத்ததோ?

நீ பருவம் அடைந்ததும் அதுவரை
பதுங்கியிருந்த என் காதல்
பாயும் புலியென சீற்றம் கண்டதோ?

தாவணி அணிந்து, மருதாணி வரைந்து
கொலுசு காலுடன் ஓடிவந்து
"நான் எப்படி இருக்கேன் மாமா?"
என் தோள்தட்டி கண்சிமிட்டி கேட்டபோது
என் விழியும்,இதயமும் ஒருசேர உன்னில் தஞ்சமானதோ?
                         -----------------
கண்கள் திறந்து பார்த்தேன்
பதிலுக்காக காத்துக்கொண்டிருந்தாள் என் மனைவி...

மென்மையாக அவள் காதில் சொன்னேன்
உன் மீது நானோ, என் மீது நீயோ
காதல் கொள்ளவில்லை;

காதல்தான் நம்மை காதல் கொள்ள வைத்தது.
உன்னிடம் காதலை சொல்லும்
ஒவ்வொரு நாளும் முதல்நாள் தான்-அதனால்
நீ என்னை கேட்பதைவிட அந்த
காதலையே கேளேன் என்றேன்;

கண்கள் பனிக்க என்னை கட்டிப்பிடித்துகொண்டாள்
என் காதல் மனைவி!!!

நாங்களும் பத்துக்கு பத்து போடுவோம்ல்ல.....

2009-11-07T08:53:00.001+03:00

1) காதலில் காத்திருத்தல் சுகம் தான். 'கண்டிப்பாக வருகிறேன்' என்று சொன்ன என் காதலிக்காக இரண்டு நாட்களாய் ரிஜிஸ்டர் ஆபிஸில் காத்திருப்பது சுகமா? சோகமா?

2) "இன்டர்வியூக்கு போவதால் உன் பைக் வேணும் மச்சினு" சொல்லிட்டு போன நண்பன், ஒரு வாரம் ஆகியும் வராதலால் டென்ஷனாகி போன் பண்ணி கேட்கும் போது "நம்ம பிரண்ட்ஷிப் எவ்ளோ டீப்டா" என்று சொல்றதை கேட்பது சுகமா? சோகமா?

3) படிப்பில் குறைவான மதிப்பெண்கள் எடுத்துவிட்டு விளையாட்டில் 'ஸ்கூல் பர்ஸ்ட்' கோப்பை வாங்கி வரும் என் மகனை பார்த்து எனக்கு வரும் பீலிங்க்ஸ் சுகமா? சோகமா?

4) ஒரே பஸ்சில் தினமும் வரும் அழகான பெண் ஒருத்தி என்னை பார்த்து புன்னகைத்த பிறகு,இன்னொருவனை பார்த்து 'ஹலோ' சொல்லும்போது என் மனது சுகமா? சோகமா?

5) இன்று மழை பெய்யும்,நாளை மழை பெய்யும் என பல நாட்களாய் எதிர்பார்த்து குடை கொண்டுவந்து ஒரு நாள் மட்டும் மறந்து விடுகையில்,அன்று மட்டும் கொட்டோகொட்டென்று மழை கொட்டும் நாள் சுகமா? சோகமா?

6) வேகமாக பைக்கில் போகையில் அழகான பெண் லிப்ட் கேட்டு,நானும் நிறுத்தி,சேர வேண்டிய இடம் வருவதற்குள்,அவளே நம்மை பலமுறை 'இடித்து' பின்பு அவள் இறங்கி போகையில்,ஜொள் விட்டு நான் 'பை பை' சொல்லி,சிறிது தூரம் வந்ததும் ஞாபகம் வந்து பர்ஸ்ஸை தேடுகையில்,அது காணாமல் போயிருந்தால் நான் அப்போது சுகமா?சோகமா?

7) ஆங்கிலம் எழுத,படிக்க வராத என் நண்பன் திடீரென ஒருநாள் வந்து "மச்சி, காலேஜ் படிக்கிற என் கேர்ள் பிரண்டுக்காக இங்கிலிஷ்ல நானே கவிதை எழுதி இருக்கேண்டா...ப்ளீஸ் படிச்சி தப்பு இருந்தா சொல்லேன்" னு கேட்கும்போது என் கண்களில் இருந்து வரும் கண்ணீருக்கு பெயர் சுகமா? சோகமா?

8) பல மாதங்களாக பட்ஜெட் போட்டு சேமித்து வைத்த பணத்தில் லேட்டஸ்ட்டாக வந்த டச் ஸ்க்ரீன் மொபைலை வாங்கி வீட்டிற்கு வந்ததும்,"ஹாய் நல்லா இருக்கே மாமா,எனக்குதானே வாங்கி வந்தீங்க,ஸோ ஸ்வீட்னு"சொல்லி பிடிங்கிட்டு போற மச்சினியை பார்த்து வரும் அழுகை சுகமா? சோகமா?

9) திருட்டு தம் அடித்துகொண்டுஇருக்கும் போது "மாடியில் என்னடா பண்றன்னு" அப்பா குரலை கேட்டு பயந்து தம்மை கீழே போட்டுவிட்டு பார்த்தால் சிரித்து கொண்டே வந்த தங்கை என்னை பார்த்து "என் மிமிக்ரி எப்படின்னா" என்று கேட்டால்,சுகமா? சோகமா?

10) பதிவு எழுத ஆரம்பித்த புதிதிலேயே ஒரு நாள் இரவு "சிறந்த தமிழ்மண பதிவாளர்" விருது உங்களுக்கு கிடைத்திருக்கிறது என்று தகவல் வந்து, எல்லா பிரபல ஆண்/பெண் பதிவாளர்களும் எனக்கு போன் செய்து வாழ்த்தியபின்,கனவு கலைந்து எழுந்து பார்ப்பது சுகமா? சோகமா?

"எங்கள் அண்ணா " அப்துல் ரஷீத்.

2009-11-06T10:56:00.000+03:00

அப்துல் ரஷீத்!!!

அப்துல் ரஷீத், இவர் எங்கள் கணினித்துறை மேலாளர்.

வெளிநாட்டு அமெரிக்க நிறுவனத்தில்(குவைத்) வேலை கிடைத்து சேர்ந்த அன்றுதான் முதல்முறையாக அவரை பார்த்தேன்.

அதற்கு முன் அவரை பார்த்ததில்லை, ஆனால் ஓரிரு முறை இணையத்தில் நேர்முக தேர்விற்காக பேசி இருக்கிறேன்.

முதல் நாள் என்பதால் கொஞ்சம் பயமாகவும்,படபடப்பாகவும் இருந்தது.வெளிநாடு என்பதால் நம்மூரை போலன்றி நிறைய விஷயங்களுக்குக்காக கையெழுத்து போட வேண்டி இருந்தது.

உடன் இருந்து எல்லாவற்றையும் முடித்து கொடுத்தார்.இரண்டு நாட்கள் குவைத்தில் இருந்துவிட்டு மூன்றாம் நாள் நான் பாக்தாத்(ஈராக்) பயமணமாகும் வரை எல்லா உதவிகளையும் செய்தார்.

ஈராக் வந்து இரண்டு ஆண்டுகள் முடிய போகிறது.வேலையில் நான் சில தவறுகள் செய்திருந்தாலும் ஒருமுறை கூட கடும்சொற்களால் ஏசியதில்லை.(எஸ்கேப்)

என்னை மட்டும் இல்லை-என்னுடன் இந்த நிறுவன கணினி துறையில் இருக்கும் சக நண்பர்கள் எல்லோரையுமே அவர் எப்போதும் அரவணைத்தே வந்து கொண்டு இருக்கிறார்.

சிறந்த பண்பாளர்.அவரிடம் இலக்கியம்,தமிழ்,கவிதை,எழுத்தாளர்கள், சமுதாயம், சித்தாந்தம்,அரசியல்,கடவுள்,கணினி இப்படி எந்த விஷயத்தை பற்றியும் எவ்வளவு நேரம் நேரம் வேண்டுமானாலும் பேசலாம்.

அதற்காக எங்கள் மேலாளர் வயதானவர் என்று நினைக்க வேண்டாம்.ஜஸ்ட் 33 தான் ஆகிறது.(எங்கள் மேலாளரை சினிமாவில் நடிக்ககூட கூப்பிட்டார்கள்,ஆனால் அஜித்,விஜய் பாவம் என்பதால் அந்த பக்கம் போகவில்லை)

மிக அழகாக பாடுவார்.அவர் பாடுவதை ஓரு நாள் முழுக்க கேட்டுகொண்டே இருக்கலாம்.பாடும்போது சிறு பிசிறோ அல்லது தாளம் தப்பியோ பாடாமல் மிகசரியாக பாடுவார்.

நிறைய கவிதைகள்,கதைகள்,கட்டுரைகள் எழுதியிருந்தாலும் வேலைப்பளு காரணமாக வெளியிடாமல் வைத்திருக்கிறார்.

மூன்று மாதத்திற்கு ஒரு முறை குவைத்தில் இருந்து ஈராக் வருவார்.ஒரு வாரம் தங்கி இருந்து மேற்பார்வையிடுவார்.அந்த ஒருவாரம் நாங்கள் இருக்கும் பாக்த்தாத் ஏர்போர்ட்டே களைகட்டும்.ஒரு மேலாளர் மாதிரி இல்லாமல் நண்பன் மாதிரி,உடன் பிறந்த அண்ணன் மாதிரி எங்களை பார்த்துகொள்வார்.

அந்த எண்ணம் எல்லா மேலாளருக்கும் வந்துவிட்டால் எந்த அலுவலகமும் சிறப்பாக இருக்கும்.

குவைத்தில் இருந்து ஈராக் வரும்போது சும்மா வர மாட்டார்.அண்ணி எங்களுக்காக செய்த புளிசாதம்,பிரியாணி என்று பலவகை சுவையான சாப்பாடுகளை கொண்டு வந்து எங்களை சாப்பிட வைத்து அழகு பார்ப்பார்.ஈராக்கில் ஹோட்டல் இல்லை.நம்மூர் சாப்பாடும் கிடைக்காது.(ஸ்பெஷல் தேங்க்ஸ் டூ அண்ணி)

அவர் கொடுத்த வேலைய முடித்துவிட்டால் அடுத்து நாம் என்ன செய்து கொண்டுருந்தாலும் அதை பற்றி கேட்கமாட்டார்.(செம ஐஸ்)

அவரை நான் வேலையில் சேர்ந்த முதல் நாளிலிருந்து இன்றுவரை 'ஸார்' என்று அழைத்ததில்லை.உரிமையாக 'அண்ணா' என்றுதான் நான் அழைத்து கொண்டு இருக்கிறேன்.

நான் சோர்வுறும் நேரங்களில் அறிவுரை கூறி இயல்பான மனநிலைக்கு கொண்டுவரும் அவரை நான் அண்ணா என்று அழைப்பதில் தவறில்லையே!!

சமீபத்தில் எனக்கு நிகழ்ந்த மிக பெரிய தீ விபத்தில் என் உயிரை தவிர எல்லாவற்றையும் இழந்த நிலையில் அண்ணாவும்,அண்ணியும் குவைத்தில் இருந்து எனக்கு ஆறுதல் சொன்னதோடு மட்டுமின்றி நான் எதிர்பாராத ஒரு உதவியையும் செய்து எனக்கு ஆனந்த கண்ணீரை வரவழைத்துவிட்டார்.(ஸோ கைண்ட் ஆப் யூ & தேங்க் யூ அண்ணா)

((( இந்த நேரத்தில் இங்கே அந்த விபத்து முடிந்து பிறகு மரியா அண்ணா,ரமேஷ்,வினய்,சிவா,ராஜ் ஆகியோர் எனக்கு கொடுத்த மன தைரியமும்,ஆறுதல்களையும் நினைத்து பார்க்கிறேன்.குறிப்பாக உடன் பிறவா அண்ணன் மரியா அந்தோணி செய்துகொண்டுஇருக்கும் உதவிகள் என் மனதை விட்டு என்றும் அகலாது.)))

இதோ வெளிநாடு வந்து இரண்டு ஆண்டுகள் முடிந்து இன்னும் ஒரு சில மாதங்களில் ஊர் திரும்ப போகிறோம்.எங்கள் 'அண்ணா' வின் சுகமான சகோதர பாசத்தை மனதில் சுமந்து கொண்டு............

இந்த அண்ணன்-தம்பி உறவு, திரும்ப இங்கயே வந்தாலும்(ஈராக்) அல்லது அங்கயே நின்றாலும்(இந்தியா) தொடர வேண்டும் என்பதே எனக்கும், எங்கள் கணினி துறையில் இருக்கும் சக நண்பர்களுக்கும் ஆசை.

காலம்தான் பதில் சொல்லவேண்டும்!!!

என்று மாறும் இந்த நிலை?

2009-11-06T09:16:00.001+03:00

என்று மாறும் இந்த நிலை?

கனவாக போனதோ நம்
தனி ஈழம்?
நனவாக ஆனதோ
நரிகளின் ஆட்டம்?

என் தமிழ் இனமே சாகிறது
பட்டினியால்.
நாம் பார்த்துக்கொண்டே இருக்கிறோம்
பேசிக்கொண்டே இருக்கிறோம்;

சண்டை வேண்டாம்,தனிநாடு வேண்டாம்
பணம் வேண்டாம்,பதவிகள் வேண்டாம்;
மேடை பேச்சுக்கள் நம் சகோதரர்களுக்கு
ஒரு வேலை சோறு போடாது;

பாலைவனத்தில் பஞ்சுமேடை
அமைத்தாலும்
பசியாற உணவு வேண்டாமா?
சுடுகாடே என்றாலும்
சுதந்திர காற்றை எம்மக்கள்
சுவாசிக்கவேண்டாமா?

என்று இந்த நிலை மாறும்?
'இருந்திருந்தால் நன்றாக இருக்குமே' என்கிற
இறைவன் 'இருக்கிறேன் ' என்று
காட்சிகொடுத்து எம்மக்களை
காப்பாற்றுவாரா???

அப்பா

2009-11-05T09:52:00.001+03:00

அப்பா

இந்த ஒற்றை சொல்லில்தான் எத்தனை பெரிய பெருமையும்,அர்த்தமும் அடங்கியிருக்கிறது.

நம்மில் அநேகம் பேருக்கு அப்பா இப்போது உயிருடன் இருக்கிறார் அல்லது சிலருடைய அப்பா இறைவனடி சேர்ந்திருப்பார்.

ஆனால் எல்லோருடைய அப்பாவும் தங்கள் பிள்ளைகளுக்கு ஒரு வழிகாட்டியாக,ஆசானாக,முன் மாதிரியாக இருந்திருப்பார் அல்லது இப்போதும் இருக்கிறார்.

சிலருடைய அப்பாக்கள் மட்டும் முன்கோபியாக, குடிகாரனாக,வேலை செய்யாமல் சோம்பேறியாக இருக்கலாம்.இருப்பினும் அந்த நல்ல உள்ளங்களுக்குள் தன் மகனை பற்றிய,மகளை பற்றிய கனவுகள் மட்டும் உயர்ந்ததாக இருக்கும்.

ஒருவேளை அப்பா சமுதாயத்தில் உயர்ந்தவராக இருப்பின் தன் வாரிசு தன்னை விட உயர்ந்தவனாக இருக்க வேண்டுமென ஆசைப்படுவார் அல்லது சமுதாயத்தில் தாழ்ந்தவனாக இருப்பின்,தன்னை போல் தன் வாரிசும் பெரிய குடிகாரனாக, சோம்பேறியாக இருக்க வேண்டுமென நினைக்க மாட்டார்.

"நான் தான் இப்படி உருப்படாம போயிட்டேன்..ஆனா என் பையன்/பொண்ணு நல்லா படிச்சி பெரிய ஆளா வருணும்"ன்னு நினைப்பாங்க.

அதுக்கு பேர்தான் அப்பா பாசம்.

தான் எவ்ளோ கஷ்டபட்டாலும் தன் பிள்ளைகள் நல்லா இருக்கணும்ன்னு நினைக்கிற அப்பாக்கள் தான் நிறைய இருப்பாங்களே தவிர தன் பிள்ளை கெட்டு போகணும்ன்னு நினைக்கிற கெட்ட அப்பாக்களா யாரும் இருக்க மாட்டாங்க.

என் அப்பாவை பற்றி எனக்கு காலேஜ் போகும்வரை நல்ல அபிப்பிராயம் இல்லைன்னு தான் சொல்வேன்.இத்தனைக்கும் என் அப்பாவுக்கு ஒரு கெட்ட பழக்கமும் இருந்ததில்லை.

ஊர்ல எல்லாரும் மதிக்கிற நல்ல ஆசிரியராக இருந்தார்.பள்ளியில் இருந்து ஓய்வு பெற்று இரண்டு ஆண்டுகள் ஆனாலும் பல மாணவர்கள் இன்றும் வீட்டிற்கு வந்து நலம் விசாரித்து செல்வார்கள்.

இப்படிப்பட்ட நல்ல அப்பாவை எனக்கு ஏன் காலேஜ் போகும்வரை பிடிக்கவில்லை?

பல காரணங்கள் இருந்திருக்கின்றன.

1) பள்ளிக்கு போகும்போது என் தோழன் தினமும் 5 ரூபாய் கொண்டு வந்து எல்லோருக்கும் தின்பண்டம் வாங்கி கொடுப்பான்.அவன்தான் என் பள்ளி கதாநாயகன்.
நானும் என் அப்பாவை காசு கேட்டால் தராமல் அதற்கு சரியான காரணம் கேட்பார்.அதனால் எனக்கு எங்க அப்பாவை பிடிக்காமல் இருந்திருக்கலாம்.

2) பள்ளி விடுமுறையில் எல்லா பசங்களும் உறவினர்கள் வீட்டுக்கு போயிட்டு வந்து கதை கதையாக சொல்வார்கள்.நான்,என் தம்பிகள் மட்டும் வீட்லயே இருப்போம்.எங்காச்சும் வெளிய போகலாம்ன்னு கேட்டா இந்த விடுமுறையில் அடுத்த வகுப்புக்கு தேவையான பாடங்களை படிக்க சொல்லிடுவார். அதனால் எனக்கு எங்க அப்பாவை பிடிக்காமல் இருந்திருக்கலாம்.

3) பிறந்து வளர்ந்தது கிராமம்தான் என்றாலும் ஆங்கில நாளிதழ்களை வாங்கி படிக்கச் சொல்லிடுவார்,அதோடு மற்றுமின்றி ஒரு நோட்புக்கில் எழுதுவும் சொல்வார்.மற்ற பிள்ளைகளோ பஜார் கடைகள்,கோவில்கள்,மடம் இப்படி சுற்றிவிட்டு வருவார்கள்.நான் கேட்டால் இந்த ஆங்கில நாளிதழ் படித்து விட்டு பிறகு சுற்றிவிட்டு வா என்பார்.அதனால் எனக்கு எங்க அப்பாவை பிடிக்காமல் இருந்திருக்கலாம்.

4) பத்தாவது படிக்கும்போது உடன் படிக்கும் மாணவர்கள் சினிமாக்கு செல்ல முடிவு பண்ணி என்னையும் வரச்சொல்லி கேட்பார்கள்.அப்பாவிடம் கேட்டால் அமைதியாக ஜெயகாந்தன்,கல்கி புத்தகங்களை கொடுப்பார்.எதுவும் பேசாமல் அதை படிக்க வேண்டியிருக்கும்.அதனால் எனக்கு எங்க அப்பாவை பிடிக்காமல் இருந்திருக்கலாம்.

5) +2 முடித்தவுடன் கிராமம் என்பதால் பாதி பேர் போலீஸ்,ஆர்மி,கழனி என்று போய் விட்டார்கள்.நானும்,என் நெருங்கிய நண்பர்களும் பி.காம் படிக்கலாம் என்று முடிவு செய்தோம்.வீட்டில் இதை பற்றி பேசும்போது அப்பா சொன்னார். +2 முடித்து பி.காம்தான் படிக்கணும்ன்னு இல்லை.தொழில் நுட்பமும் படிக்கலாம்.அதுவும் கணினி துறை இப்போது நன்றாக உள்ளது.அதை பற்றி யோசித்து விட்டு சொல்லென்று சொன்னார்.வேண்டா வெறுப்பாக டிப்ளமோ சேர்ந்தேன்.அதனால் எனக்கு எங்க அப்பாவை பிடிக்காமல் இருந்திருக்கலாம்.

6) காலேஜ் சேர்ந்து ஒரு ஆண்டு ஆனபோது என் கல்லூரியில் படிக்கும்,என் கிராமத்தை சேர்ந்த நண்பனின் வீட்டில் புதிதாக கார் வாங்கினார்கள்.மாதம் இரண்டுமுறை அவன் அப்பா பக்கத்து் டவுனில் இருக்கும் எங்கள் கல்லூரிக்கு காரில் அவனை அழைத்து வருவார்.நானும் அதே ஊர் என்பதால் என்னையும் காரில் கூட்டிவருவார்.அவன் கார் வாங்கிய பெருமையில் இருப்பான்.நானோ வருத்தமுடன் இருப்பேன்.ஒரு நாள் கோபத்தில் அப்பாவை கார் வாங்க சொல்லி சண்டை போட்டேன்.
அப்போதும் கோவப்படாமல் அமைதியாக இருந்து ஒரு வாரம் கழித்து மெஜஸ்டிக் ஸ்கூட்டர் வாங்கி வந்துவிட்டார்.அதுவும் லோன் போட்டு.அதனால் எனக்கு எங்க அப்பாவை பிடிக்காமல் இருந்திருக்கலாம்.

இப்படி பல 'அதனாக்களால்' எங்க அப்பாவை எனக்கு பிடிக்காமல் போனது அப்போது.

காலேஜ் முடித்து சென்னை/பெங்களூர் என்று மாறி மாறி வேலை செய்து பல வருடங்கள் போராடி இன்று வெளிநாட்டில் கை நிறைய சம்பாதிக்கும் நான் விடுமுறையில் ஊருக்கு செல்ல நேர்ந்தது.

நண்பர்களை பார்க்கும் ஆவலில் என் கிராமத்தை சுற்றி வந்தேன்.

பள்ளிக்கு தினமும் 5 ரூபாயுடன் வந்த பள்ளி நண்பன் ஒரு பெட்டிகடை வைத்து,கடையில் வியாபாரம் இல்லாததால் ராணி வார இதழை புரட்டிக்கொண்டு இருந்தான்.

பள்ளி முடித்தும் பாஜார், கோவில், மடம் என்று சுற்றி கொண்டுஇருந்த பள்ளி நண்பர்கள் சிலர் என்று அதே தோழமையுடன் கூட்டாக சேர்ந்து ஒரு நிதி நிறுவனம் நடத்தி கொண்டுஇருக்கிறார்கள் நிதியே இல்லாமல்.(ஆனால் சாயங்காலம் அந்த நிதி நிறுவனத்தில் குடி,சிகரட்,சீட்டு உண்டு.)

சரி..நம்ம கார் வைத்திருந்த நண்பனாவது எதாச்சும் பெரிய வேலையில் இருப்பானா என்று நண்பர்களை விசாரித்தால்."அட போப்பா..அவன் பிஸினஸ் பண்ணறேன்னு அவங்க அப்பா சொத்தை மொத்தம் காலி பண்ணிட்டு எங்கயோ ஓடி போய்ட்டான்" கேட்கும்போதே மனசு ரொம்ப வலித்தது.

இன்னும் சில பேர் எந்த வேலைக்கும் போகாமல் ஊர் சுற்றி கொண்டுஇருந்தார்கள்.எங்களுடன் படித்த ஒரு சிலர் தான் ஊரைவிட்டு
வெளியில் வந்து முன்னேறி இருந்தார்கள்.

எல்லா நண்பர்களிடமும் மனம் விட்டு பேசிவிட்டு வீட்டிற்குள் நுழைந்தேன்.

அப்பா அமைதியாக தூங்கி கொண்டு இருந்தார்.

என் சிறு வயதிலேயே அவர் சின்ன சின்ன விஷயத்தைகூட எவ்வளவு அழகாக சொல்லி கொடுத்திருக்கிறார் என்று நினைத்ததும் உடம்பு சிலிர்த்தது.

அப்பாவை இப்போது எனக்கு ரொம்ப பிடித்திருந்தது.

என் உயிர் தோழியே !!!

2009-11-04T11:33:00.001+03:00

இணையத்தில் தோழியாகி

இதயத்தில் புகுந்து விட்டாள்;

நல்ல நட்பினால்

நெஞ்சத்தில் நிறைந்து விட்டாள்;

பாசாங்கு இல்லை,

முகமூடி இல்லை;

வார்த்தை ஜாலங்கள் இல்லை;

வெறுப்புகள் இல்லை;

போலி வேஷமும் இல்லை;

நட்பின் இலக்கணமாய்

நாங்கள் இருக்கிறோம்;

உள்ள தூய்மையோடு

உறவாடுகிறோம்;

வர்ண தோரணை கட்டி உன்னை

வரவேற்கிறேன் என் மன கூட்டுக்குள்..

உண்மையின் நிழலாய் வருகிறேன் என்கிறாய் நீ.

வேண்டாமென சொல்வேனா என் உயிர் தோழியே!!!

2009-10-15T15:37:00.000+03:00

ஆர்குட்

இரண்டு வருடத்திற்கு முன்பு ஒரு நாள் யாஹூ வலைத்தளத்தில் உலாவிக்கொண்டு இருக்கும்போது, கல்லூரியில் படித்த நண்பன் ஒருவன் சாட்டில் வந்தான்.

ஹாய் மச்சி...ஹொவ் ஆர் யூ?

நான் நல்லா இருக்கேன்டா. நீ எப்படி இருக்க மச்சி?

நான்கூட சூப்பரா இருக்கேன்டா என்று பார்மல் நல விசாரிப்புக்குபின், "நீ ஆர்குட்டில் இருக்கியா" என்றான்.

ஆர்குட்? கேள்விப்பட்டுஇருக்கேன், ஆனா ஐடி இல்லையே என்றேன்.

நீயெல்லாம் ஏன்டா உயிரோடு இருக்கே என்பது மாதிரியான திட்டுக்களை வாங்கியபின் தீர்க்கமான முடிவெடுத்தேன் இனி ஆர்குட்டா நானா என்று.

என்னோட ஜிமெயில் ஐடி வைத்து ஆர்குட்டில் முதன்முதலாக காலடி எடுத்து வைத்தேன்.உள்ளே போக போக அதில் ஒரு தனி உலகமே இருப்பது தெரிந்தது.பெரும்பாலான பாய்ஸ் பிரண்ட் லிஸ்டில் 200,300 என்றும்,1000,2000 என்றும் ஸ்க்ராப்ஸ் இருப்பதை பார்த்து மிரண்டு்போனேன்.அதைவிட கொடுமை கேள்ர்ஸ் பாய்ஸை விட ரெண்டு மடங்கு அதிகமாக இருப்பதை பார்த்து மயங்கியே போனேன்.

சரி..பரவாயில்லை...என்று தெரிந்த,தெரியாத பாய்/கேர்ள் பிரண்ட்சுக்கு எல்லாம் ஏன் ஐடியை போன்/மெயில் பண்ணேன்.முதல் இரண்டு நாட்கள் யாரும் என் பிரண்ட்ஸ் லிஸ்டில் சேரவும் இல்லை.ஸ்க்ரபும் இல்லை.

ஒரு வாரம் கழித்து 2 ஸ்க்ரப்ஸ் வந்ததை பார்த்து ஆசையுடன் ஆர்குட்டை திறந்தால், "மே ஐ நோ யூ?" , "சாரி,அன்னோன் பெர்சன்ஸ் நாட் அலவுட் இயர்" என்று இரண்டு பெண்கள் மிக அழகாக என்னை ஒதுக்கி இருந்தார்கள்.

அப்புறம் சில மாதங்களில் எப்படியோ 50 பேர் சிக்கினார்கள்.ஸ்க்ராபும் 1000 த்தை தாண்டியது..இதை கொண்டாட தினத்தந்தி/தினகரனுக்கு (தினமலர் இப்போதைக்கு ராசியில்லைங்க) அரைப்பக்க விளம்பரம் தரலாமா என்றுகூட யோசித்தேன்.

அப்புறம் அலுவக வேலையைக்கூட மறக்கும் அளவுக்கு ஆர்குட் போதை ஏறி திரிந்தேன்.

இப்போ என்ன ஆச்சுன்னு எனக்கே தெரியலங்க.தெரியாத பாய்ஸ்/கேர்ல்ஸ் பிரண்ட்ஸ் ரிக்வஸ்ட்/ஸ்க்ராப் அனுப்பினால் நானே "மே ஐ நோ யூ?" என்று அனுப்ப ஆரம்பித்துவிடுகிறேன் அல்லது அமைதியாக இருந்துவிடுகிறேன்.

நேத்து ஒரு பிரண்ட் பேஸ்புக்குன்னு இதோ ஒரு பேரை சொன்னான்.அங்க மீட் பண்ணலாம் என்ன?

நீங்க எப்படி?

2009-10-14T20:34:00.004+03:00

TAKE IT EASY !!!

வாழ்க்கை ரொம்ப அழகான விஷயம்ங்க.நம்மில் நிறைய பேருக்கு இது தெரிஞ்சும் தெரியாத மாதிரி ஏன் நடந்துக்குறோம்னுதான் தெரியலை.

சுய கவுரவம்,அதிகாரம்,பதவி,போட்டி,பொறாமை இப்படி பல உயிரற்ற விஷயங்களுக்காக உயிருள்ள நம் சக மனிதர்களை பாடாய்படுத்துகிறோம்.

எத்தனையோ பெரியமனிதர்கள், சித்தர்கள், மகான்கள் சொல்லிக்கொடுத்த அனுபவங்களை படித்தும்-கேட்டும்,நாம் நம்மை மாற்றிகொள்ள தயாராக இல்லை.இந்த வேகமான யுகத்தில் நம்முடைய சக மனிதர்களை பற்றி யோசிக்கவும் நேரமில்லை.

கடவுள் இல்லைன்னு சொல்ற ஒருத்தர்.கண்டிப்பா இருக்கார்னு சொல்ற ஒருத்தர்.அரசாங்கம் சரியில்லைன்னு சொல்ற ஒருத்தர்.நல்லா ஆட்சி பண்றாங்கப்பான்னு சொல்ற ஒருத்தர்.சிலருக்கு காமெடி பிடிக்கும்,சிலருக்கு அழுகைதான் பிடிக்கும்.

சிலருக்கு பேச பிடிக்கும்,சிலருக்கு கேட்ட மட்டும்தான் பிடிக்கும்.எனக்கு இந்த உலகத்தில் உள்ள எல்லாமே பிடிக்கும்னு சொல்ற ஆட்களை வலைவீசி தேடி பிடிக்கவேண்டும்.

இப்ப நீங்க என்ன செய்யணும்ன்னு கேட்கறீங்களா? நீங்க எதுவும் கெட்டது பேசாம/நினைக்காம/பண்ணாம இருந்தா போதும்.நீங்கன்னா இதை படிக்கிறவங்க இல்லை.அப்படி பண்றவங்களை சொல்றேன்.

நான் யாருக்கு கெட்டது பண்ணேன்னு கேட்குறீங்களா? நாம ஒருத்தரை கொலை பண்றதுதான் கெட்டதுன்னு இல்ல.சக ஊழியர்களை,சக மனிதர்களை,உறவினர்களை,நண்பர்களை பத்தி அவங்க இல்லாதபோது தப்பா பேசறதும்,இருக்கும்போது இகழ்ந்து பேசுறதும்,மேலதிகாரி கேட்கலைன்னாலும் போட்டு கொடுக்கறதும்,நம்பிக்கை துரோகம் பண்றதும் கூட கெட்டதுதாங்க.

என்ன அநியாயமா இருக்கு இது? என்னை காப்பாதிக்க அடுத்தவனை போட்டுகொடுக்கறது தப்பா?ஒரு ஜாலிக்காக நண்பனை வேறுபேத்தறது தப்பான்னு நீங்க கேட்கறது எனக்கு இங்கே கேட்குதுங்க.

ஆனா நம்ம நல்லதுக்காக இன்னொருத்தனை பத்தி தப்பா சொல்றது தப்புதானே?நம்ம சந்தோசத்துக்காக அடுத்தவனை கிண்டல் பண்றது தப்புதானே?

வாழ்க்கை ஒரு பட்டாம்பூச்சி மாதிரி.கொஞ்ச காலம் தான் வாழ முடியும்.அது எப்போ முடியும்ன்னு யாராலும் சொல்ல முடியாது.அதே மாதிரிதான் இந்த பட்டாம்பூச்சி சுதந்திரமா பறக்கும்வரை சந்தோஷ காற்றை சுவாசிக்கலாம் இன்னொருவர் ஆசைபட்டோ அல்லது வெறுத்து பிடித்து அதன் வர்ணம் போகும்வரை,அதாவது நம் சந்தோசம் என்பது பட்டாம்பூச்சியின் வர்ணம் மாதிரின்னு சொல்றேங்க.

சந்தோசம்,பணம்,ஆசை என்பதெல்லாம் நல்லா வீசுற காத்துமாதிரி.ஒரு நாள் என்பக்கம் வீசும், நாளைக்கு அடுத்தவன் பக்கம் வீசும்.காத்தை பிடிச்சி நம் பாக்கெட்டில் போட முடியாதுல்ல?

வாங்க கொஞ்சம் யோசிச்சு, நிறைய பேரை சந்தோஷப்படுத்தலாம்.

2009-10-13T13:58:00.002+03:00

விண்மீன் பேசுமா ?
**********************************

வான்வெளியில் இருந்து ஒரு
விண்மீன் பூமியில் விழுந்தது.
வேடிக்கை பார்க்க எட்டிப்பார்த்தேன்....

வேண்டாம் என்றவர்களை ஒதுக்கி
வீட்டுக்கு எடுத்து சென்றேன்;

தடித்த இரவினில் தனிமையில்
தூக்கம் வராது புரள்கையில்
விண்மீனை பார்க்க ஆசை வந்தது;

கட்டிலுக்கடியில் இருந்து
மெதுவாய் எடுத்துப்பார்த்தேன்;

உயிர் இருக்குமா? பசிக்குமா? காது கேட்குமா?
இல்லை வெறும் கல்லா?
என்றெல்லாம் யோசிக்கையில்,

"என்னை உன் மாடிக்கு அழைத்துப்போவாயா?"
விண்மீன் என்னை கேட்டது.

கல்லாகிய நீ பேசுகிறாயே? வினவினேன்.
"மனிதனாகிய நீ பல நேரங்களில்
மவுனமாய் இருக்கும்போது கல் பேசுவதில்
தவறில்லையே?" விண்மீன் பதிலியது.

மவுனமாய் விண்மீனை ஏந்திக்கொண்டு
மொட்டைமாடிக்கு சென்றேன்.

அர்த்தத்துடன் என்னைப்பார்த்து சிரித்தபடி
ஆகாயம் நோக்கி பயணமானது அந்த விண்மீன் !!!

வன்முறை நேர்கையில் வாய்கிழிய பேசுகிறோம்;
ஆபாச நடிகைகளை பற்றி பதிவெழுதுகிறோம்;
முன்னோட்டம் இட்டுக்கொண்டே பின்னோக்கி போகிறோம்;
திரைப்படங்களை தீர தீர விமர்சுகிறோம்;
மூக்கில் குத்துவிட்டு கோபம் தணிக்கிறோம்;

விண்மீனே வாய்விட்டு பேசும்போது
மனிதனின் மவுனம் சரிதானே ???

உயிரே பிரியாதே பகுதி - 21

2009-10-09T21:59:00.005+03:00

ஸாரி மீனா...உங்களுக்குள் இவ்வளவு பெரிய சோகம் இருப்பது தெரியாம நான் உங்ககிட்ட என்னனமோ பேசிட்டேன்...

இட்ஸ் ஓகே சூர்யா..நான்தான் இப்ப உங்களை ரொம்ப கஷ்டபடுத்திட்டேன்.

ச்சே..ச்சே...அப்படியெல்லாம் ஒண்ணுமில்லை.உங்களுக்கு எப்படி ஆறுதல் சொல்றதுன்னு தெரியல.ஆனாலும் இப்பத்தான் எனக்கு உங்களை ரொம்பவும் பிடிச்சிருக்கு மீனா..ப்ளீஸ் என்னை தப்பா எடுத்துக்காதீங்க.ஸ்டில் ஐ லவ் யூ மீனா.

சூர்யா...உங்க காதலை நான் தப்புன்னு சொல்ல மாட்டேன்.யாருக்கு வேணும்ன்னாலும் யாரை வேணா பிடிக்கலாம்.ஆனா நாம விரும்பறவங்க மனசுல நாம இருக்கோமான்னு என்பதுதான் முக்கியம்.என் மனசுல அவர்தான் இப்ப இருக்கார்.எப்பவும் இருப்பார்.அதனால நீங்க என்னை மறக்கிறது நல்லது சூர்யா.

நீங்க சொல்றதை என்னால முழுசா ஒத்துக்க முடியாது மீனா.நான் உங்களை விரும்பறா மாதிரி நீங்களும் என்னை கண்டிப்பா விரும்பிதான் ஆகணும்னு நான் சொல்லல.இன்னும் நீங்க உங்க காதலரை, கணவரை நினைசிட்டு இருக்கிற உணர்வை நான் ரொம்ப மதிக்கிறேன்...ஆனா காலம் முழுக்க நீங்க இப்படி தனியாவா இருக்க போறீங்க மீனா?

சூர்யா.....நான் என் வாழ்க்கை முழுக்க தனியாவே இருக்கப்போறேன்னு நான் சொல்லவே இல்ல.நிச்சயம் எனக்கு ஒரு துணைன்னு தேவைபட்டா நான் ஒருத்தரை கண்டிப்பா கல்யாணம் பண்ணிக்குவேன்.ஆனா இப்ப எனக்கு அந்த துணை தேவைப்படல. ஏன்னா இன்னும் அவருடன் வாழ்ந்த அந்த ஞாபகங்கள் என் மனசுல பசுமையா இருக்கு.அதுதான் இப்போதைக்கு என்னோட பெரிய சுகமான சுமையும்,துணையும்...நான் எதாவது தப்பா பேசி இருந்தா ரொம்ப ஸாரி சூர்யா..

இல்ல மீனா...நீங்க எதுவும் தப்பா பேசவே இல்ல.எப்படி உங்களால் இவ்ளோ தெளிவா அழகா பேச முடியுது?ரொம்ப பெருமையா இருக்கு.ஆனா காலம் கண்டிப்பா எந்த ஒரு துன்பத்தையும் மாத்த கூடியது..அப்படி ஒரு நேரம் வந்து நீங்க கல்யாணம் பண்ணிக்கணும்ன்னு நினைக்கும்போது நான் உங்க முன்னாடி இருப்பேன்.உங்களுக்காக காத்துக்கிட்டு இருப்பேன்.

இவ்வளவு சொல்லியும் நீங்க இன்னும் என்னை நினைச்சுட்டே இருப்பேன்னு சொல்றதை நினைச்சு ரொம்ப சந்தோசப்படறதா இல்ல வருத்தப்படுறதான்னு தெரியல சூர்யா.ஆனா எனக்காக நீங்க எப்பவும் காத்துக்கிட்டு இருக்க வேண்டாம் ப்ளீஸ்...

இப்பவும் எனக்கு நம்பிக்கை இருக்கு மீனா...உங்க காயத்தை என்னால ஆற்ற முடியும்ன்னு..இன்னும் நீங்க அவரையே நினைச்சுட்டு இருக்கிறது காதல்னா உங்களை நினைச்சி நான் காத்துக்கிட்டு இருக்க போவதற்கு பெயரும் காதல்தான் மீனா.

வண்டியில் வந்த மெக்கானிக் வந்து காரை சரி பார்க்க ஆரம்பித்தான்.

சார்..கார் ரெடி..நான் கிளம்பட்டுமா?

இருப்பா...நம்ம ஏரியா தானே?நானும் உன்கூட வரேன்.

மீனா..நான் கிளம்புறேன்...நீங்க வீட்டுக்கு போங்க.வீட்டுக்கு போயிட்டு கால் பண்ணுங்கன்னு சொல்ல மாட்டேன்.அட்லீஸ்ட் ஒரு எஸ்.எம்.எஸ். அனுப்புங்க...

சொல்லிவிட்டு சூர்யா வண்டியில் கிளம்பி போவதை பார்த்து கொண்டே இருந்தாள் மீனா.

மழை தூறத்தொடங்கியது...அந்த மழைத்துளிகளில் மீனாவின் ஒரு கண்ணீர் துளியும் சேர்ந்திருந்தது.

சில நினைவுகள், சில நிகழ்வுகள், சில மனிதர்களை நம்மால் என்னிக்குமே மறக்க முடியாது.உயிர் பிரியும்வரை உடன் ஒட்டிக்கொண்டே இருக்கும்....!!!

******************************* முடிந்தது *********************************

உயிரே பிரியாதே பகுதி - 20

2009-10-09T19:31:00.002+03:00

என்ன காரணம்னு நான் தெரிஞ்சிக்கலாமா மீனா?

சொல்றேன்.என்னை பத்தி உங்களுக்கு என்ன தெரியும் சூர்யா?

எனக்கு போதுமான அளவுக்கு தெரியும்.அது போதும்ங்க.

எனக்கு ஏற்கனவே கல்யாணம் ஆயிடுச்சி சூர்யா.

நோ..நீங்க பொய் சொல்றீங்க மீனா.நான் இதை நம்ப மாட்டேன்.

ஒரு பொண்ணு சீக்கிரம் பொய் சொல்ல மாட்டா.அதுவும் கல்யாண விஷயத்துல கண்டிப்பா பொய் சொல்ல மாட்டா.நான் காலேஜ் படிக்கும்போது என்கூட படிக்கிற பையன் என்னை லவ் பண்றதா சொன்னான்.முதல்ல எனக்கு அவனை பிடிக்கல. அப்புறம் அவனோட சின்ன சின்ன சேட்டைகள்,பரிசு பொருட்கள், முரட்டுத்தனம் இதெல்லாம் என்னை தானா அவன் பக்கம் இழுத்துடுச்சி. பீச்,பார்குன்னு நாங்களும் மத்த லவ்வர்ஸ் மாதிரி சுத்திட்டுஇருந்தோம்.

ஒரு நாள் நாங்க பீச்ல சுத்திட்டுஇருந்தப்போ ரெண்டுபேரும் வசமா அவனோட அப்பா கண்ணுல மாட்டிகிட்டோம்.அவங்க அப்பா இவன் பேச்சை கேட்காம வேற ஒரு பொண்ணை கல்யாணத்துக்கு பிக்ஸ் பண்ணிட்டார்.

நாங்க தீவிரமா இது பத்தி டிஸ்கஸ் பண்ணோம்.ரிஜிஸ்டர் ஆபீஸ்ல மேரேஜ் பண்ணிகிட்டோம். அவனோட வீட்ல எங்களை ஏத்துக்கல.எங்க வீட்லயும் முதல்ல ஏத்துக்கல.கொஞ்ச நாள் பொறுத்து நான் வீட்டுக்கு ஒரே பெண் என்பதால் எங்க வீட்ல ஏத்துகிட்டாங்க.

தனிகுடித்தனம் போனோம்.சந்தோசமா இருந்தோம்.அவனும் வேலைக்கு போனான்.ஒரு நாள் ஆபீஸ்ல இருந்து அவன் வீட்டுக்கு திரும்பும்போது எதிர்ல வந்த லாரில மாட்டி ஸ்பாட்லயே.................

மீனாவால் கட்டுப்படுத்த முடியாமல் வெடித்து அழ ஆரம்பித்தாள்.சூர்யா மூச்சடைத்து நின்றான்.அவளுக்குள் இருக்கும் இந்த வேதனை போகும்வரை அழட்டும் என்று சூர்யா மவுனமாக இருந்தான்.

உயிரே பிரியாதே பகுதி - 19

2009-10-09T13:15:00.008+03:00

பரவாயில்லை சொல்லுங்க சூர்யா.

கார் எப்ப சரியாகும் என்கிற டென்சன்தான் மேம்.வேற ஒண்ணுமில்ல.

நீங்க பொய் சொல்றீங்க சூர்யா.நான் ஏன் இன்னும் உங்களுக்கு பதில் சொல்லலைனு டென்சன்.ஆம் ஐ ரைட்?

மேம்.அப்படியெல்லாம் ஒண்ணுமில்ல.நீங்க அதை மறந்துடுங்க ப்ளீஸ்.

ஆபீஸ்லதான் நான் உங்க மேம்.இப்ப என்னை ஒரு தோழியா நினைச்சுக்கங்க.மனசை விட்டு பேசுங்க.தயங்க வேண்டாம் சூர்யா.நீங்க என்னை மீனான்னே கூப்பிடலாம்.

சாரி மேம்.சாரி மீனா.உங்ககிட்ட அன்னிக்கு ஆபீஸ்ல என் காதலை சொன்னது ரொம்ப தப்பு.........

சோ, இப்ப சொல்ல போறேன்னு சொல்றீங்களா?

அது வந்து....நான்...எப்படி...உங்களை...ரொம்ப...
லவ்...இல்ல..ஆமா...தெரியல...

ஓகே..நானே சொல்றேன்..நீங்க என்னை லவ் பண்றீங்க.அதானே?

எஸ் மீனா.உங்களை நான் லவ் பண்றேன்.கல்யாணம் பண்ணிக்க ஆசைப்படுறேன்.

சூர்யா....உங்க லவ்வை நான் தப்பு சொல்லல...ஆனா என்னால உங்களை ஏத்துக்கமுடியாது..ஐ ஆம் ஸாரி..

உயிரே பிரியாதே பகுதி - 18

2009-10-08T13:51:00.006+03:00

சிறிது தூரம் காரின் சப்தம் தவிர மவுனமே நிலவியது.இரண்டு கிலோமீட்டர் சென்றிருக்கும்.கார் குலுங்கி நின்றது.

என்னாச்சு மேம்.

தெரியல சூர்யா.இருங்க செக் பண்றேன்.

நேரம் கடந்தது.கார் நகரவில்லை.மீனா டென்ஷன் ஆவதை சூர்யா கவனித்தான்.

மேம்.நான் என் பிரண்ட் ப்ரேம்க்கு போன் பண்ணி மெக்கானிக்கை வர சொல்லிட்டேன்.நீங்க காருக்குள் உட்காருங்க.டென்ஷன் ஆக வேண்டாம்.

தேங்க்ஸ் சூர்யா.திடீர்னு என்னாச்சுனு தெரியலயே?

ப்ளீஸ் கூல் மேம்.இன்னும் கொஞ்ச நேரத்தில் மெக்கானிக் வந்துடுவான்.

இருவரும் காரில் அமர்ந்தார்கள்.

இப்போது கேட்கலாமா வேண்டாமா என்று சூர்யா யோசித்து கொண்டிருக்கையில் மீனா தன்னையே பார்த்து கொண்டிருப்பது வேறு பயமாக இருந்தது.

என்ன சூர்யா.என்னை விட நீங்க ரொம்ப டென்சனா இருக்கீங்க போல?

இல்ல மேம்.நத்திங்.

உயிரே பிரியாதே பகுதி - 17

2009-10-08T13:50:00.005+03:00

பலமுறை அவளுடன் காரில் சென்று இருந்தாலும் இம்முறை ராஜா,ராணி தேரில் ஊர்வலம் போவதை போன்ற ஒரு உணர்வு தோன்றுவதை சூர்யாவால் தடுக்கமுடியவில்லை.

சூர்யா..இன்னிக்கு மீடிங்க்ல நாம அந்த ^^^^பேங்க் மேனேஜர் பத்தி சொல்லலாமா?

இல்ல மேடம்.நாம போறது வேற ஒரு நோக்கத்துக்காக.முக்கியமான விஷயங்களை டிஸ்கஸ் பண்ணும்போது இந்த மாதிரி குறைகளை சொன்னா நம்மை பத்தி அவங்க தப்ப நினைக்க சான்ஸ் உண்டு,சோ சொல்ல வேணாமே.

எஸ்..யூ ஆர் ரைட் சூர்யா.

இரவு 7 மணிக்கு ஆரம்பித்த மீட்டிங் 10 மணிக்குத்தான் முடிந்தது.அங்கேயே எல்லோரும் டின்னெர் முடித்தார்கள்.

தேங்க்ஸ் சூர்யா..மீட்டிங் வாஸ் வெரி குட் நோ.

எஸ் மேம்.யூ ஆர் ரைட். சரி மேம்.நான் கிளம்புறேன். நாளைக்கு பார்க்கலாம்.

வீட்டுக்கு எப்படி போவீங்க?

பக்கத்துலதான் பஸ் ஸ்டாப்.

நோ சூர்யா.நீங்க பஸ்ல வீட்டுக்கு போய் சேர்வதற்குள் ரொம்ப நேரம் ஆகிடும்.வாங்க.நான் ட்ராப் பண்றேன்.

இட்ஸ் ஓகே மேம்.ஐ வில் மேனேஜ்.

நோ நோ..நீங்க கார்ல ஏறுங்க முதல்ல.

ஓகே.

உயிரே பிரியாதே பகுதி - 16

2009-10-08T13:47:00.007+03:00

அலுவலகத்தில் இருந்து ஒவ்வொருவராவ் வீட்டிற்கு கிளம்பி கொண்டிருந்தார்கள்.மூர்த்தி ஏற்கனவே பெர்மிஷன் போட்டு நேராக மருத்துவமனைக்கு சென்றுவிட்டார்.

இப்போது மணி சரியாய் 5.50 காட்டியது.

மீனா தன் அறையை பூட்டுவதை சூர்யா கவனிக்க தவறவில்லை.அவள் தன்னை பார்க்கும் முன் அவன் ரொம்ப சீரியசாக இருப்பதுபோல் காட்டிக்கொண்டு, என்றோ முடிந்துபோன ஒரு ஆடிட்டிங் புக்கை திறந்து வைத்து அதில் ஆழ்ந்தான்.

சூர்யா..மீட்டிங் போகலாமா?

......

சூர்யா..ஆர் யூ ரெடி?

சாரி மேம்.கவனிக்கல..கொஞ்சம் பிஸி :)

இட்ஸ் ஓகே..வாங்க போலாம்.

இருவரும் கார் பார்கிங் நோக்கி நடந்தார்கள்.

சூர்யாவின் மனது சந்தோஷத்தில் துள்ளி குதித்துக்கொண்டு இருந்தது.

உயிரே பிரியாதே பகுதி - 15

2009-10-08T10:27:00.006+03:00

தன் இருக்கைக்கு திரும்பிய சூர்யா சுறுசுறுப்பாய் வேலையை ஆரம்பித்தான்.

(ஈவினிங் மீனாகூட தனியாக போகப்போகிறோம் என்பதாலா என்று தெரியவில்லை.கண்டிப்பாக நம்ம ஹீரோக்கு அந்த சந்தோசம்தான், அதான் ஓவரா வேலை பார்க்கிறார் போல.)

எப்படா சாயங்காலம் ஆகும்னு காத்துகொண்டிருந்தான் நம்ம சூர்யா.
மதியம் சாப்பிடகூட போகலன்னா பார்த்துக்கங்க.சரி...ஈவினிங் வரை வெயிட் பண்ணி என்னாகுதுன்னு பாப்போம்.

நாலு மணி ஆகும்போது,பசிப்பதுபோல் தோன்றவே அலுவலகத்திலிருந்து வெளியில் வந்தான்.சாண்ட்விட்ச் சாப்பிட்டு,டீ குடித்தபின் தம்மை பற்றவைத்து ப்ரேம்க்கு போன் செய்தான்.

என்ன மச்சான்..என்ன பண்ற?

சொல்லு சூர்யா..சும்மாதான்.ஒரு இம்பார்டன்ட் காலுக்காக வெயிட் பண்றேன்டா.

யாரு..அந்த புவனாவா?

இல்லடா.பிசினஸ் விஷயமா.

ஓகே மச்சான்..நம்பிட்டேன்.நான் இன்னிக்கு வெளிய சாப்பிட்டு கொஞ்சம் லேட்டா வருவேன்.எனக்காக நைட் சாப்பிடாம வெயிட் பண்ணாத.அதை சொல்லத்தான் கூப்டேன் பிரேம்.

சரிடா மச்சான்.

டேய்..என்ன விசயம்னு கேட்க மாட்டியாடா?

நான் இப்ப கேட்கிற நிலைமையில இல்லடா சூர்யா.வேற ஒரு டென்ஷன்டா.

சாரி மச்சான்..டிஸ்டர்ப் பண்ணிட்டேன்.நைட் பேசிக்கலாம்.

உயிரே பிரியாதே பகுதி - 14

2009-10-08T09:06:00.006+03:00

மீனாவிடம் பேசிவிட்டு வெளியில் வந்த பிறகுதான் சூர்யாவிற்கு உயிர் வந்ததுபோல் இருந்தது.

நேராக மூர்த்தியிடம் போனான்.

சார், உங்க பொண்ணுக்கு என்னாச்சு?

அதுவா?கொஞ்ச நாளாவே வயிறு வலிக்குதுனு சொல்லிட்டிருந்தா.ரெண்டு நாளைக்கு முன்னதான் டாக்டர்கிட்ட கூட்டிட்டு போனோம்பா.வயித்தில் நீர்கட்டி இருக்காம்.உடனடியா ஆபரேஷன் பண்ணியே ஆகணும்னு சொல்லிட்டார்.இன்னிக்கு ஈவினிங் 7 மணிக்கு டைம் கொடுத்துஇருக்கார்.

ஐ ஆம் சாரி சார்.கவலைபடாதீங்க..உங்க பொண்ணுக்கு ஒரு பிரச்னையும் இல்லாம ஆபரேஷன் முடியும்.உங்களுக்கு எந்த உதவி வேணும்னாலும் என்னை கூப்பிடுங்க.

ரொம்ப தேங்க்ஸ்பா சூர்யா.

ஓகே சார்.ஒண்ணு கேட்பேன்.பட் நீங்க தப்பா எடுத்துக்கக்கூடாது.

என்ன சூர்யா? திடீர்னு பீடிகை போடுற..

இல்ல சார்.உங்களுக்கு எதாச்சும் பணஉதவி தேவைபட்டா தயங்காம என்கிட்ட சொல்லுங்க.

ரொம்ப தேங்க்ஸ்பா சூர்யா..இந்த ஆபரேஷன்க்கு தேவையான பணத்தை ரெடி பண்ணிட்டேன்.மேற்கொண்டு எதாச்சும் வேணும்னா கண்டிப்பா உங்கிட்ட கேட்கிறேன் போதுமா?

ஓகே சார்.

சூர்யா..இன்னிக்கு ஈவ்னிங் நீ மீனாகூட போறல்ல?

ஆமா சார், போய்த்தானே ஆகணும்.

என்னப்பா ஒரு மாதிரி சொல்ற.போக விருப்பம் இல்லையா? இல்ல உனக்கு வேற வேலை இருக்கா?

ச்சே..ச்சே..அப்படியெல்லாம் ஒண்ணுமில்லை சார்.நான் என் சீட்டுக்கு போறேன்.அப்புறம் பார்க்கலாம் சார்.

உயிரே பிரியாதே பகுதி - 13

2009-10-08T07:47:00.008+03:00

எஸ்..கம் இன்.

குட் மார்னிங் மேடம்.

யா.குட் மார்னிங் சூர்யா. ப்ளீஸ் டேக் யுவர் சீட்.

இட்ஸ் ஓகே, டெல் மீ மேம்.

அந்த ரீட்டா கார்மெண்ட்ஸ் பேமென்ட் என்னாச்சு?

இன்னிக்கு மதியம் செக்கை வந்து வாங்கிக்க சொல்லிட்டாங்க.நான் நம்ம ரங்காவை அனுப்பி வாங்கிவந்துட சொல்றேன்.

ஓகே.மிஸ்டர்.ப்ரீதம் அவரோட புது கம்பெனிக்காக பேங்க் லோன் கேட்டுருந்தாரே?

அது விஷயமா ****பேங்க் மேனேஜரிடம் பேசிட்டேன்.ரிசல்ட் பாஸிடிவா இருக்கும்னு சொல்லிட்டார்.

குட்.ரெண்டும் இம்பார்டன்ட் டாஸ்க்.சோ ப்ளீஸ் டேக் கேர்.

யா..ஐ வில் டேக் கேர் மேம்.

இன்னிக்கு ஈவினிங் நீங்க ப்ரீ தானே சூர்யா?

எஸ் மேம்.

ஓகே.கரெக்டா ஈவினிங் ஆறு மணிக்கு ரெடியா இருங்க, ஒரு கிளையன்ட் மீட்டிங் விஷயமா நாம 'தி ரெயின் ட்ரீ' ஹோட்டல்க்கு போகணும்.

மேம்.வழக்கமா நீங்க மூர்த்தி சாரை தானே கூட்டிட்டு போவிங்க?இப்ப.....

அவர்கிட்ட கேட்டாச்சு.அவரோட பொண்ணுக்கு வயத்தில கட்டியாம்,சோ ஈவினிங் டாக்டர்கிட்ட போகணும்னு சொல்லிட்டார்.

ஓகே மேம்,ஐ வில் கம் வித் யூ.

தேங்க்ஸ் சூர்யா..நீங்க வேலைய பாருங்க.

ஓகே மேம். ஐ வில்.

உயிரே பிரியாதே பகுதி - 12

2009-09-29T14:26:00.007+03:00

மச்சி..மீனா இன்னிக்கு கண்டிப்பா ஆபிஸ் வருவா இல்ல?

எனக்கு என்ன ஜோசியமா தெரியும்?சூர்யா..காலைல ஆபிஸுக்கு கிளம்பும்போதே இதுபத்தி திங்க் பண்ணாத.வேற எதாச்சும் யோசி.

போடா பன்னி.நீ ரொம்ப யோக்கியம்.நேத்து ராத்திரி நைட்ல புவனா பேர புலம்பிட்டு கிடந்த.அதுக்கு என்ன சொல்ற?

ஐயோ ராமா.என்னை காப்பாத்த வர மாட்டியா?

உன்னை காப்பாத்த ராமன் இல்ல..அனுமார் கூட வரமாட்டார்.சரி வண்டிய எடு.டைம் ஆச்சு.

வந்து தொலைடா.போலாம்.

பிரேம் சூர்யாவை ஏற்றிக்கொண்டு அவன் ஆபிஸ் அருகில் இறக்கினான்.இருவரும் தம் அடித்துவிட்டு அவரவர் அலுவலங்களுக்கு சென்றார்கள்.

அலுவலக வாசலுக்குள் நுழையும்போதே சூர்யா திடுக்கிட்டான். அங்கே மூர்த்தி சார் மீனாவுடன் பேசிக்கொண்டிருந்தார்.மீனா தன்னை ஓரக்கண்ணால் பார்ப்பதை கவனித்த சூர்யா கவனிக்காதவன் போல தன் காபினுக்குள் சென்றான்.

உடம்பு சூடாவதையும்,இதயம் படபடவென அடிக்க தொடங்கியதை உணர்ந்தான்.நேற்று வந்த மின்னஞ்சல்களை படிக்க துவங்கினான்.

சூர்யா..சூர்யா...கூப்பிட்டுகொண்டே மூர்த்தி அருகில் வந்தார்.

குட் மார்னிங் சார்.

குட் மார்னிங் சூர்யா..உனக்கு இப்ப தலைவலி எப்படி இருக்குப்பா?

சரி ஆயிடுச்சி சார். சொல்லுங்க சார்.

மீனா மேடம் நேத்தைய அப்டேட்ஸ் கேட்டு இருந்தாங்க.அதான் சொல்லிட்டு வரேன்.

அப்படியா சார்.ஓகே.ஓகே.நேத்து நான் ஏன் வரலைனு கேட்டாங்களா சார்?

ஆமாம் சூர்யா.தலைவலின்னு சொன்னேன்.ஒண்ணும் சொல்லல.சரி.பேங்க் வரை நான் போகணும்..அப்புறம் பேசலாம்ப்பா.

சரிங்க சார்.நீங்க போய் வேலைய பாருங்க.

மறுபடியும் மின்னஞ்சல்களை படிக்க துவங்கினான்..இன்டெர்காம் ஒலித்தது.

மீனாதான் கூப்பிடுகிறாள்.கைநடுங்க ரிஸிவரை எடுத்து ஹலோ என்றான்..

சூர்யா...ப்ளீஸ் கம் டு மை ரூம்.

எஸ் மேம்.

ரிஸிவரை வைத்துவிட்டு தண்ணீரை குடித்தான்.ஐந்து வினாடிகள் கண்ணை மூடித்திறந்தான்.எதுவாக இருந்தாலும் பார்த்துக்கொள்ளலாம் என்று தைரியபடுத்திக்கொண்டு மீனாவின் அறைகதவை நெருங்கி தட்டினான்.

மே ஐ கம் இன் ப்ளீஸ்?

உயிரே பிரியாதே பகுதி - 11

2009-09-29T14:20:00.005+03:00

இல்ல பிரேம்..உனக்கு டயார்டா இருந்தா நீ போய் தூங்கு.
நான் கொஞ்ச நேரம் கழிச்சி வரேன்.

பரவாயில்லடா.நானும் கொஞ்சநேரம் இருக்கேன்..

தேங்க்ஸ்டா.நீ என்கூட இருந்தா ரொம்ப சப்போர்டிவா இருக்கு.

ஹ்ம்ம்..நீ மீனா விஷயத்தில் என்ன முடிவு பண்ணிருக்க?இப்ப உங்க வீட்லயும் பொண்ணு பார்க்க ஆரம்பிச்சிட்டாங்க.

தெரியல பிரேம்.மீனாகிட்ட என் காதலை சொல்லிட்டேன்.ஆனா அவ மனசுல என்ன இருக்குன்னு தெரியல.

மீனா இல்லைன்னு மறுத்துட்டா?

இல்லடா.எனக்கு நம்பிக்கை இருக்கு.மீனா அப்படி சொல்லமாட்டா.

சப்போஸ் இல்லைன்னு சொல்லிட்டான்னு வைச்சுக்க.

அப்படி என் மீனா மனசுக்குள்ள நான் இல்லைன்னா நீ என்ன சொன்னாலும் செய்றேன் பிரேம்.

சரி..ஒருவேளை மீனா ஓகே சொல்லிட்டு உங்க வீட்டுல முடியாதுன்னு சொல்லிட்டா?

என்ன பிரேம்..லாயர் மாதிரி கேள்வி கேட்டு என்னை கொல்ற?முதல்ல மீனா மனசுல நான் இருக்கேனான்னு தெரியனும்.

சரி..அதுக்கு என்ன பண்ணி போற?

நான் அவகிட்ட சொல்லவேண்டியத சொல்லிட்டேன்.திரும்ப திரும்ப அவகிட்ட போய் என்னால கேட்க முடியாது.

யு ஆர் ரைட் சூர்யா.நீ மறுபடியும் போய் மீனாகிட்ட பேசுன்னு நான் சொல்லல.ஆனா அடுத்த வாரம் வரைக்கும்தான் உனக்கு டைம்.அதாவது உங்க அம்மா பார்த்த பொண்ணை பார்க்க நீ ஊருக்கு போகும்வரை..

சரிடா.அடுத்தவாரம் வரை பார்ப்போம்.

பைன்.இப்பவாச்சும் நாம ரூமுக்கு போகலாமா?

வேண்டாம்..இங்கயே தூங்கலாம்.

அது சரி.காதல் பண்றவனுக்கு கிறுக்கு பிடிக்கும்னு கேள்வி பட்டிருக்கேன்,ஆனா இப்பதான் நேர்ல பார்க்கிறேன்..வாடா கிறுக்கா..வீட்டுக்கு போவோம்..பனி அதிகமா விழுது.

சரிங்க மிஸ்டர் பொறுப்பு பிரேம்.போலாம் வாங்க.

2009-09-29T10:39:00.001+03:00

ஞாபகங்கள்
********************

உனக்கான காத்திருப்பின்
வேளையில்
மரம் உதிர்த்த காய்ந்த சருகின்
வலியில் மனம்;
மீண்டும் உனக்கான காத்திருப்பின்
வேளையில்
முன்பு சந்தித்த கணங்கள்
கண்ணில் நிழற்படமாய்.......

2009-09-29T09:41:00.003+03:00

ஆயுள் ரகசியம் !
****************************

உன் ஒற்றை சொல்லில்தான்
நான் உயிர்வாழ்வேன
சொல்ல மாட்டேன்..
நீ நிறைய இன்னும் நிறைய
பேசிக்கொண்டேயிரு.
நான் நீண்டநாள் உயிர் வாழ..

2009-09-28T19:19:00.001+03:00

வெல்வோம் வா
***********************
உயரப் பறந்து சிகரம் தொடுவோம்;
அதற்கு முதலில்
நம்பிக்கை சிறகை நாம் விரிப்போம் வா தோழா!
எதிர்பார்ப்புகள் பொய்யாகும் பயணம்தான்
வாழ்க்கையோ என்றில்லாமல்
எதிர்நீச்சல் போட்டு வெல்லலாம் வா நண்பா !!!

2009-09-28T18:57:00.004+03:00

அன்பு தோழி
******************
இந்நேரம் மின்விறியின் துணையால்
நீ தூங்கி கொண்டு இருப்பாய்.
நானோ விண்மீன்களை எண்ணிக்கொண்டு முழித்துகொண்டு இருப்பேன்.

உன் மனம் முழுக்க கனவுகளோடு
என் மனமோ உன் நினைவுகளோடு...

ராசாத்தி நீ தூங்கு,நட்சத்திரத்தின் ஒளியோடு.
செல்லமே நீ தூங்கு,மெல்லமாய் மடிமீது.

ஒரு இரவு உனக்கு..ஒரு ஜென்மம் எனக்கு.
ஒரு பகல் உனக்கு.ஒரு நொடிதான் எனக்கு.

நீ அலுவலகம் வரும்வரை என் மனவுலகம் என்னாவது.
நீ தொலைபேசி மூலம் அழைக்கும் வர
என் உயிர்ஓசை அடங்காது.

காலையில் பேசலாம் நேரம் கிடைத்தால்--நம்
காலம் வரை பேசலாம் வாய்ப்பு கிடைத்தால் !!!!

உயிர் பூவே!!!

2009-09-28T16:54:00.010+03:00

பொறாமை

நடுநிசியில்
தனியாக உறங்கையில்
உன் நினைவுகள் ஆட்கொள்ளும்;
உன்னோடு உறங்கையில் இந்த
உலகமே வெட்கம் கொள்ளும்;

உயிரே பிரியாதே பகுதி - 10

2009-09-28T14:06:00.008+03:00

பிரேம்...ஒரு சின்ன வாக் போயிட்டு வரலாமா?

கண்டிப்பா போலாம்.நான்கூட உங்கிட்ட கொஞ்சம் பேசவேண்டி இருக்கு.

கதவை பூட்டிக்கொண்டு கிளம்பினார்கள்.ஆர்.டி.நகர் போலீஸ் ஸ்டேஷன் பக்கத்தில் ஒரு மைதானத்தில் அமர்ந்தார்கள்.

சற்றுநேர மௌனத்திற்கு பிறகு பிரேம் ஆரம்பித்தான்.

சூர்யா..உனக்கு என்னாச்சு..ஏன் இப்படி ஆபிஸுக்கு லீவ் போட்டுட்டு குடிச்சிட்டு இருக்க?

சாரிடா மச்சான்.மீனாவை பொண்ணு பார்க்க மாப்பிள்ளை வீட்லர்ந்து வந்து இருக்காங்களாம்.கேட்டதும் ரொம்ப கஷ்டமா இருக்கவே தண்ணி அடிச்சேன்.

எனகென்னவோ நீ அவளை மறந்துடுறது நல்லதுன்னு தோணுது.
அப்புறம் இன்னொரு விஷயம்.நைட் ஏழு மணி இருக்கும்.உங்க அம்மா போன் பண்ணி இருந்தாங்க.உனக்கு போன் பண்ணா நீ எடுக்கலையாம்.என்னாச்சுன்னு என்னை பார்க்க சொன்னாங்க.நானும் அப்பவே உன் மொபைலுக்கு ட்ரை பண்ணேன்.பட் நோ ரெஸ்பான்ஸ்.

மை காட்.தண்ணி அடிச்சதுல ஒண்ணுமே தெரியலடா.நல்லா தூங்கிட்டேன்.அம்மா வேற என்ன சொன்னாங்க?ஒரு நிமிஷம்.அம்மாகிட்ட பேசிடுறேன்.

சரி பேசு.அவங்களும் பாவம்.வெயிட் பண்ணிட்டு இருப்பாங்க.

அம்மா...நான் சூர்யா பேசுறேன்..எப்படி இருக்கம்மா?

.....

உடம்புக்கு ஒண்ணுமில்லமா.ரெண்டு நாளா ஆபிஸ்ல நிறைய வேலை.அதான் இன்னிக்கு கொஞ்சம் சீக்கிரமா வந்து தூங்கிட்டேன்.

.....

அப்பா நல்லா இருக்காரா?தம்பி காலேஜுக்கு ஒழுங்கா போறானா?

.....

சரிமா நான் பிரேம்கிட்ட கேட்டுக்கிறேன்.. நீ உடம்பை நல்லா பார்த்துக்க.நான் அப்புறமா பேசுறேன்.

.....

சரி..வைச்சுடுமா...ஹ்ம்ம்..

பிரேம்...அம்மா என்னடா சொன்னாங்க?உங்கிட்ட கேட்க சொல்லிட்டாங்க.

உனக்கு பொண்ணு பார்த்து இருக்காங்களாம் சூர்யா.அடுத்த வாரம் உன்னை ஊருக்கு வர சொன்னாங்க....ரூமுக்கு போலாமா?

உயிரே பிரியாதே பகுதி - 9

2009-09-28T11:36:00.012+03:00

பஸ்ஸை விட்டு இறங்கி நேராக ஒய்ன் ஷாப்பில் ஒரு அரை பாட்டில் விஸ்கி வாங்கிக்கொண்டு ரூமுக்குள் சென்றான்.

இனிமேல் மீனாவை பற்றி நினைக்ககூடாது,அவள் வீட்டில் மாப்பிளை பார்க்கஆரம்பித்த பிறகு அவளை காதல் மனதோடு பார்ப்பது தவறு என்று சொல்லிகொண்டேமுழு விஸ்கியையும் குடித்து தீர்த்தான்.

தம் ஒன்றை பற்றவைத்து பாதி அடிக்கையிலேயே போதை தலைக்கேற படுக்கையில்விழுந்தான்.ஆனால் அவன் நாக்கு மட்டும் ஏதோதோ புலம்பிக்கொண்டிருந்தது.

டேய் சூர்யா..எழுந்திருடா.என்ன ஆச்சு?ஆபிஸை விட்டு எப்ப வந்த?ஏன் இப்படிஇருக்க?

நண்பா பிரேமு...வந்திட்டியா..வா வா..சரக்கு அடிக்கலாம்.மதியம் ஏண்டா நீ எனக்குகம்பெனி தரல?

மச்சி..சொன்னா கேளுடா..எழுந்திரு என்றபடியே பக்கத்தில் காலி பாட்டிலைபார்த்தான்.

சூர்யா...அரை பாட்டிலை நீயேவா காலி பண்ண?

……….

சரி சூர்யா..கமான்..கெட் அப்.மதியம் சாப்பிட்டியா?

இல்ல மாப்ள..ஆனா இப்ப ரொம்ப பசிக்குதுடா.

அடப்பாவி..இப்ப மணி என்ன தெரியுமா?நைட் 10 ஆச்சுடா.நீ இங்கயே இரு.நான்போய்ட்டு எதாச்சும் சாப்பிட வாங்கிவரேன். நான் போய்ட்டு வரதுக்குள்ள முகம்கழுவிவிட்டு ரெடியா இரு.என்ன?

ஓகே ஓகே..

உயிரே பிரியாதே பகுதி - 8

2009-09-28T09:20:00.007+03:00

ஆபிஸை விட்டு வெளியே வந்ததும் பேருந்து நிறுத்தம் நோக்கி நடந்து சென்றான்.தலைவலி என பொய் சொல்லிவிட்டு வெளியே வந்துவிட்டாலும் இப்போது எங்கே செல்வது, என்ன செய்வது,மீனாவிடம் காதலை சொன்னது தப்பா அல்லது சொன்னவிதம் தப்பா,ஏன் இப்படி இருக்கிறோம் என பல கேள்விகள் மனதை துளைத்து கொண்டிருந்தன.

பிரேமுக்கு போன் பண்ணலாமா என நினைத்தாலும் அவன் பிஸியாக இருப்பானே என்பதால் வேறு எங்கு செல்வது என யோசிக்க ஆரம்பித்தான்.
இவ்வளவு பெரிய பெங்களூரில் பிரேமை விட்டால் நண்பன் என்று சொல்லிக்கொள்ளவோ,உறவினர்கள் என்றோ யாருமில்லை.

சொந்த ஊரான சேலத்தில் கம்ப்யூட்டர் சயன்ஸ் டிகிரி முடித்தவுடன் சென்னை வேண்டாம்,பெங்களூர் போ.அங்கதான் கம்ப்யூட்டர் படிச்சவங்களுக்கு நிறைய சம்பளம் தராங்களாம் என யார்யாரோ ஊரில் சொல்ல யோசிக்காமல் கிளம்பிவிட்டான்.அப்பாவுடன் படித்த நண்பரின் பையன்தான் இந்த பிரேம்.

பெங்களுருக்கு வந்தவுடன் ஊரில் சொன்னதுபோல உடனே வேலை கிடைத்தது.ஆனால் சம்பளம்தான் பெரியதாக ஒன்றுமில்லை.கிடைத்த வேலையை வேண்டாம் என்று சொல்ல மனமில்லாததால் அதிலேயே சேர்ந்தான்.படிப்படியாக தேவையான நுணுக்கங்களை கற்று தேர்ந்தான்.இதோ மீனாவின் கம்பெனியில் சேர்ந்து 2 வருடங்கள் ஆகிறது.

மீனாவிடமும் மற்றவர்களிடமும் நல்ல பெயர்தான் எடுத்திருக்கிறான்.இவன் சேரும்போது மீனாவின் அப்பாதான் இந்த கம்பெனியை நிர்வாகம் பண்ணிகொண்டிருந்தார்.

சில மாதங்களில் தன் ஒரே பெண் மீனாவையும்,மனைவியையும் அம்போவென விட்டுவிட்டு காலமாகிபோனார்.

அதற்கு பிறகு MBA படித்துக்கொண்டு இருந்த மீனா தான் இந்த கம்பெனியை பைனான்ஸ் மேனேஜர் மூர்த்தியின் ஆலோசனையுடன் திறம்பட நிர்வகித்து வருகிறாள்.தேவையான் நேரங்களில் சூர்யாவும் தனக்கு தெரிந்த ஆலோசனைகளையும், உதவிகளையும் செய்து வருகிறான்.

மீனாவுக்கும் சூர்யா என்றால் ரொம்ப பிடிக்கும்.தன் அப்பா இறந்த சமயத்தில் உடன் இருந்து எல்லாவற்றையும் சிறப்பாக செய்து கொடுத்தான்.மீனா அலுவகத்தில் பொறுப்பேற்றபோதும் தனக்கு தெரிந்த எல்லா விஷயங்களையும் சொல்லிகொடுத்து இன்று கம்பெனி லாபகரமாக போய்கொண்டிருக்கிறது.

ஆனால் மீனாவுக்கு சூர்யாவின் மீது காதல் இருக்கிறதா என்று தெரியவில்லை.
பழைய ஞாபகங்களை அசை போட்டு முடிக்கையில் மதிய நேரம் ஆகிவிட்டு இருந்தது.

எங்கே செல்வது என தெரியாமல் கடைசியில் தன்னுடைய ரூமுக்கே செல்ல முடிவெடுத்து வந்த பஸ்சில் ஏறினான்.

உயிரே பிரியாதே பகுதி - 7

2009-09-27T10:51:00.011+03:00

11.30 மணி டீ ப்ரேக்கிற்காக ஆபிசைவிட்டு சூர்யா வெளியே வந்தான்.டீயும் தம்மும் சொல்லிவிட்டு பிரேமுக்கு போன் செய்தான்.

பிரேம்..உனக்கு இன்னிக்கு ஆபிஸ்ல இன்டெர்னல் ஆடிட்டிங் இருக்குனு தெரியும்.ரொம்ப பிசியா இருப்ப.ஆனா உங்கிட்ட ஒரு ரெண்டு நிமிஷம் பேசியே ஆகணும்டா.

பரவாயில்ல சூர்யா சொல்லு.என்னாச்சு? மீனாகிட்ட பேசினியா?

இல்லடா.இன்னும் மீனா ஆபிசுக்கு வரல.யாரை கேட்டாலும் தெரியாதுன்னு சொல்றாங்க.கொஞ்சம் பயமாயிருக்குடா மச்சான்.

நீ ஏண்டா தேவையில்லாம பயப்படுற?

நான் என்னோட லவ்வை சொன்னதினால் அவ எதாச்சும் அசிங்கம்னு நினைச்சு ஆபிசுக்கு வரலையோ என்னோவோ?

டேய் சூர்யா..பேசாம உன்பேரை லூசுன்னு மாத்திக்கோ.

ஏண்டா?

பின்ன என்னடா..நீ அவ கம்பெனியில் வொர்க் பண்ற சிஸ்டம் என்ஜினியர்.மீனா கம்பெனியோட முதலாளி.உனக்கு பயந்தோ இல்ல அசிங்கபட்டோ அவ லீவ் போடணும்கிற அவசியம் இல்ல.வேற எதாச்சும் காரணம் இருக்கும்.நீ உன் வேலைய பாரு.

சரிடா மச்சான்.எனக்கும் பிரேக் டைம் முடியபோகுது.வி வில் ஸி லேட்டர்.

காபினுக்குள் உட்கார்ந்த உடன் இண்டெர்காமில் மூர்த்தி அழைத்தார்.

சூர்யா..நீ எங்க போயிருந்த.ஜஸ்ட் இப்பதான் மீனா மேடம் போன் பண்ணாங்க.நல்ல விஷயம்பா.அவங்களை பெண் பார்க்க பையன் வீட்ல இருந்து வந்திருக்காங்களாம்.அதனால இன்னிக்கு ஆபிசுக்கு வரலைனு சொல்லிடாங்கப்பா.நீ எங்கேன்னு மேடம் கேட்டாங்க.

எதுக்கு சார்?

தெரியலப்பா.வேணும்னா நீயே மேடத்துக்கு போன் பண்ணிடேன்.

வேணாம் சார்.தலைவலி அதிகமா இருக்கு.நான் வீட்டுக்கு போகவா சார்?

என்னப்பா.மேடமும் லீவு.நீயும் இப்ப கிளம்ப போறேன்னு சொல்ற.
சப்போஸ் மேடம் திரும்பவும் போன் பண்ணி நீ எங்கேன்னு கேட்டா என்னப்பா சொல்றது?

எனக்கு தலைவலி..கிளம்பிட்டேன்னு சொல்லுங்க.ஒண்ணும் சொல்ல மாட்டாங்க.

சரிப்பா.நான் பார்த்துகிறேன்,நீ கிளம்பு.

உயிரே பிரியாதே பகுதி - 6

2009-09-26T20:02:00.013+03:00

ஞாயிற்றுகிழமை ஓய்வு முடிந்து திங்கட்கிழமை காலை என்றாலே நம்மில் பாதி பேருக்கு அலர்ஜியும், டென்சனும் சேர்ந்து கொள்ளும். சந்திராயன் செயற்கைகோளை விண்ணில் பறக்கவிட்ட விஞ்ஞானிகளின் டென்சனுக்கு நிகரானது அது.

பிரேமுக்கு ஆடிட்டிங் வொர்க் இருந்ததால் காலையில் சீக்கிரம் கிளம்பி விட்டான்.சூர்யா ஆர்.டி.நகரிலிருந்து சிவாஜி நகர் பஸ் பிடித்து,அங்கிருந்து ஆட்டோவில் ஆபிசுக்கு பயணமானான்.ஒரு தம் அடித்துவிட்டு ஆசுவாசபடுத்திக்கொண்டு கொஞ்சம் தைரியமாகி முதல் மாடி ஏறி தன் காபினுக்குள் நுழைந்து லாப்டாப்பை சுவிட்ச் ஆன் செய்தான்.

ஆபிசில் எல்லோரும் தன்னை முறைப்பது போல் தோன்றியது.இயல்பாக இருக்க முயற்சி செய்தான்.

அலுவலக சம்மந்தபட்ட பல மின்னஞ்சல்கள் வந்து இருந்தாலும் மீனாவை பற்றியும், அவள் தன்னை பார்த்தால் எப்படி எதிர்கொள்வது என்பதை பற்றியும் மனது சிந்தித்து கொண்டுஇருந்தது.

மீனா வந்து விட்டாளா என்று எதிரே உள்ள அவளின் அறையை பார்ப்பதும், திரும்ப தன் வேலையை பார்ப்பதுமாக ஒரு நிலையில்லாமல் இருந்தான்.

கடிகாரம் காலை சரியாக ஒன்பது மணியை காட்டியது.ஆபிசில் வேலை செய்யும் எல்லோரும் வந்துவிட்டார்கள்.வழக்கமாக 8.50 வந்துவிடும் மீனாவை மட்டும் காணவில்லை.

சரி..ஏதாவது வேலை இருந்து இருக்கும் போல என தன்னை தானே சமாதானப்படுத்திகொண்டான்.மணி இப்போது சரியாய் 9.30 காட்டியது.எங்காவது டிராபிக் ஜாமில் மாட்டிக்கொண்டிருப்பாள் என நினைத்து கொண்டான். இப்படியாக மணி 10.15 தாண்டியதும் பொறுமை இழந்தவனாக பைனான்ஸ் மேனேஜர் மூர்த்தியை கேட்டான்.

மூர்த்தி சார்..மீனா மேடம் இன்னும் வரலையே?உங்ககிட்ட எதாச்சும் சொன்னாங்களா?

அதான் எனக்கும் தெரியல சூர்யா.கொஞ்சம் வெயிட் பண்ணி பார்த்துட்டு அவங்க வரலைனா மொபைலுக்கு கால் பண்ணிபார்ப்போம்.

இல்ல சார்.நீங்க இப்பவே ட்ரை பண்ணி பாருங்க.ப்ளீஸ் சார்.

என்ன சூர்யா எதாச்சும் முக்கியமான விஷயமாப்பா?

இல்ல சார்.கிளையன்ட் லோன் விஷயமா ஒரு வேலையை இன்னிக்கு காலைல முடிச்சு அப்ருவல் வாங்க சொல்லிருந்தாங்க. அதான் கேட்டேன் சார்.

அப்படியா. கொஞ்சம் நேரம் பார்த்துட்டு போன் பண்ணுவோம் சூர்யா.

இட்ஸ் ஒகே சார்.ஐ வில் வெயிட் பார் ஹெர்.

உயிரே பிரியாதே பகுதி - 5

2009-09-26T15:28:00.010+03:00

சூர்யா புகைத்து கொண்டுஇருக்கும்போதே ஒரு மழைத்துளி முகத்தில் பட்டு தெறித்து பூமியில் விழுந்தது.வானத்தை பார்த்து திரும்ப குனிவதற்குள் சடசடவென மழை பிடித்துகொண்டது.

மழையை விரும்பாதவர்கள் யாரும் இல்லை என்றாலும் இந்த மழை சூர்யாவுக்கு பிடிக்கவில்லை போலும்.அதனால்தான் பக்கத்திலிருந்த கடைக்குள் ஒதுங்கிக்கொண்டான்.

பெங்களூரில் அக்டோபர் நவம்பர் மாதங்களில் எப்போது மழை வருமென சொல்லமுடியாது.சட்டென வந்துவிடும்.மனிதனுக்கு காதலும் அப்படிதான்.

காதலில் வெற்றி பெற்றவர்களுக்கு வெயிலின் உக்கிரம் கூட ஐஸ்கட்டி போல் தோன்றும்.காதலியின் பதில் எதிர்பார்த்து காத்துக்கொண்டிருக்கும் சூர்யா போன்றவர்களுக்கு ஐஸ்கட்டி மழை கூட அனலாய் தோன்றும்.

சிறிது நேரத்தில் மழை நின்றது.ரூமுக்கு நுழைந்தவுடன் பிரேம் குளித்து சாப்பிட தயாராய் இருந்தான்.

என்னடா மச்சான் வாங்கி வந்த? மழையில் நனைஞ்சிட்டியா என்ன?

இல்ல.கடையில ஒதுங்கிட்டேன்.சாப்பிடலாம் வா.

என்னடா மச்சான். மீனா போன் பண்ணாளா?

இல்ல பிரேம்.

நீயாச்சும் அவளுக்கு போன் பண்ணி பேசுடா சூர்யா.நீ போன் பண்ணி மீனா பேசினா உன்மேல் அவளுக்கு கோபம் இல்லன்னு அர்த்தம்.

இல்லடா பிரேம்.என்னகென்னவோ போன்ல பேசுறது நல்லதா படல.

சரி வேண்டாம் விடு.நாளைக்கு ஆபீஸ்ல அவகிட்ட மறுபடியும் பேசி பாரு.

நாளைக்கு நான் ஆபிசுக்கு போகலடா.மனசே சரியில்ல.நாளைக்கு அவ முகத்தை எப்படி நேருக்குநேர் பார்க்க முடியும்னு தயக்கமா இருக்கு. அதுவும் இல்லாம ஒருவேளை ஆபிஸ்ல எல்லோர் முன்னாடி கோவமா பேசிட்டா அசிங்கம் ஆயிடும் மச்சி.

இல்ல.நீ நாளைக்கு ஆபிஸ்க்கு போகலைன்னா அவ உன்னைப்பத்தி தப்பா நினைப்பா.ஆபிஸ்ல தானே நீ உன் லவ்வ அவகிட்ட சொன்ன.அதே ஆபிஸ்ல ஸாரி கேட்டா ஒன்னும் தப்பில்லை.

ஸாரி கேட்கிறது ஒண்ணும் ப்ராப்ளம் இல்ல.

உன்னை வேலைய விட்டு தூக்கிடுவான்னு பயமா சூர்யா?

போடா ஸ்டுபிட். இந்த வேலை போச்சுன்னா வேற வேலை தேடிக்கலாம் மச்சி.

பட் ஐ ஹாவ் ஒன்லி ஒன் மீனா.ஐ லவ் ஹெர் சின்சியர்ல்லி.நாளைக்கே நான் ஆபிஸ் போறேன் பிரேம்.

வெரி குட் சூர்யா.தட்'ஸ் ஸ்பிரிட்.

உயிரே பிரியாதே பகுதி - 4

2009-09-25T11:44:00.007+03:00

சூர்யா எங்கேடா இருக்க ?

சாரி பிரேம்.நீ நல்லா தூங்கிட்டு இருந்த.அதான் உங்கிட்ட சொல்லல.இன்னிக்கு சண்டே.அதான் பக்கத்தில் இருக்கிற சர்ச்சுக்கு வந்திருக்கேன்.இன்னும் முப்பது நிமிஷத்தில் டிபன் வாங்கிட்டு ரூமுக்கு வரேன்..நீ குளிச்சிட்டு ரெடியா இரு.

எல்லாம் சரி.திடீர்னு என்ன சர்ச்சுக்கு எல்லாம் போக ஆரம்பிச்சிட்ட?

சும்மா தாண்டா.மனசு ரொம்ப கஷ்டமா இருந்துச்சு.எந்த இடத்தில மனசு அமைதி கிடைக்குதோ அதான்டா மச்சான் உண்மையான கோவில்.எந்த சாமியா இருந்தா என்ன.எந்த மதமா இருந்தா என்ன?

அதுவும் சரிதான் சூர்யா. நீ பிரேயர் முடிச்சிட்டு ரூமுக்கு வா.பசிக்குது.சீக்கிரம் சாப்பிடலாம்.

சரி.போனை கட் பண்ணிடுறேன்.

ஓகே டா.

சர்ச் பாதர் ப்ரேயரை ஆரம்பித்தார்.
" அன்பு ஒன்றுதான் உலகில் தலைசிறந்தது.
உன்மீது நீ அன்பு காட்டுவது போல்
அடுத்தவர் மீதும் அன்பு காட்ட வேண்டும்.
உன் சிநேகிதனுக்காக/சிநேகிதிக்காக உயிரை கொடுப்பதைவிட
உயர்வான அன்பு உலகில் இல்லை.

நான் உன்னைவிட்டு விலகுவதும் இல்லை
நான் உன்னை கைவிடுவதும் இல்லை "

இந்த வார்த்தைகள் அவனுக்குள் மன தைரியத்தையும், புத்துணர்ச்சியையும் அளித்தது.பிரேயர் முடிந்ததும் சூர்யா மனசு லேசானது போல் இருந்தது.
வெளியே வந்து டிபன் ஆர்டர் செய்தான்.பக்கத்தில் இருந்த கடையில் தம் வாங்கி பற்றவைத்தான்.

உயிரே பிரியாதே பகுதி - 3

2009-09-25T08:01:00.007+03:00

பிரேம்...ரொம்ப தாங்க்ஸ்டா.சூப்பர் சரக்கு.நல்ல மப்புடா. இப்ப எனக்கு பயமே இல்ல மாமு.

சரி சரி மச்சி.ரொம்ப உளற ஆரம்பிச்சிட்ட.சாப்பிட என்ன சொல்லட்டும்?

தோசையா இல்ல இட்லியா?

எனக்கு ஒரு பிளேட் மீனா வேணும் மாப்ள.

அய்யோ ஆண்டவா.அவனை விட அதிகம் அடிச்சது நான்.ஆனா உளறது அவனா? டப்பு என்னோடது..மப்பு அவனோடதா...என்ன கொடுமை சார் இது?

பிரேம் மச்சி..ஐ லவ் யு டா. ஐ மிஸ் யூ டா.

அடப்பாவி..போதைய போட்டு ரொம்ப இம்சை பண்றானே.ஐ லவ் யூ சொல்ற நேரமாடா இது.வீட்டுக்கு போலாம் வா.நேரம் ஆச்சு சூர்யா .

மீனா வீட்டுக்கு இப்ப வேணாம் பிரேம்..ரொம்ப லேட் ஆயிடுச்சி.

நீ என்கிட்ட அடிவாங்கபோர சூர்யா .நம்ம வீட்டுக்கு போலாம்னு சொன்னேன்.

ஐ ஆம் சாரி மச்சி..எப்படிடா தண்ணி அடிச்சா கூட தெளிவா பேசுற நீ? சரி நம்ம வீட்டுக்கு போலாம் வா.

இரவு முழுவதும் சூர்யா மீனாவை பற்றியே உளறி உளறி தூங்கி போனான்.பிரேம் தம் அடித்துகொண்டே எதையோ நினைத்து கொண்டு இருந்தான்.நீண்ட நேரம் கழித்துதான் தூக்கம் வந்தது.

காலையில் கண்விழித்த போது சூர்யா பக்கத்தில் இல்லை.கூப்பிட்டு பார்த்தும் பதில் இல்லாததால் எழுந்து போய் தேடி பார்த்தான். கைபேசியில் சூர்யா பெயரை அழுத்தினான்.

உயிரே பிரியாதே பகுதி - 2

2009-09-24T22:56:00.008+03:00

என்ன சூர்யா, போலாமா என்றான் பிரேம்.

போலாம்டா. உனக்கு வேற எங்காச்சும் போகனுமா இல்ல ரூமுக்கு தானா?

எந்த வேலையும் இல்ல மச்சி..நேரா ரூமுக்கு தான் போறோம்.டிரஸ் சேஞ்ச் பண்ணிட்டு பாருக்கு போலாம்.

இல்ல நான் வரலடா. நீ வேணும்னா சரக்கு அடிக்க போயிட்டு வா.

டேய் காந்தி பேரா. என்னடா ஆச்சு உனக்கு? சாப்பாடு வேணாம்னு சொல்லு, ஆனா சரக்கை மட்டும் வேணாம்னு சொல்லாதடா.

மச்சான், என்னை டிஸ்டர்ப் பண்ணாத ப்ளீஸ். எனக்கு மூடு இல்ல.

எனக்கு தெரியாது..நீ என்கூட வர.சரக்கு அடிக்க கம்பெனி தர, காசும் தர.

நிலைமை தெரியாம பேசாத பிரேம்.ஐ ஆம் டோட்டலி அப்செட்.உங்கிட்ட பேசனும்தான் உன் ஆபிசுக்கு வந்தேன்.

சாரி மச்சான்.என்ன மேட்டர்னு சொல்லு.

இங்க வேணாம்.வண்டிய எடு.கப்பன் பார்க் போலாம்.

கப்பன் பார்க்கில் வண்டியை பார்க் பண்ணிட்டு இருவரும் நடந்து ஒரு பெஞ்சில் அமர்ந்தார்கள். மீனாவிடம் காதலை சொன்ன விஷயத்தை சொன்னான் சூர்யா.

மை காட். என்னடா இப்படி பண்ணிட்ட. இப்ப என்ன பண்ண போற?

தெரியல மச்சி.கொஞ்சம் சந்தோசமா இருக்கு.கூடவே பயமாவும் இருக்கு.

ஆல்ரைட்.இப்ப யோசிச்சா குழப்பமா இருக்கும்.சோ ...

சோ...என்ன பண்ணலாம்னு சொல்ற நீ?

நைட் முடிஞ்சா சூரியன் வரும். சரக்கு அடிச்சா ஐடியா வரும்.

உயிரே பிரியாதே பகுதி - 1

2009-09-24T21:41:00.017+03:00

உயிரே பிரியாதே !!! - காதல் தொடர்கதை.

மாலை நேரம்.பெங்களூர் நகரத்திற்கே உரித்தான குளிர் கொஞ்சம்
கொஞ்சமாக பரவ தொடங்கிய நேரம்.சிவாஜி நகர் பேருந்து நிலையத்தில் சூர்யா அவளுக்காகவும்,அவளின் பதிலுக்காகவும் காத்துக்கொண்டு இருந்தான்.அவள் என்றால் மீனா .24 வயது நிரம்பிய அழகான பெண்.செயின்ட் மார்க்ஸ் ரோட்டில் அமைந்துள்ள கார்ட் ஆப் ரிங்க்ஸ் கட்டிடத்தின் முதல் மாடியில் உள்ள ஒரு நிதிஆலோசக நிறுவனத்திற்கு சொந்தக்காரி.

இவ்வளவு வசதி படைத்த இவளுக்கும், பேருந்து நிலையத்தில் காத்துக்கொண்டு இருக்கும் சூர்யாவிற்கும் என்ன சம்மந்தம் இருக்க முடியும்?சோ சிம்பிள்..காதல் தான்.

நேற்று அலுவகலத்தில் யாருமில்லா வேளையில் மீனாவிடம் தன் காதலை சொல்லிவிட்டு விறுவிறுவென வெளியே வந்து விட்டான் சூர்யா.கிங்க்ஸ் சிகரட்டை பற்ற வைக்குமபோது கைகள் நடுங்குவதை அவனால் நன்றாக உணர முடிந்தது.சிக்னல் செய்தும் நிற்காமல் போன ஆட்டோக்காரன் மீது எரிச்சல் வந்தது.

சிறிது தூரம் நடந்தால் நண்பன் பிரேம்குமார் வேலை செய்யும் அலுவலகம் வந்துவிடும்.அவனிடம் விஷயத்தை சொன்னால் கொஞ்சம் ஆறுதலாக இருக்குமென நினைத்து கைப்பேசியில் அழைத்தான்.

பிரேம் நீ எப்ப வீட்டுக்கு கிளம்பப்போர?

வேலை முடிந்தது மச்சான்..ஜஸ்ட் சிஸ்டம் ஆப் பண்ணிட்டு வர வேண்டியது தான்.ஆமா நீ எங்கடா இருக்க சூர்யா?

உன் ஆபிசுக்கு வெளிய வெயிட் பண்ணிட்டு இருக்கேன்டா.

ஓகே.ஐ வில் பீ தேர் இன் பைவ் மினிட்ஸ்.இன்னிக்கு என்ன திட்டம் போட்டு இருக்க?சரக்கு ரூம்லே அடிக்கலாமா இல்ல பாருக்கு போலாமா?

டேய். பர்ஸ்ட் வெளிய வந்து தொலைடா.உங்கிட்ட முக்கியமான மேட்டர் சொல்லணும்.

ஓகே ஓகே.வந்துட்டேன் மச்சான்.

பிரேம் வரும்வரை சாலையில் போகும் வாகனங்களை பார்க்கலாம் என திரும்ப அங்கே மீனா தன் காரில் போவது தெரிந்தது.மற்ற நாட்களை விட இன்று சற்று வேகமாக போவதுபோல் தோன்றியது சூர்யாவுக்கு.லேசாக பயமும் வந்தது.

பூங்குன்றன்

ஒருநாள் பூவாய் மலர்வேனோ;

I LOVE YOU ALL !!!

இனிய புத்தாண்டு நல்வாழ்த்துகள்.

காதல் ஞானி !!!

எஞ்சாமி எங்க போச்சு ?

ஒரு காதல் கதையும், சம்மந்தமில்லா ஒரு கவிதையும்.....

கலியுக பூசாரி !!!

கவிதைகள்: ஒரு ஸ்வீட்; ஒரு சோகம்;

காதல் வலியது !!!

உயிரின் ஆணிவேர் மனைவியானால்...

"LOVE YOU DADDY"- குட்டி கதை.

ஒரு சொல்லில் நான்கு மழலை கவிதைகள் !!!

அன்பு தோழியின் அழகு கவிதைகள்- சிறு அறிமுகம்.

நான்கு மெழுவர்த்திகள் நமக்கு கற்று தரும் நம்பிக்கை !!!

கடவுள் ஏன் கல்லானான்?

இன்னமும் அங்கேயே அவர்கள்...

உன் பேர் சொல்ல ஆசைதான்.....

கவிதை மலரெடுத்து உனக்கு சூட்டுவேனடி ..

என் முதல் ஆங்கில கவிதையும், கடவுளிடம் கேட்க இருக்கும் வரங்களும்.

துணை வேண்டி...(உரையாடல் கவிதைப் போட்டிக்காக)

இனிப்பு; காரம்; கொஞ்சம் தேநீர் : கவிதைகள்

பள்ளியறை

பண பற்றாக்குறை-காரணம் என்ன?

விகடனுக்கு நன்றிகள் !!!

மூன்று கவிதைகள் !!!

தமிழன் மாவீரனை போற்றுவோம் !!!

தூங்காத விழிகள் !!!

உன் நினைவில் நான் !!!

மாவீரர் தினத்தன்று ஒரு நாள் முழுக்க பதிவர்களின் ஈழ படைப்புக்கள்.

என் மறுபிறப்பின் கதை ..**முற்றும்**

என் மறுபிறப்பின் கதை ..பாகம் - 3

என் மறுபிறப்பின் கதை ..

என் மறுபிறப்பின் கதை ..

உயிர் பூவே !!!

பெருமையுடன் வழங்கும் ஐம்பதாவது இடுகை :)

பித்தனா? காதல் சித்தனா?

காதல் சிறை

சூழ்நிலை புகைப்படம்

ரியல் ஹீரோ 2009

உங்களுக்கு இன்னிக்கு விடுமுறை..ரெஸ்ட் எடுங்க !!!

காதல் போர்க்களம்

இறுதி கவிதை!!!

பதிவுலக விழாக்கால சலுகைகள் ! பரிசுகள் !!!!

பேசும் நிலா

மழைசாரலில் மல்லிப்பூ !!!

காதல் பரிசு !!!

நாங்களும் பத்துக்கு பத்து போடுவோம்ல்ல.....

"எங்கள் அண்ணா " அப்துல் ரஷீத்.

என்று மாறும் இந்த நிலை?

அப்பா

என் உயிர் தோழியே !!!

உயிரே பிரியாதே ***பகுதி - 21***

உயிரே பிரியாதே ***பகுதி - 20***

உயிரே பிரியாதே ***பகுதி - 19***

உயிரே பிரியாதே ***பகுதி - 18***

உயிரே பிரியாதே ***பகுதி - 17***

உயிரே பிரியாதே ***பகுதி - 16***

உயிரே பிரியாதே ***பகுதி - 15***

உயிரே பிரியாதே ***பகுதி - 14***

உயிரே பிரியாதே ***பகுதி - 13***

உயிரே பிரியாதே ***பகுதி - 12***

உயிரே பிரியாதே ***பகுதி - 11***

உயிர் பூவே!!!

உயிரே பிரியாதே ***பகுதி - 10***

உயிரே பிரியாதே ***பகுதி - 9***

உயிரே பிரியாதே ***பகுதி - 8***

உயிரே பிரியாதே ***பகுதி - 7***

உயிரே பிரியாதே ***பகுதி - 6***

உயிரே பிரியாதே ***பகுதி - 5***

உயிரே பிரியாதே ***பகுதி - 4***

உயிரே பிரியாதே ***பகுதி - 3***

உயிரே பிரியாதே ***பகுதி - 2***

உயிரே பிரியாதே ***பகுதி - 1***

என் மறுபிறப்பின் கதை ..முற்றும்

உயிரே பிரியாதே பகுதி - 21

உயிரே பிரியாதே பகுதி - 20

உயிரே பிரியாதே பகுதி - 19

உயிரே பிரியாதே பகுதி - 18

உயிரே பிரியாதே பகுதி - 17

உயிரே பிரியாதே பகுதி - 16

உயிரே பிரியாதே பகுதி - 15

உயிரே பிரியாதே பகுதி - 14

உயிரே பிரியாதே பகுதி - 13

உயிரே பிரியாதே பகுதி - 12

உயிரே பிரியாதே பகுதி - 11

உயிரே பிரியாதே பகுதி - 10

உயிரே பிரியாதே பகுதி - 9

உயிரே பிரியாதே பகுதி - 8

உயிரே பிரியாதே பகுதி - 7

உயிரே பிரியாதே பகுதி - 6

உயிரே பிரியாதே பகுதி - 5

உயிரே பிரியாதே பகுதி - 4

உயிரே பிரியாதே பகுதி - 3

உயிரே பிரியாதே பகுதி - 2

உயிரே பிரியாதே பகுதி - 1